ಭರ್ಜರಿ 28 ಕಿ.ಮೀ ಮೈಲೇಜ್, ಉಕ್ಕಿನ ಸುರಕ್ಷತೆಯ CNG ಕಾರುಗಳು: ಮಾರುತಿ ವಿರುದ್ಧ ತೊಡೆ ತಟ್ಟಿದ ಟಾಟಾ

ಭಾರತೀಯ ಮಾರುಕಟ್ಟೆಯಲ್ಲಿ ಸಿಎನ್‌ಜಿ ಕಾರುಗಳಿಗೆ ಭರ್ಜರಿ ಬೇಡಿಕೆಯಿದೆ, ಪ್ರತಿಯೊಂದು ವಾಹನ ಉತ್ಪಾದನಾ ಕಂಪನಿಗಳು ಸಿಎನ್‌ಜಿ ಮಾದರಿಗಳಿಗೆ ಪ್ರಮುಖ್ಯತೆ ನೀಡುತ್ತಿದ್ದಾರೆ. ದೇಶದ ಅತಿ ದೊಡ್ಡ ಕಾರು ತಯಾರಕರಾದ ಮಾರುತಿ ಸುಜುಕಿಗೆ ಸೆಡ್ಡು ಹೊಡೆಯಲು ಟಾಟಾ (Tata) ಸಜ್ಜಾಗುತ್ತಿದೆ. ಇತ್ತೀಚೆಗೆ ಟಾಟಾ ಸಿಎನ್‌ಜಿ ಕಾರುಗಳುಗೆ ಬೇಡಿಕೆ ಹೆಚ್ಚಾಗುತ್ತಿದೆ.

ಸ್ವದೇಶಿ ಕಾರು ತಯಾರಕ ಕಂಪನಿಯಾದ ಟಾಟಾ ಮೋಟಾರ್ಸ್ ಭಾರತದಲ್ಲಿ ಟಿಯಾಗೋ CNG AMT ಮತ್ತು ಟೊಗೊರ್ CNG AMT ಕಾರುಗಳನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ. ಇದರಲ್ಲಿ ಟಾಟಾ ಟಿಯಾಗೋ CNG AMT ಕಾರಿನ ಪ್ರಾರಂಭಿಕ ಬೆಲೆಯು ರೂ.7.90 ಲಕ್ಷವಾದರೆ, ಟೊಗೊರ್ CNG AMT ಕಾರಿನ ಬೆಲೆಯು ರೂ. 8.85 ಲಕ್ಷವಾಗಿದೆ. ಈ ಎಲ್ಲಾ ಬೆಲೆಗಳು ಎಕ್ಸ್ ಶೋರೂಂ ಪ್ರಕಾರವಾಗಿದೆ.

ಹೊಸ ಟಾಟಾ ಟಿಯಾಗೋ CNG AMT ಕಾರು XTA, XZA+, XZA+ ಡ್ಯುಯಲ್-ಟೋನ್, ಮತ್ತು XZA NRG, ಎಂಬ ನಾಲ್ಕು ರೂಪಾಂತರಗಳಲ್ಲಿ ಲಭ್ಯವಿದೆ. ಇವುಗಳ ಬೆಲೆಗಳು ಕ್ರಮವಾಗಿ ರೂ.7.90 ಲಕ್ಷ, ರೂ. 8.80 ಲಕ್ಷ, ರೂ. 8.90 ಲಕ್ಷ ಮತ್ತು ರೂ. 8.80 ಲಕ್ಷವಾಗಿದೆ. ಇನ್ನು ಟೊಗೋರ್ CNG AMT XZA ಬೆಲೆ ರೂ 8.85 ಲಕ್ಷ, ಆದರೆ XZA+ ರೂ 9.55 ಲಕ್ಷದಲ್ಲಿ ಲಭ್ಯವಿದೆ.

ಗಮನಾರ್ಹವಾಗಿ, ಟಾಟಾ ಟಿಯಾಗೊ CNG AMT ಮತ್ತು Tigor CNG AMT ಗಳು CNG ಇಂಧನದೊಂದಿಗೆ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಹೊಂದಿರುವ ಭಾರತದಲ್ಲಿ ಮೊದಲ ವಾಹನಗಳಾಗಿವೆ. ಬ್ರಾಂಡ್‌ನ ಟ್ವಿನ್ CNG ತಂತ್ರಜ್ಞಾನದೊಂದಿಗೆ 1.2 ಲೀಟರ್, 3-ಸಿಲಿಂಡರ್ ನ್ಯಾಚುಅರಲ್ ಆಸ್ಪೈರ್ಡ್ ಪೆಟ್ರೋಲ್ ಎಂಜಿನ್ ಪ್ರತಿ ಕೆಜಿಗೆ 28.06 ಕಿ.ಮೀ ಮೈಲೇಜ್ ಅನ್ನು ನೀಡುತ್ತದೆ ಎಂದು ಟಾಟಾ ಹೇಳಿಕೊಂಡಿದೆ

ಸಿಎನ್‌ಜಿ ಮಾದರಿಗಳ ಜೊತೆಗೆ, ಕಂಪನಿಯು ಟಿಯಾಗೊ ಹ್ಯಾಚ್‌ಬ್ಯಾಕ್‌ಗಾಗಿ ಹೊಸ ಟೊರ್ನಾಡೊ ಬ್ಲೂ ಬಣ್ಣದ ಆಯ್ಕೆಯನ್ನು ಪರಿಚಯಿಸಿದೆ. ಟಿಯಾಗೊ ಎನ್‌ಆರ್‌ಜಿಗೆ ಗ್ರಾಸ್‌ಲ್ಯಾಂಡ್ ಬೀಜ್ ಮತ್ತು ಟಿಗೊರ್ ಸೆಡಾನ್‌ಗಾಗಿ ಮೆಟಿಯರ್ ಬ್ರೊಂಜ್ ಬಣ್ಣ ನೀಡಿದೆ. ಉಳಿದಂತೆ ಎರಡೂ ಸಿಎನ್‌ಜಿ ಕಾರುಗಳಲ್ಲಿ ಬೇರೆ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ.

ಸಿಎನ್‌ಜಿ ಎಎಮ್‌ಟಿ ಟಿಯಾಗೊ ಮತ್ತು ಟಿಗೊರ್ ಬಿಡುಗಡೆಯ ಬಗ್ಗೆ ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ ಲಿಮಿಟೆಡ್‌ನ ಮುಖ್ಯ ವಾಣಿಜ್ಯ ಅಧಿಕಾರಿ ಅಮಿತ್ ಕಾಮತ್ ಅವರು ಮಾತನಾಡಿ, ಸಿಎನ್‌ಜಿ, ವ್ಯಾಪಕವಾದ ಲಭ್ಯತೆಗೆ ಹೆಸರುವಾಸಿಯಾಗಿದೆ, ಇದು ವರ್ಷಗಳಲ್ಲಿ ಸಾಕಷ್ಟು ಸ್ವೀಕಾರತೆ ಗಳಿಸಿದೆ. ಟ್ವಿನ್-ಸಿಲಿಂಡರ್ ತಂತ್ರಜ್ಞಾನ, ಹೈ ಎಂಡ್ ಫೀಚರ್ ಆಯ್ಕೆಗಳು ಮತ್ತು ಸಿಎನ್‌ಜಿಯಲ್ಲಿ ನೇರ ಪ್ರಾರಂಭದಂತಹ ವಿವಿಧ ಉದ್ಯಮದ ಪ್ರಥಮಗಳೊಂದಿಗೆ ಟಾಟಾ ಮೋಟಾರ್ಸ್ ಸಿಎನ್‌ಜಿ ವಿಭಾಗದಲ್ಲಿ ಕ್ರಾಂತಿಯನ್ನು ಮಾಡಿದೆ.

ಕಳೆದ 24 ತಿಂಗಳುಗಳಲ್ಲಿ ನಾವು 1.3 ಲಕ್ಷಕ್ಕೂ ಹೆಚ್ಚು ಸಿಎನ್‌ಜಿ ವಾಹನಗಳನ್ನು ಮಾರಾಟ ಮಾಡಿದ್ದೇವೆ. ಸಂಪುಟಗಳನ್ನು ಮತ್ತಷ್ಟು ಹೆಚ್ಚಿಸುವ ಮತ್ತು ನಮ್ಮ ಗ್ರಾಹಕರಿಗೆ ಅತ್ಯುತ್ತಮವಾದುದನ್ನು ಒದಗಿಸುವ ನಮ್ಮ ಪ್ರಯತ್ನದಲ್ಲಿ, ನಾವು ಈಗ ಹೆಮ್ಮೆಯಿಂದ AMT ನಲ್ಲಿ Tiago ಮತ್ತು Tigor iCNG ಅನ್ನು ಪ್ರಾರಂಭಿಸುತ್ತಿದ್ದೇವೆ. ಭಾರತದಲ್ಲಿ AMT CNG ಕಾರುಗಳನ್ನು ಪರಿಚಯಿಸುತ್ತಿದ್ದೇವೆ ಎಂದು ಹೇಳಿದರು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡಲು ಮರೆಯದಿರಿ.