Honda: ಅಗ್ಗದ ಬೆಲೆಗೆ ಬಿಡುಗಡೆಯಾದ ಹೊಸ ಹೋಂಡಾ ADV ಬೈಕ್ ವಿಶೇಷತೆಗಳು!

ಹೋಂಡಾ ಮೋಟಾರ್ ಸೈಕಲ್ (Honda Motorcycle) ಕಂಪನಿಯು, ಭಾರತದಲ್ಲಿ ತನ್ನ ಅಡ್ವೆಂಚರ್ ವಿಭಾಗಕ್ಕೆ ಹೊಸ ಅಂದವನ್ನು ಹೆಚ್ಚಿಸಿ ಆಧುನಿಕ ವಿನ್ಯಾಸ ಹಾಗೂ ಹೊಸ ಡಿಸೈನ್‌ನೊಂದಿಗೆ NX 200 ಅನ್ನು ಬಿಡುಗಡೆ ಮಾಡಿದೆ. ಈ ಬೈಕ್ ಅನ್ನು ಒಂದೇ ರೂಪಾಂತರದಲ್ಲಿ ಬಿಡುಗಡೆಗೊಳಿಸಿದ್ದು, - ರೇಡಿಯಂಟ್ ರೆಡ್ ಮೆಟಾಲಿಕ್ (Radiant Red Metallic) - ಅಥ್ಲೆಟಿಕ್ ಬ್ಲೂ ಮೆಟಾಲಿಕ್ (Athletic Blue Metallic) - ಪರ್ಲ್ ಇಗ್ನಿಯಸ್ ಬ್ಲ್ಯಾಕ್ (Pearl Igneous Black) ಎಂಬ ಮೂರು ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಿದೆ.

ಈ ಹೊಸ ಬೈಕ್ ಬೆಲೆಯು 1,68,499 (ಎಕ್ಸ್ ಶೋರೂಂ) ಇದೆ. ಹೊಸ ಹೋಂಡಾ NX 200 ಈಗ ದೇಶಾದ್ಯಂತ HMSI ರೆಡ್ ವಿಂಗ್ ಮತ್ತು ಬಿಗ್ ವಿಂಗ್ ಡೀಲರ್ ಶಿಪ್‌ಗಳಲ್ಲಿ ಖರೀದಿಗೆ ಲಭ್ಯವಿದೆ. ನಿಜಕ್ಕೆ ಹೋಂಡಾ ಕಂಪನಿಯು ಈ ಹಿಂದೆ ಮಾರಾಟ ಮಾಡುತ್ತಿದ್ದ ಸಿಬಿ 200 X ಅನ್ನು ಈಗ NX 200 ಎಂದು ಮರುನಾಮಕರಣ ಮಾಡಿ ಬಿಡುಗಡೆ ಮಾಡಿದೆ.

ಎಂಜಿನ್: ನಗರ ಮತ್ತು ಹೆದ್ದಾರಿ ಸವಾರಿ ಎರಡಕ್ಕೂ ವಿನ್ಯಾಸಗೊಳಿಸಲಾದ ಎಂಜಿನ್ ಸುಗಮ ಎಲೆಕ್ಟ್ರಿಕ್ ವಿತರಣೆ, ಇಂಧನ ದಕ್ಷತೆ ಮತ್ತು ಭೂಪ್ರದೇಶಗಳಲ್ಲಿ ಬಹುಮುಖತೆಗೆ ಹೊಂದಿಕೊಳ್ಳುತ್ತದೆ. ಹೊಸ NX 200 ಬೈಕಿನಲ್ಲಿ 184.4 ಸಿಸಿ ಸಿಂಗಲ್ ಸಿಲಿಂಡರ್, 4 ಸ್ಟ್ರೋಕ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 12.5 ಕಿಲೋವ್ಯಾಟ್ ಪವರ್ ಮತ್ತು 15.7 ಎನ್ಎಂ ಪೀಕ್ ಟಾರ್ಕ್ ಉತ್ಪಾದಿಸುತ್ತದೆ ಎಂದು ಕಂಪನಿ ಹೇಳಿದೆ.

ಡೆಕಾಲ್‌ಗಳಲ್ಲಿನ ಕೆಲವು ಬದಲಾವಣೆಗಳನ್ನು ಹೊರತುಪಡಿಸಿ, ಹೋಂಡಾದ NX 500 ನಿಂದ ಸ್ಫೂರ್ತಿ ಪಡೆದ NX 200 ಮೋಟಾರ್‌ಸೈಕಲ್, CB 200 X ನಂತೆಯೇ ಅದೇ ವಿನ್ಯಾಸವನ್ನು ಹೊಂದಿದೆ. ಮಸ್ಕುಲರ್ ಫ್ಯೂಲ್ ಟ್ಯಾಂಕ್, ಆಕ್ರಮಣಕಾರಿ ಗ್ರಾಫಿಕ್ಸ್ ಇದರ ಸೌಂದರ್ಯವನ್ನು ಹೆಚ್ಚಿಸಿದೆ. ಹಾಗೆಯೇ ಎಲ್ಇಡಿ ಹೆಡ್ ಲ್ಯಾಂಪ್, ಎಲ್ಇಡಿ ವಿಂಕರ್‌ಗಳು ಮತ್ತು X-ಆಕಾರದ ಎಲ್ಇಡಿ ಟೈಲ್ ಲ್ಯಾಂಪ್ ಅನ್ನು ಹೊಂದಿದೆ.

ಸುಧಾರಿತ ತಂತ್ರಜ್ಞಾನ: ವಿವಿಧ ರಸ್ತೆ ಪರಿಸ್ಥಿತಿಗಳಲ್ಲಿ ಸುಧಾರಿತ ಹಿಂಭಾಗದ ವೀಲ್ ಸ್ಟೆಬಿಲಿಟಿಗಾಗಿ ಹೋಂಡಾ ಸೆಲೆಕ್ಟಬಲ್ ಟಾರ್ಕ್ ಕಂಟ್ರೋಲ್ (ಎಚ್ಎಸ್ಟಿಸಿ) ಒದಗಿಸಲಾಗಿದೆ. ಆಕ್ರಮಣಕಾರಿ ಗೇರ್ ಡೌನ್ ಶಿಫ್ಟಿಂಗ್ ಸಮಯದಲ್ಲಿ ಹಿಂಭಾಗದ ವೀಲ್ ಲಾಕಿಂಗ್ ಅನ್ನು ತಡೆಗಟ್ಟಲು ಹಾಗೂ ಸುಗಮ ಗೇರ್ ಶಿಫ್ಟ್‌ಗಳಿಗಾಗಿ ಅಸಿಸ್ಟ್ & ಸ್ಲಿಪ್ಪರ್ ಕ್ಲಚ್ ಒದಗಿಸಲಾಗಿದೆ.

ಹೊಸ NX 200 ಬೈಕ್‌ನಲ್ಲಿ ಕಾಲ್ ನೋಟಿಫಿಕೇಷನ್ ಮತ್ತು ಎಸ್ಎಂಎಸ್ ಅಲರ್ಟ್ ಹೋಂಡಾ ರೋಡ್‌ಲಿಂಕ್ ಅಪ್ಲಿಕೇಶನ್ ಸಪೋರ್ಟ್ ನೀಡಲಾಗಿದೆ. 4.2 - ಇಂಚಿನ ಪೂರ್ಣ - ಡಿಜಿಟಲ್ ಟಿಎಫ್‌ಟಿ ಡಿಸ್ಪ್ಲೇ ಜೊತೆಗೆ ಬ್ಲೂಟೂತ್ ಸಂಪರ್ಕ ಮತ್ತು ನ್ಯಾವಿಗೇಷನ್, ಆನ್-ದಿ-ಗೋ ಡಿವೈಸ್ ಚಾರ್ಜಿಂಗ್‌ಗಾಗಿ ಯುಎಸ್‌ಬಿ ಸಿ-ಟೈಪ್ ಚಾರ್ಜಿಂಗ್ ಪೋರ್ಟ್ ಕೂಡ ಒದಗಿಸಲಾಗಿದೆ.

ಹೊಸ NX 200 ಬೈಕ್ ಈಗ ಮತ್ತಷ್ಟು ವರ್ಧಿತ ಬ್ರೇಕಿಂಗ್ ಕಾರ್ಯಕ್ಷಮತೆ ಮತ್ತು ರೈಡರ್ ಸುರಕ್ಷತೆಗಾಗಿ ಡ್ಯುಯಲ್-ಚಾನೆಲ್ ಎಬಿಎಸ್ ಹೊಂದಿದೆ. ಒಟ್ಟಾರೆ ಹೊಸ NX 200 ಅತ್ಯಾಧುನಿಕ ತಂತ್ರಜ್ಞಾನವನ್ನು ಹೊಂದಿದ್ದು, ಸವಾರರ ಅನುಕೂಲತೆ ಮತ್ತು ನಿಯಂತ್ರಣವನ್ನು ಹೆಚ್ಚಿಸುತ್ತದೆ ಎಂದು ಹೋಂಡಾ ಮೋಟಾರ್ ಸೈಕಲ್ ಭರವಸೆ ನೀಡಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.