Tata punch ev: 21 ಸಾವಿರ ರೂ.ಗೆ ಎಲೆಕ್ಟ್ರಿಕ್ ಕಾರು.. ಬುಕ್ಕಿಂಗ್ ಆರಂಭ.. ಸೂಪರ್ ಆಫರ್ ಬಿಡಿ!

ಹೊಸ ವರ್ಷಕ್ಕೆ ನೀವು ಹೊಸ ಕಾರು ಖರೀದಿಸಲು ಯೋಜಿಸುತ್ತಿದ್ದರೆ, ನಿಮಗಾಗಿ ಸೂಪರ್ ಡೂಪರ್ ಆಫರ್ ಲಭ್ಯವಿದೆ. ದೇಶದ ಪ್ರಮುಖ ಕಾರು ತಯಾರಿಕಾ ಕಂಪನಿಗಳಲ್ಲಿ ಒಂದಾಗಿರುವ ಟಾಟಾ ಮೋಟಾರ್ಸ್ ಇತ್ತೀಚೆಗೆ ಮತ್ತೊಂದು ಬಹುನಿರೀಕ್ಷಿತ ಎಲೆಕ್ಟ್ರಿಕ್ ಕಾರನ್ನು ಅನಾವರಣಗೊಳಿಸಿದೆ. ಇದರ ಹೆಸರು ಟಾಟಾ ಪಂಚ್ ಇವಿ.

ಈ ಹೊಸ ಕಾರು, ಎಲೆಕ್ಟ್ರಿಕ್ ಕಾರು ವಿಭಾಗದಲ್ಲಿ ಅತ್ಯಂತ ಕೈಗೆಟುಕುವ ಬೆಲೆಯಲ್ಲಿ ಲಭ್ಯವಾಗುವ ನಿರೀಕ್ಷಿಯಿದೆ. ಆದ್ದರಿಂದ, ನೀವು ಹೊಸ ಎಲೆಕ್ಟ್ರಿಕ್ ಕಾರನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ಇದನ್ನು ಒಮ್ಮೆ ಪರಿಶೀಲಿಸಬಹುದು. ಟಾಟಾ ಮೋಟಾರ್ಸ್‌ನ ಹೊಸ ಪಂಚ್ ಇವಿ ಬುಕಿಂಗ್ ಕೂಡ ಆರಂಭವಾಗಿದ್ದು, ಕೇವಲ ರೂ. 21 ಸಾವಿರ ನೀಡಿ ಪ್ರಿ ಬುಕ್ ಮಾಡಬಹುದು. ಮುಂದಿನ ಕೆಲವೇ ದಿನಗಳಲ್ಲಿ ಈ ಕಾರಿನ ಬೆಲೆಯನ್ನು ಕಂಪನಿಯು ಪ್ರಕಟಿಸಲಿದೆ.

ಟಾಟಾ ಮೋಟಾರ್ಸ್ ಹೊಸ ಎಲೆಕ್ಟ್ರಿಕ್ ಪಂಚ್ ಕಾರನ್ನು ಐದು ವೇರಿಯೆಂಟ್‌ಗಳಲ್ಲಿ ಗ್ರಾಹಕರಿಗೆ ಲಭ್ಯವಾಗುವಂತೆ ಮಾಡಿದೆ. ಸ್ಮಾರ್ಟ್, ಸ್ಮಾರ್ಟ್ ಪ್ಲಸ್, ಅಡ್ವೆಂಚರ್, ಎಂಪವರ್ಡ್, ಎಂಪವರ್ಡ್ ಪ್ಲಸ್ ಎಂಬ ವೇರಿಯೆಂಟ್ ಗಳನ್ನು ಕಂಪನಿ ನೀಡಿದೆ. ನಿಮ್ಮಿಷ್ಟದ ರೂಪಾಂತರವನ್ನು ನೀವು ಆಯ್ಕೆ ಮಾಡಬಹುದು. ವೈಶಿಷ್ಟ್ಯಗಳು ಮತ್ತು ರೂಪಾಂತರವನ್ನು ಅವಲಂಬಿಸಿ ಬೆಲೆ ಬದಲಾಗುತ್ತದೆ.

ಹೇಗೇ ನೋಡಿದ್ರೂ ಟಾಟಾ ಮೋಟಾರ್ಸ್ ಈ ಹೊಸ ಎಲೆಕ್ಟ್ರಿಕ್ ಕಾರನ್ನು ಅಗ್ಗದ ಬೆಲೆಗೆ ಪರಿಚಯಿಸುವ ನಿರೀಕ್ಷೆಯಿದೆ. ಇನ್ನು ಈ ಹೊಸ ಇವಿ ಕಾರಿನ ಬಣ್ಣಗಳನ್ನು ನೋಡುವುದದಾದ್ರೆ ಗ್ರಾಹಕರಿಗೆ ಆಕ್ಸೈಡ್ ಡ್ಯುಯಲ್ ಟೋನ್, ಫಿಯರ್‌ಲೆಸ್ ರೆಡ್ ಡ್ಯುಯಲ್ ಟೋನ್, ಸೀಡ್‌ವುಡ್ ಡ್ಯುಯಲ್ ಟೋನ್, ಡೇಟೋನಾ ಗ್ರೇ ಡ್ಯುಯಲ್ ಟೋನ್ ಮತ್ತು ಪ್ರಿಸ್ಟಿನ್ ವೈಟ್ ಡ್ಯುಯಲ್ ಟೋನ್ ಮುಂತಾದ ಬಣ್ಣಗಳಲ್ಲಿ ಲಭ್ಯವಿದೆ.

ಪ್ರಮುಖ ಫೀಚರ್ಸ್‌ಗಳನ್ನು ನೋಡುವುದಾದ್ರೆ, ಟಾಟಾ ಪಂಚ್ ಇವಿ ಟಾಪ್ ವೇರಿಯಂಟ್‌ ಎಲೆಕ್ಟ್ರಿಕ್ ಸನ್‌ರೂಫ್ ಅನ್ನು ಹೊಂದಿರುತ್ತದೆ. ಇದು ಆಪ್ಷನಲ್ ವೈಶಿಷ್ಟ್ಯವಾಗಿದೆ. ಇದರ ಜೊತೆಗೆ, 360 ಡಿಗ್ರಿ ಕ್ಯಾಮೆರಾ, ವೆಂಟಿಲೇಟೆಡ್ ಸೀಟ್, ಕನೆಕ್ಟೆಡ್ ಅಪ್ಲಿಕೇಶನ್, ಇನ್ಫೋಟೈನ್‌ಮೆಂಟ್ ಸ್ಕ್ರೀನ್‌ನಂತಹ ವೈಶಿಷ್ಟ್ಯಗಳನ್ನು ಹೊಂದಿರಬಹುದು.

ಉಳಿದಂತೆ ಈ ಕಾರು ರೇಂಜ್ ಆಧಾರವಾಗಿ ಎರಡು ವೆರಿಯಂಟ್‌ಗಳಲ್ಲಿ ಲಭ್ಯವಿರಲಿದೆ. ಅವುಗಳೆಂದರೆ Punch.EV ಮತ್ತು Punch.EV ದೀರ್ಘ ಶ್ರೇಣಿ (Long range). ಕಂಪನಿಯ 3.3kw ವಾಲ್ ಬಾಕ್ಸ್ ಚಾರ್ಜರ್‌ನೊಂದಿಗೆ ಕಾರು ಪ್ರಮಾಣಿತವಾಗಿದೆ. ಇದು ಸುಧಾರಿತ ಸಂಪರ್ಕಿತ ತಂತ್ರಜ್ಞಾನದ ಬುದ್ಧಿವಂತ ವೈಶಿಷ್ಟ್ಯಗಳನ್ನು ಸಹ ಹೊಂದಿರುತ್ತದೆ.

ಈ ಕಾರಿನ ಬುಕಿಂಗ್ ಜನವರಿ 5 ರಿಂದ ಪ್ರಾರಂಭವಾಗಿದೆ. ಈ ಹೊಸ ಟಾಟಾ ಪಂಚ್ ಎಲೆಕ್ಟ್ರಿಕ್ ಕಾರಿನ ರೇಂಜ್ ಸುಮಾರು 600 ಕಿ.ಮೀ ಇರುವ ನಿರೀಕ್ಷೆಯಿದೆ. ಕೇವಲ 10 ನಿಮಿಷ ಚಾರ್ಜ್ ಮಾಡಿದರೆ 100 ಕಿಲೋಮೀಟರ್ ಹೋಗಬಹುದು ಎಂದು ವರದಿಗಳು ಹೇಳುತ್ತಿವೆ. ಹಾಗಾಗಿ ಹೊಸ ಕಾರನ್ನು ಖರೀದಿಸಲು ಬಯಸುತ್ತಿರುವವರು ಅಗ್ಗದ ಬೆಲೆಗೆ ಇಷ್ಟೆಲ್ಲಾ ಫೀಚರ್‌ಗಳನ್ನು ನೀಡುತ್ತಿರುವ ಈ ಹೊಸ ಪಂಚ್ ಇವಿಯನ್ನು ಒಮ್ಮೆ ಪರಿಶೀಲಿಸಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.