ಜನಪ್ರಿಯ ಎಲೆಕ್ಟ್ರಿಕ್ ಕಾರುಗಳ ಮೇಲೆ 1.4 ಲಕ್ಷದವರೆಗೆ ಬೆಲೆ ಇಳಿಕೆ: ಈಗ ಎಲ್ಲರೂ ಖರೀದಿಸಬಹುದು!

ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ಬೇಡಿಕೆ ಹೆಚ್ಚಾಗಿದೆಯಾದರೂ, ಗ್ರಾಹಕರಿಗೆ ಕೈಗೆಟುಕುವ ಬೆಲೆಗೆ ಲಭ್ಯವಾಗದ ಕಾರಣ ಖರೀದಿಸಲು ಹಿಂದೇಟು ಹಾಕುತ್ತಿದ್ದಾರೆ. ಮುಖ್ಯವಾಗಿ ಈ ಎಲೆಕ್ಟ್ರಿಕ್ ಕಾರುಗಳ ಹೆಚ್ಚಿನ ಬೆಲೆಗೆ ಕಾರಣ ಅವುಗಳಲ್ಲಿನ ಬ್ಯಾಟರಿಗಳೇ ಬಹುಪಾಲು ಮೊತ್ತವನ್ನು ಹೊಂದಿರುತ್ತವೆ. ಆದರೆ ಈಗ ಆ ಭಯ ಬೇಡ, ಬ್ಯಾಟರಿ ತಂತ್ರಜ್ಞಾನವು ಹೆಚ್ಚು ಮುಖ್ಯವಾಹಿನಿಯಾಗಲು ಪ್ರಾರಂಭಿಸಿದೆ.

ಈ ಬ್ಯಾಟರಿ ತಂತ್ರಜ್ಞಾನದಲ್ಲಿ ಹಲವು ವಾಹನ ತಯಾರಕರು ಯಶಸ್ಸು ಸಾಧಿಸುತ್ತಿರುವುದರಿಂದ ಎಲೆಕ್ಟ್ರಿಕ್ ಕಾರುಗಳ ಬೆಲೆಗಳನ್ನು ಕಡಿಮೆ ಮಾಡುತ್ತಿದ್ದಾರೆ. ಈ ಕ್ರಮವು EV ಕಾರುಗಳ ಮಾರಾಟವನ್ನು ಹೆಚ್ಚಿಸಲು ಮಾತ್ರವಲ್ಲದೆ EV ಗಳು ಮತ್ತು ಇಂಧನ ಚಾಲಿತ ಮಾದರಿಗಳ ನಡುವಿನ ಬೆಲೆಯ ಅಂತರವನ್ನು ಕಡಿಮೆ ಮಾಡುವ ಗುರಿಯನ್ನು ಹೊಂದಿದೆ. ಇತ್ತೀಚೆಗೆ ಬೆಲೆ ಕಡಿತವನ್ನು ಸ್ವೀಕರಿಸಿದ ನಾಲ್ಕು ಎಲೆಕ್ಟ್ರಿಕ್ ಕಾರಗಳನ್ನು ಇಲ್ಲಿ ಪರಿಶೀಲಿಸೋಣ.

MG ಕಾಮೆಟ್ EV: MG ಮೋಟಾರ್ ಇಂಡಿಯಾ ಕೂಡ ಇತ್ತೀಚೆಗೆ ತನ್ನ EV ಗಳ ಬೆಲೆಗಳನ್ನು ಕಡಿಮೆ ಮಾಡಿದೆ. ಕಾಮೆಟ್ EV ಮೇಲೆ 1.4 ಲಕ್ಷ ರೂ. ಬೆಲೆ ಇಳಿಕೆಯಾಗಿದ್ದು, ಈಗ ಕಾಮೆಟ್ EV ಆರಂಭಿಕ ಬೆಲೆಯು ಕೇವಲ ರೂ. 6.99 ಲಕ್ಷದಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುತ್ತದೆ. ಟಾಪ್ ಎಂಡ್ ವೇರಿಯೆಂಟ್ ರೂ. 8.58 ಲಕ್ಷದವರೆಗೆ (ಎಕ್ಸ್ ಶೋ ರೂಂ) ಇದೆ.

MG ZS EV: MG ZS EV ಕಾರಿನ ಮೇಲೆ 3.9 ಲಕ್ಷದವರೆಗೆ ಬೆಲೆ ಇಳಿಕೆ ಮಾಡಲಾಗಿದೆ. ಕಾರು ತಯಾರಕರು ಬೆಲೆ ಪರಿಷ್ಕರಣೆಗಾಗಿ ನಿರ್ದಿಷ್ಟ ಕಾರಣವನ್ನು ಒದಗಿಸದಿದ್ದರೂ, ಭಾರತೀಯ ಕಾರು ಖರೀದಿದಾರರಲ್ಲಿ ಎಲೆಕ್ಟ್ರಿಕ್ ಕಾರುಗಳ ಖರೀದಿಯನ್ನು ಹೆಚ್ಚಿಸಲು ಈ ಕ್ರಮವನ್ನು ತೆಗೆದುಕೊಂಡಿರಬಹುದು. ZS EV ಬೆಲೆ ಈಗ ರೂ.18.98 ಲಕ್ಷದಿಂದ ಆರಂಭವಾಗಿ 25.08 ಲಕ್ಷ (ಎಕ್ಸ್ ಶೋ ರೂಂ) ನಡುವೆ ಇದೆ.

ಟಾಟಾ ಟಿಯಾಗೊ ಇವಿ: ಟಾಟಾ ಮೋಟಾರ್ಸ್ ಬ್ಯಾಟರಿ ತಂತ್ರಜ್ಞಾನದ ವೆಚ್ಚದಲ್ಲಿನ ಇಳಿಕೆಯನ್ನು ಉಲ್ಲೇಖಿಸಿ ಟಿಯಾಗೊ ಇವಿ ಬೆಲೆಯನ್ನು ಕಡಿಮೆ ಮಾಡಿದೆ. ಎಲ್ಲಾ ರೂಪಾಂತರಗಳ ಪೈಕಿ, 19.2 kWh ಬ್ಯಾಟರಿ ಪ್ಯಾಕ್ ಅನ್ನು ಹೊಂದಿದ ಬೇಸ್-ಸ್ಪೆಕ್ XE ರೂಪಾಂತರದ ಮೇಲೆ ರೂ. 70,000 ವರೆಗೆ ಬೆಲೆ ಕಡಿತವನ್ನು ಘೋಷಿಸಿದೆ.

ಟಾಟಾ ನೆಕ್ಸನ್ ಇವಿ: Tiago EV ಜೊತೆಗೆ, Nexon EV ಅದರ ಬೆಲೆಯಲ್ಲಿ ಕಡಿತವನ್ನು ಕಂಡಿದೆ. ಮಧ್ಯಮ ಶ್ರೇಣಿಯ ವೇರಿಯೆಂಟ್‌ಗಳು ಗರಿಷ್ಠ 35,000 ರೂ. ಬೆಲೆ ಕಡಿತವನ್ನು ಪಡೆದರೆ, ಲಾಂಗ್ ರೇಂಜ್ ವೇರಿಯೆಂಟ್‌ಗಳು ರೂ. 1.2 ಲಕ್ಷದವರೆಗೆ ದೊಡ್ಡ ಕಡಿತವನ್ನು ಕಂಡಿವೆ. ಆಸಕ್ತ ಖರೀದಿದಾರರು ಹತ್ತಿರದ ಡೀಲರ್‌ ಬಳಿ ಹೆಚ್ಚಿನ ಮಾಹಿತಿ ಪಡೆಯಬಹುದು.

ಬೆಲೆ ಇಳಿಕೆ ಕಂಡಿರುವ ಕಾರುಗಳಲ್ಲಿ ಪ್ರಸ್ತುತ ಟಾಟಾ ಮೋಟಾರ್ಸ್ ನಿಡುತ್ತಿರುವ ನೆಕ್ಸಾನ್ ಮಾದರಿಗೆ ಭಾರೀ ಬೇಡಿಕೆಯಿದೆ. ಹಾಗೆಯೇ ಎಂಜಿ ಕಾಮೆಟ್ ಇವಿ ಕೂಡ ಸಿಟಿ ಪ್ರಯಾಣಕ್ಕೆ ಹೆಚ್ಚು ಆದ್ಯತೆಯ ಕಾರಾಗಿದೆ. ಉಳಿದ ಮಾದರಿಗಳು ಕೂಡ ತಮ್ಮ ವಿಭಾಗದಲ್ಲಿ ಉತ್ತಮ ಮಾರಾಟ ಕಾಣುತ್ತಿರುವ ಮಾದರಿಗಳಾಗಿವೆ. ಬೆಲೆ ಪರಿಷ್ಕರಣೆಯ ನಂತರ ಯಾವ ಮಾದರಿಯು ನಿಮ್ಮ ಆಯ್ಕೆಯಾಗಿದೆ ಎಂಬುದನ್ನು ಕಾಮೆಂಟ್‌ಗಳಲ್ಲಿ ನಮಗೆ ತಿಳಿಸಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.