MINI: ವಿಶೇಷ ಆವೃತ್ತಿಯಾಗಿ ಇತ್ತೀಚೆಗೆ ಬಿಡುಗಡೆ: 20 ಕಾರುಗಳು ಮಾತ್ರ ಮಾರಾಟ: ವಿಶೇಷತೆಗಳೇನು?

ಜನಪ್ರಿಯ ವಾಹನ ತಯಾರಕ ಕಂಪನಿಯಾಗಿರುವ 'ಮಿನಿ' (MINI) ಬ್ರಾಂಡ್‌ ತನ್ನ ಹೊಸ ಮಿನಿ ಕಂಟ್ರಿಮ್ಯಾನ್ ಇ - ಜಾನ್ ಕೂಪರ್ ವರ್ಕ್ಸ್ ಪ್ಯಾಕ್ ಎಲೆಕ್ಟ್ರಿಕ್ ಕಾರನ್ನು ರೂ. 62,00,000 (ಎಕ್ಸ್-ಶೋರೂಂ) ಬೆಲೆಗೆ ಬಿಡುಗಡೆ ಮಾಡಿದೆ. ಹೊಸ ಮಿನಿ ಕಾರಿನ ಮೋಟಾರ್ 150 kW/204 hp ಪವರ್ ಮತ್ತು 250 Nm ಗರಿಷ್ಠ ಟಾರ್ಕ್ ಹೊರಹಾಕುತ್ತದೆ. ಇದು 66.45 kWh ಸಾಮರ್ಥ್ಯದ ಲಿಥಿಯಂ-ಐಯಾನ್ ಬ್ಯಾಟರಿಯನ್ನು ಹೊಂದಿದ್ದು, ಇದನ್ನು ಒಮ್ಮೆ ಸಂಪೂರ್ಣ ಚಾರ್ಜ್ ಮಾಡಿದರೆ 462 ಕಿ.ಮೀ ಓಡಿಸಬಹುದು. ಕೇವಲ 8.6 ಸೆಕೆಂಡುಗಳಲ್ಲಿ 100 ಕಿಮೀ ವೇಗವನ್ನು ತಲುಪಬಲ್ಲದು.

ಹೊಸ ಮಿನಿ ಕಂಟ್ರಿಮ್ಯಾನ್ ಇ - ಜಾನ್ ಕೂಪರ್ ವರ್ಕ್ಸ್ ಪ್ಯಾಕ್ ಕಾರನ್ನು 10 ರಿಂದ 80% (8 ನಿಮಿಷಗಳಲ್ಲಿ 100 ಕಿಮೀ ಟಾಪ್ ಅಪ್ ಶ್ರೇಣಿ) ರಷ್ಟು ಚಾರ್ಜ್ ಮಾಡಲು - 130 kW DC ಚಾರ್ಜರ್‌ನಲ್ಲಿ-29 ನಿಮಿಷ ಬೇಕಾಗುತ್ತದೆ. 11 kW AC ಚಾರ್ಜರ್‌ನಲ್ಲಿ - 6 ಗಂಟೆ 45 ನಿಮಿಷಗಳಲ್ಲಿ 0 ರಿಂದ 100% ಜಾರ್ಜ್ ಮಾಡಬಹುದು.

ಇದರಲ್ಲಿ ನೀಡಲಾದ ಪ್ರಮಾಣಿತ MINIMALISM ತಂತ್ರಜ್ಞಾನವು ಆಟೋ ಸ್ಟಾರ್ಟ್/ಸ್ಟಾಪ್ ಫಂಕ್ಷನ್, ಬ್ರೇಕ್ ಎನರ್ಜಿ ರಿಕ್ಯೂಪರೇಶನ್, 360 ಡಿಗ್ರಿ ಕ್ಯಾಮೆರಾದೊಂದಿಗೆ ಕ್ರೂಸ್ ಕಂಟ್ರೋಲ್ ಮತ್ತು ಪಾರ್ಕಿಂಗ್ ಅಸಿಸ್ಟೆಂಟ್, ಆಕ್ಟಿವ್ ಕೂಲಿಂಗ್ ಏರ್ ಡಕ್ಟ್‌ಗಳು ಮತ್ತು ಎಲೆಕ್ಟ್ರೋಮೆಕಾನಿಕಲ್ ಪವರ್ ಸ್ಟೀರಿಂಗ್ ಅನ್ನು ಒಳಗೊಂಡಿದೆ.

ಸುರಕ್ಷತೆ ವಿಚಾರದಲ್ಲಿ ಮುಂಭಾಗದ ಪ್ರಯಾಣಿಕರ ಡೈನಾಮಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಕ್ರ್ಯಾಶ್ ಸೆನ್ಸರ್, ಆಂಟಿ-ಲಾಕ್ ಬ್ರೇಕಿಂಗ್ ಸಿಸ್ಟಮ್, ಕಾರ್ನರಿಂಗ್ ಬ್ರೇಕ್ ಕಂಟ್ರೋಲ್, ಏರ್‌ಬ್ಯಾಗ್‌ಗಳು ಮತ್ತು ಸೈಡ್ ಕರ್ಟನ್ ಏರ್‌ಬ್ಯಾಗ್‌ಗಳು, ಬ್ರೇಕ್ ಅಸಿಸ್ಟ್, 3-ಪಾಯಿಂಟ್ ಸೀಟ್ ಬೆಲ್ಟ್‌ಗಳು, ರಿಯರ್ ವ್ಯೂ ಕ್ಯಾಮೆರಾ ಮತ್ತು ಟೈರ್ ಪ್ರೆಶರ್ ಇಂಡಿಕೇಟರ್‌ನೊಂದಿಗೆ ಟ್ಯೂಬ್‌ಲೆಸ್ ಟೈರ್‌ಗಳನ್ನು ಒಳಗೊಂಡಿವೆ.

ಇಂಟೀರಿಯರ್ ವಿಶೇಷತೆಗಳು: ಒಳಾಂಗದಲ್ಲಿ ಹೆಡ್‌ಲೈನರ್ ಆಂಥ್ರಾಸೈಟ್ ಕಾಕ್‌ಪಿಟ್‌ನೊಳಗಿನ ಡಿಸೈನ್ ಮತ್ತಷ್ಟು ಆಕರ್ಷಕವಾಗಿ ಕಾಣುತ್ತದೆ. ಹೈ-ರೆಸಲ್ಯೂಶನ್ 240mm ವೃತ್ತಾಕಾರದ OLED ಟಚ್‌ಸ್ಕ್ರೀನ್ ಡಿಸ್ಪ್ಲೇಯೊಂದಿಗೆ ಈ ಕಾರು ಬರುತ್ತದೆ. ಸ್ಪೋರ್ಟ್ಸ್ ಸೀಟ್‌ಗಳು, ಆಕರ್ಷಕ ಡ್ಯಾಶ್‌ಬೋರ್ಡ್, ಪ್ಯಾಡಲ್ ಶಿಫ್ಟರ್‌ಗಳನ್ನು ಹೊಂದಿರುವ ಸ್ಟೀರಿಂಗ್ ವೀಲ್ ನೀಡಲಾಗಿದೆ.

ಆಪಲ್ ಕಾರ್ಪ್ಲೇ / ಆಂಡ್ರಾಯ್ಡ್ ಆಟೋ, ಟೆಲಿಸರ್ವಿಸಸ್, ಇನ್-ಕಾರ್ ಕ್ಲೈಮೆಟ್ ಮತ್ತು ಇಂಟೆಲಿಜೆಂಟ್ ಎಮರ್ಜೆನ್ಸಿ ಕಾಲ್ ಸರ್ವಿಸ್, ಹರ್ಮನ್ ಕಾರ್ಡನ್ ಸರೌಂಡ್ ಸೌಂಡ್ ಸಿಸ್ಟಮ್, ನ್ಯಾವಿಗೇಷನ್, ರಿಮೋಟ್ ಸೇವೆಗಳು, ರಿಮೋಟ್ ಸಾಫ್ಟ್‌ವೇರ್ ಅಪ್‌ಗ್ರೇಡ್‌ಗಳು ಇವೆ. ಹೆಡ್-ಅಪ್ ಡಿಸ್ಪ್ಲೇ ಎಲ್ಲಾ ಸಂಬಂಧಿತ ಮಾಹಿತಿಯನ್ನು ನೇರವಾಗಿ ಚಾಲಕನ ದೃಷ್ಟಿಗೆ ತರುತ್ತದೆ.

ಕಾರಿನ ಬ್ಯಾಟರಿಯು 8 ವರ್ಷಗಳು ಅಥವಾ 1,60,000 ಕಿಲೋಮೀಟರ್‌ಗಳ ವಾರೆಂಟಿಯನ್ನು ಹೊಂದಿದೆ. 5 ವರ್ಷಗಳ 24x7 ರೋಡ್-ಸೈಡ್ ಅಸಿಸ್ಟೆನ್ಸ್ ಪೋರ್ಟಬಲ್ ರಸ್ತೆಬದಿಯ ಚಾರ್ಜಿಂಗ್‌ನಂತಹ ಸೌಲಭ್ಯಗಳೊಂದಿಗೆ ಸಿಗುತ್ತದೆ. ಅನಿಯಮಿತ ಕಿಲೋಮೀಟರ್‌ಗಳಿಗೆ ಪ್ರಮಾಣಿತ ಎರಡು ವರ್ಷಗಳ ವಾರೆಂಟಿಯೊಂದಿಗೆ ಬರುತ್ತದೆ.

ಈ ಲಿಮಿಟೆಡ್ ಎಡಿಷನ್ ಕೇವಲ 20 ಯೂನಿಟ್‌ ಕಾರುಗಳು ಮಾತ್ರ ಮಾರಾಟಕ್ಕೆ ಲಭ್ಯವಿರುತ್ತವೆ. ವಿತರಣೆಗಳು ಜೂನ್ 10 ರಿಂದ ಪ್ರಾರಂಭವಾಗುತ್ತವೆ. ಇದು ಸಂಪೂರ್ಣ ಬಿಲ್ಟ್-ಅಪ್ ಯೂನಿಟ್ (CBU)ಆಗಿ ಲಭ್ಯವಿದ್ದು, ಆನ್‌ಲೈನ್ ಶಾಪ್‌ನಲ್ಲಿ (shop.mini.in) ಪ್ರತ್ಯೇಕವಾಗಿ ಬುಕ್ ಮಾಡಬಹುದು ಎಂದು ಕಂಪನಿ ತಿಳಿಸಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.