ಬ್ರಾಂಡ್‌ಗೆ ಚಿನ್ನದ ಮೊಟ್ಟೆ: ಲಗ್ಗೆಯಿಟ್ಟು ಹತ್ತು ವರ್ಷ... 5 ಲಕ್ಷ ಬೆಲೆಯ ಸ್ಪೆಷಲ್ ಎಡಿಷನ್ ಬಿಡುಗಡೆ

ಜನಪ್ರಿಯ ಕಾರು ತಯಾರಕ ಕಂಪನಿಯಾಗಿರುವ ರೆನಾಲ್ಟ್, ಇಂದು ತನ್ನ 'ಕ್ವಿಡ್' ಕಾರಿನ 10ನೇ ವಾರ್ಷಿಕೋತ್ಸವದ ಸ್ಪೆಷಲ್ ಎಡಿಷನ್ ಅನ್ನು ಬಿಡುಗಡೆ ಮಾಡಿದೆ. ಭಾರತದಲ್ಲಿ ಈ ಕಾರು ಬಿಡುಗಡೆಯಾಗಿ 10 ವರ್ಷಗಳನ್ನು ಪೂರ್ಣಗೊಳಿಸಿದ್ದು, ಇಂದಿಗೂ ಗ್ರಾಹಕರಿಂದ ಉತ್ತಮ ಬೇಡಿಕೆಯನ್ನು ಪಡೆಯುತ್ತಿದೆ. ಇದು ಭಾರತದಲ್ಲಿ ತನ್ನ ಆಕರ್ಷಕ ವಿನ್ಯಾಸ, SUV-ಪ್ರೇರಿತ ನಿಲುವು ಮತ್ತು ಸಾಟಿಯಿಲ್ಲದ ಮೌಲ್ಯ ಪ್ರತಿಪಾದನೆಯೊಂದಿಗೆ ಉತ್ತಮ ಮಾರಾಟ ಕಾಣುತ್ತಾ ಭಾರತದಲ್ಲಿ ಒಂದು ದಶಕವನ್ನು ಪೂರ್ಣಗೊಳಿಸಿದೆ ಎಂದು ರೆನಾಲ್ಟ್ ಹೇಳಿಕೊಂಡಿದೆ.

10ನೇ ವಾರ್ಷಿಕೋತ್ಸವದ ಸ್ಪೆಷಲ್ ಎಡಿಷನ್‌ನ ಕೇವಲ 500 ಕಾರುಗಳು ಮಾತ್ರ ಟೆಕ್ನೋ ವೇರಿಯೆಂಟ್‌ನಲ್ಲಿ ವಿಶೇಷ ಸ್ಟೈಲಿಂಗ್ ಅಂಶಗಳೊಂದಿಗೆ ಖರೀದಿಗೆ ಲಭ್ಯವಿರುತ್ತವೆ. ಈ ಲಿಮಿಟೆಡ್ ಎಡಿಷನ್ ರೆನಾಲ್ಟ್ ಕ್ವಿಡ್ ಆನಿವರ್ಸರಿ ಕಾರಿನ ಬೆಲೆಯು ಮ್ಯಾನುವಲ್‌ನೊಂದಿಗೆ ರೂ. 5.14 ಲಕ್ಷ ಮತ್ತು AMT ಯೊಂದಿಗೆ ರೂ. 5.63 ಲಕ್ಷ ಬೆಲೆಯಲ್ಲಿ (ಎಕ್ಸ್‌ ಶೋರೂಂ) ಖರೀದಿಗೆ ಲಭ್ಯವಿದೆ.

ಸ್ಪೆಷಲ್ ಎಡಿಷನ್ ವಿಶೇಷತೆಗಳು

10ನೇ ವಾರ್ಷಿಕೋತ್ಸವ ಆವೃತ್ತಿಯ KWID ಬ್ಲಾಕ್ ರೂಫ್‌ನೊಂದಿಗೆ ಫೈರಿ ರೆಡ್ ಮತ್ತು ಬ್ಲಾಕ್ ರೂಫ್‌ನೊಂದಿಗೆ ಹೊಸ ಶ್ಯಾಡೋ ಗ್ರೇ ಎಂಬ ಎರಡು ಗಮನಾರ್ಹ ಡ್ಯುಯಲ್-ಟೋನ್ ಬಣ್ಣಗಳಲ್ಲಿ ಸಿಗಲಿದೆ. ಶೈನಿಂಗ್ ಬ್ಲಾಕ್ ಫ್ಲೆಕ್ಸ್ ವೀಲ್‌ಗಳು ಮತ್ತು ಬಾಗಿಲುಗಳು ಮತ್ತು ಸಿ-ಪಿಲ್ಲರ್‌ಗಳ ಮೇಲೆ ವಿಶಿಷ್ಟವಾದ ಆನಿವರ್ಸರಿ ಡೆಕಲ್‌ಗಳೊಂದಿಗೆ ವರ್ಧಿಸಲ್ಪಟ್ಟಿದೆ.

ಯೆಲ್ಲೋ ಗ್ರಿಲ್ ಇನ್ಸರ್ಟ್ ಲಿಮಿಟೆಡ್ ಎಡಿಷನ್ ರೋಮಾಂಚಕ ಡಿಸೈನ್ ಪಡೆದುಕೊಂಡಿದೆ. ಡ್ಯುಯಲ್ ಟೋನ್ ಬಣ್ಣದ ಪರಿಚಯವು ವಾಹನವನ್ನು ಭಾರತದ ಅತ್ಯಂತ ಆಕರ್ಷಕ ವಾಹನವನ್ನಾಗಿ ಮಾಡುತ್ತದೆ. ಒಳಗೆ, ಕ್ಯಾಬಿನ್ ಅನ್ನು 10ನೇ ವಾರ್ಷಿಕೋತ್ಸವದ ಸೀಟ್ ವಿನ್ಯಾಸಗಳು ಮತ್ತು ಪ್ರೀಮಿಯಂ ವಿವರಗಳೊಂದಿಗೆ ಡಿಸೈನ್ ಮಾಡಲಾಗಿದೆ.

ಸೀಟುಗಳ ಮೇಲಿನ ಹಳದಿ ಬಣ್ಣಗಳು, ಲೋಹದ ಮಸ್ಟರ್ಡ್ ಸ್ಟಿಚ್ ಹೊಂದಿರುವ ಲೆಥೆರೆಟ್ ಸ್ಟೀರಿಂಗ್ ವೀಲ್, ಇನ್ಫೋಟೈನ್‌ಮೆಂಟ್ ಸರೌಂಡ್ ಮತ್ತು ಡೋರ್ ಟ್ರಿಮ್‌ಗಳು ಯುವ ಮೈಬಣ್ಣವನ್ನು ಸೇರಿಸುತ್ತವೆ. ಶೈನಿಂಗ್ ಸ್ಕಫ್ ಪ್ಲೇಟ್‌ಗಳು ಮತ್ತು ಪಡ್ಲ್ ಲ್ಯಾಂಪ್‌ಗಳು ಈ ಎಡಿಷನ್ ಅನ್ನು ಮತ್ತೊಂದು ಹಂತಕ್ಕೆ ಕೊಂಡೊಯ್ಯುತ್ತವೆ.

ಕ್ವಿಡ್‌ನ ದಶಕದ ಆಚರಣೆಯು 10ನೇ ವಾರ್ಷಿಕೋತ್ಸವದ ಎಡಿಷನ್‌ಗೆ ಮಾತ್ರವಲ್ಲದೆ ಎಲ್ಲಾ ಆಸನಗಳಿಗೆ ಈಗ ಲಭ್ಯವಿರುವ ಎಲ್ಲಾ 3-ಪಾಯಿಂಟ್ ಸೀಟ್‌ಬೆಲ್ಟ್‌ಗಳನ್ನು ಇತರ ವೇರಿಯೆಂಟ್‌ಗಳಿಗೂ ಪರಿಚಯಿಸಿದೆ. ಹಾಗೆಯೇ ಕ್ವಿಡ್‌ನ ಕ್ಲೈಂಬರ್ ವೇರಿಯೆಂಟ್ ಈಗ 6 ಏರ್‌ಬ್ಯಾಗ್‌ಗಳೊಂದಿಗೆ ಇನ್ನಷ್ಟು ವರ್ಧಿತ ಸುರಕ್ಷತೆಯನ್ನು ನೀಡುತ್ತದೆ. ರೆನಾಲ್ಟ್ ಇಂಡಿಯಾ KWID ಗಾಗಿ ಹೊಸ ಎವಲ್ಯೂಷನ್ (ಹಿಂದಿನ RXL), ಟೆಕ್ನೋ (ಹಿಂದಿನ RXT) ಮತ್ತು ಕ್ಲೈಂಬರ್ ವೇರಿಯೆಂಟ್‌ಗಳನ್ನು ಪರಿಚಯಿಸಿದೆ.

ರೆನಾಲ್ಟ್ KWID ಬೇಸ್‌ ವೇರಿಯೆಂಟ್ ಈಗ ಕೇವಲ ರೂ. 4.29 ಲಕ್ಷ ಎಕ್ಸ್-ಶೋರೂಂ ಆರಂಭಿಕ ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ. ಕ್ವಿಡ್ ಭಾರತದ ಅತ್ಯಂತ ಅಗ್ಗದ ಬೆಲೆಯಲ್ಲಿ ಲಭ್ಯವಿರುವ ಆಟೋಮ್ಯಾಟಿಕ್ ಗೇರ್‌ಶಿಫ್ಟ್‌ಗಳಲ್ಲಿ ಒಂದನ್ನು ಸಹ ನೀಡುತ್ತದೆ, ಇದರ AMT ವೇರಿಯೆಂಟ್ ಇಗ ಕೇವಲ ರೂ. 4.99 ಲಕ್ಷ ಎಕ್ಸ್-ಶೋರೂಂ ಬೆಲೆಯನ್ನು ಹೊಂದಿದೆ.

ಕ್ವಿಡ್ 1.0L SCe ಎಂಜಿನ್‌ನೊಂದಿಗೆ ಬರುತ್ತದೆ, ಮ್ಯಾನುವಲ್ ಹಾಗೂ Easy-R AMT ಟ್ರಾನ್ಸ್‌ಮಿಷನ್ ಆಯ್ಕೆಗಳನ್ನು ಹೊಂದಿದೆ. 184 mm ನ ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್, ದೃಢವಾದ ಸಸ್ಪೆನ್ಷನ್ ಜೊತೆಗೆ, SUV - ತರಹದ ವಿಶ್ವಾಸವನ್ನು ಖಚಿತಪಡಿಸುತ್ತದೆ. KWID ಅನ್ನು ಶೈಲಿ, ಪ್ರಾಯೋಗಿಕತೆ ಮತ್ತು ದೈನಂದಿನ ಕಾರ್ಯಕ್ಷಮತೆಯ ವಿಶಿಷ್ಟ ಮಿಶ್ರಣವನ್ನಾಗಿ ಮಾಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ರೆನಾಲ್ಟ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ವೆಂಕಟ್ರಾಮ್ ಮಾಮಿಲ್ಲಪಲ್ಲೆ ಮಾತನಾಡಿ, "ಕ್ವಿಡ್ ಭಾರತದಲ್ಲಿ ರೆನಾಲ್ಟ್‌ನ ಪ್ರಯಾಣವನ್ನು ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದೆ, ಮೈಕ್ರೋ - ಎಸ್‌ಯುವಿ ವಿಭಾಗದಲ್ಲಿ ಈಗಾಗಲೇ ಶೈಲಿಯಲ್ಲಿ ಹೊಸ ಮಾನದಂಡಗಳನ್ನು ಸ್ಥಾಪಿಸಿರುವ 10ನೇ ವಾರ್ಷಿಕೋತ್ಸವ ಆವೃತ್ತಿಯು ಮಹತ್ವದ ಮೈಲಿಗಲ್ಲನ್ನು ಗುರುತಿಸುತ್ತದೆ'' ಎಂದರು.