ರಸ್ತೆ ಮೇಲಿನ ಅರಮನೆಯಂತಿರುವ ಹೊಸ ಎಂಜಿ ಕಾರಿನ ವಿಶೇಷತೆಗಳು

ಜನಪ್ರಿಯ ವಾಹನ ತಯಾರಕ ಕಂಪನಿಯಾದ JSW ಎಂಜಿ ಮೋಟಾರ್ (MG Motor) ತನ್ನ ಪ್ರೀಮಿಯಂ ಎಲೆಕ್ಟ್ರಿಕ್ ಕಾರು ಸರಣಿಗಾಗಿ ತನ್ನ ಎರಡನೇ ಮಾದರಿಯನ್ನು 2025ರ ಆಟೋ ಎಕ್ಸ್‌ಪೋದಲ್ಲಿ ಅನಾವರಣಗೊಳಿಸಿದೆ. ಹೊಸ ಎಂಜಿ M9 ಎಂಪಿವಿಯು ಪ್ರೀಮಿಯಂ ಸೆಲೆಕ್ಟ್ ಡೀಲರ್‌ಶಿಪ್ ನೆಟ್‌ವರ್ಕ್‌ನಲ್ಲಿ ಸೈಬರ್‌ಸ್ಟರ್ ಎಲೆಕ್ಟ್ರಿಕ್ ಸ್ಪೋರ್ಟ್ಸ್ ಕಾರನ್ನು ಅನಾವರಣಗೊಳಿಸಲಾಗಿದೆ. 2025ರ ಮಾರ್ಚ್ ತಿಂಗಳಿನಲ್ಲಿ ಬಿಡುಗಡೆಯಾಗಲಿರುವ ಎಂಜಿ M9 (MG M9) ಪ್ರೀಮಿಯಂ ಎಂಪಿವಿ ಭಾರತೀಯ ಮಾರುಕಟ್ಟೆಯಲ್ಲಿ ಕಿಯಾ ಕಾರ್ನಿವಲ್ ಮತ್ತು ಟೊಯೋಟಾ ವೆಲ್‌ಫೈರ್‌ ಕಾರುಗಳಿಗೆ ಪೈಪೋಟಿ ನೀಡುತ್ತದೆ.

ವಿನ್ಯಾಸ: ಈ ಹೊಸ ಎಂಜಿ M9 ಎಂಪಿವಿಯು ಬಾಕ್ಸಿ ವಿನ್ಯಾಸ ಮತ್ತು ಬೃಹತ್ ಆಕಾರದ ವ್ಹೀಲ್ ಗಳು, ಮೂರನೇ ಸಾಲಿಗೆ ಬೃಹತ್ ಗ್ಲಾಸ್ ಪ್ರದೇಶ ಮತ್ತು ಸುತ್ತಲೂ ಸರಳ ಲೈನ್ ಗಳು ಆಕರ್ಷಕ ವಿನ್ಯಾಸವನ್ನು ಹೊಂದಿದೆ. ಒಟ್ಟಾರೆಯಾಗಿ ಆಕರ್ಷಕ ವಿನ್ಯಾಸವನ್ನು ಹೊಂದಿರುವ ಎಂಪಿವಿ ಮಾದರಿಯಾಗಿದೆ. ಹೊಸ ಎಂಜಿ M9 ಎಂಪಿವಿಯು ಫುಲ್ ಅಗಲದ ಎಲ್ಇಡಿ ಲೈಟ್ ಬಾರ್ ಅನ್ನು ಹೊಂದಿದೆ.

ಇದರೊಂದಿಗೆ ಮೈಲ್ ಹೆಡ್ ಲೈಟ್ ಯುನಿಟ್ ಅನ್ನು ಕೆಳಗೆ ಇರಿಸಲಾಗುತ್ತದೆ ಮತ್ತು ಕ್ರೋಮ್ ಸ್ಟ್ರಿಪ್ ಬಂಪರ್ ಕೆಳಗಿನ ಭಾಗದಲ್ಲಿದೆ. ಇನ್ನು ಈ ಎಂಜಿ ಕಾರಿನ ಮುಂಭಾಗದ ಏರ್ ಡ್ಯಾಮ್ ಅನ್ನು ಸಹ ಹೊಂದಿದೆ. ಹಿಂಭಾಗದ ಭಾಗವು ಶಾರ್ಪ್ ಅಂಶಗಳೊಂದಿಗೆ ಕನೆಕ್ಟಿವಿಟಿ ಎಲ್ಇಡಿ ಟೈಲ್ ಲ್ಯಾಂಪ್ ಅನ್ನು ಪಡೆಯುತ್ತದೆ. ಇನ್ನು ಈ ಎಂಜಿ M9 ಎಂಪಿವಿಯ ಬಂಪರ್ ನಲ್ಲಿ ಕ್ರೋಮ್ ಅಂಶಗಳನ್ನು ಹೊಂದಿದೆ.

ಈ ಹೊಸ ಎಂಜಿ M9 ಕಾರಿನಲ್ಲಿ 7-ಸೀಟುಗಳ ವಿನ್ಯಾಸದೊಂದಿಗೆ ಬರುತ್ತದೆ, ಅಲ್ಲಿ ಮಧ್ಯದ ಸಾಲು ಅತ್ಯಂತ ಸೌಕರ್ಯವನ್ನು ಖಚಿತಪಡಿಸುತ್ತದೆ. ಇನ್ನು ಈ ಕಾರಿನಲ್ಲಿ ಎಂಟು ಮಸಾಜ್ ಫಂಕ್ಷಗಳನ್ನು ಒದಗಿಸುವ ಒಟ್ಟೋಮನ್ ಸೀಟುಗಳನ್ನು ಹೊಂದಿದೆ. ಇನ್ನು ಈ ಹೊಸ ಎಂಜಿ ಎಂಪಿವಿಯನ್ನು ಭಾರತದಲ್ಲಿ ಮೊದಲ ಬಾರಿಗೆ 2023ರ ಆಟೋ ಎಕ್ಸ್‌ಪೋದಲ್ಲಿ Mifa 9 ಮಾದರಿಯಾಗಿ ಪಾದಾರ್ಪಣೆ ಮಾಡಿತು.

ಫೀಚರ್ಸ್: ಈ ಎಂಜಿ M9 ಪ್ರೀಮಿಯಂ ಎಂಪಿವಿ 3-ಝೋನ್ ಕ್ಲೈಮೆಂಟ್ ಕಂಟ್ರೋಲ್, ಸೀಟ್ ವೆಂಟಿಲೇಶನ್, ಡ್ಯುಯಲ್ ಸನ್‌ರೂಫ್‌ಗಳು, ಚಾಲಿತ ಸ್ಲೈಡಿಂಗ್ ಹಿಂಭಾಗದ ಡೋರುಗಳು ಮತ್ತು ಹಿಂಭಾಗದ ಮನರಂಜನಾ ಪ್ಯಾಕೇಜ್‌ನಂತಹ ಟನ್ ಜೀವಿ ಸೌಕರ್ಯದ ವೈಶಿಷ್ಟ್ಯಗಳನ್ನು ಪಡೆಯುತ್ತದೆ. ಈ ಹೊಸ ಎಂಜಿ M9 ಪ್ರೀಮಿಯಂ ಎಂಪಿವಿಯಲ್ಲಿಸುರಕ್ಷತಾ ಫೀಚರ್ಸ್ ಗಳನ್ನು ನೀಡಲಾಗಿದೆ.

ಸುರಕ್ಷತಾ ಫೀಚರ್ಸ್: ಸುರಕ್ಷತೆಗಾಗಿ ಈ ಕಾರಿನಲ್ಲಿ, ADAS, 360-ಡಿಗ್ರಿ ವ್ಯೂ ಕ್ಯಾಮೆರಾ, ESP, ಆಟೋ ಹೋಲ್ಡ್, TPMS ಮತ್ತು ಹೆಚ್ಚಿನವುಗಳನ್ನು ಒಳಗೊಂಡಿವೆ. ಇನ್ನು ಈ ಹೊಸ ಎಂಜಿ M9 ಪ್ರೀಮಿಯಂ ಎಂಪಿವಿ ಮಾದರಿಯು ಟ್ರೋಫಿ ಮತ್ತು ಗ್ರ್ಯಾಂಡ್ ಟ್ರೋಫಿ ಎಂಬ ಎರಡೂ ರೂಪಾಂತರಗಳಲ್ಲಿ ಲಭ್ಯವಿರುತ್ತದೆ. ಈ ಎಂಜಿ ಪ್ರೀಮಿಯಂ ಎಂಪಿವಿಯು ಎಲೆಕ್ಟ್ರಿಕ್ ಆಗಿದೆ.

ಬ್ಯಾಟರಿ ಪ್ಯಾಕ್‌: ಎಂಜಿ M9 ಪ್ರೀಮಿಯಂ ಎಂಪಿವಿಗಾಗಿ 90kWh ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುತ್ತದೆ. ಪವರ್ ಔಟ್‌ಪುಟ್ ಅಂಕಿಅಂಶಗಳು 245 bhp ಮತ್ತು 350 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು ಈ ಹೊಸ ಎಂಜಿ ಕಾರಿನಲ್ಲಿ ಸಿಂಗಲ್ ಚಾರ್ಜ್‌ನಲ್ಲಿ WLTP ಪ್ರಕಾರ 430 ಕಿಲೋಮೀಟರ್‌ಗಳು ಚಲಿಸುತ್ತದೆ. ಇನ್ನು ಈ ಹೊಸ ಎಂಜಿ ಕಾರಿನ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ. 65 ಲಕ್ಷವಿರಬಹುದು.

ಈ ಹೊಸ ಎಂಜಿ ಪ್ರೀಮಿಯಂ ಎಲೆಕ್ಟ್ರಿಕ್ ಎಂಪಿವಿ ಬಿಡುಗಡೆಯಾಗುವ ಸಂದರ್ಭದಲ್ಲಿ ಬೆಲೆಗಳು ಬಹಿರಂಗವಾಗಲಿದೆ. 2025ರ ಮಾರ್ಚ್ ತಿಂಗಳಿನಲ್ಲಿ ಹೊಸ ಎಂಜಿ M9 ಎಂಪಿವಿ ಬಿಡುಗಡೆಯಾಗಲಿದೆ. ಆದರೆ ಬಿಡುಗಡೆಗೂ ಮುನ್ನ ಈ ಹೊಸ ಪ್ರೀಮಿಯಂ ಕಾರಿನ ಖರೀದಿಗಾಗಿ ಬುಕ್ಕಿಂಗ್ ಅನ್ನು ಪ್ರಾರಂಭಿಸಲಾಗುತ್ತದೆ. ಒಟ್ಟಿನಲ್ಲಿ ಈ ಹೊಸ ಪ್ರೀಮಿಯಂ ಎಂಪಿವಿಯು ಭಾರತದಲ್ಲಿ ಸಂಚಲನವನ್ನು ಸೃಷ್ಟಿಸಲು ಸಜ್ಜಾಗಿದೆ.