ಷೆವರ್ಲೆ ಬೀಟ್, ಸೈಲ್ ಮ್ಯಾಂಚೆಸ್ಟರ್ ಯುನೈಟೆಡ್ ಸೀಮಿತ ಆವೃತ್ತಿ ಲಾಂಚ್

ಈ ಹಿಂದೆ 2014 ಫೆಬ್ರವರಿ ತಿಂಗಳಲ್ಲಿ ನಡೆದ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿದ್ದ ಈ ಎರಡು ಮಾದರಿಗಳನ್ನು, ಬೆಂಗಳೂರಿನಲ್ಲಿ ಸ್ಥಿತಗೊಂಡಿರುವ ಜನರಲ್ ಮೋಟಾರ್ಸ್ ಟೆಕ್ನಿಕಲ್ ಸೆಂಟರ್ ಇಂಡಿಯಾ (ಜಿಎಂಟಿಸಿ-ಐ) ಎಂಜಿನಿಯರ್‌ಗಳ ತಂಡ ವಿನ್ಯಾಸಗೊಳಿಸಿದೆ.

ಇದರಲ್ಲಿ ಎಕ್ಸ್‌ಕ್ಲೂಸಿವ್ ಮ್ಯಾಂಚೈಸ್ಟರ್ ಯುನೈಟೆಡ್ ಕಿಟ್ ಲಭ್ಯವಾಗಲಿದೆ. ಅಲ್ಲದೆ ಸಾಮಾನ್ಯ ಆವೃತ್ತಿಗಿಂತಲೂ 69,000 ರು.ಗಳಷ್ಟು ದುಬಾರಿಯೆನಿಸಲಿದೆ ಎಂದು ಸಕ್ಸೇನಾ ವಿವರಿಸಿದರು.

ನಿಮಗೂ ಜನರಲ್ ಮೋಟಾರ್ಸ್ ಷೆವರ್ಲೆ ಬೀಟ್, ಸೈಲ್ ಹ್ಯಾಚ್‌ಬ್ಯಾಕ್ ಕಾರಿನ ಸೀಮಿತ ಆವೃತ್ತಿ ಇಷ್ಟವಾದ್ದಲ್ಲಿ ಈಗಾಗಲೇ ಬುಕ್ ಮಾಡಿಕೊಳ್ಳಬಹುದಾಗಿದೆ. ಇದು ಎಲ್‌ಎಸ್ ಪೆಟ್ರೋಲ್ ಹಾಗೂ ಡೀಸೆಲ್ ಮಾದರಿಗಳಲ್ಲಿ ಲಭ್ಯವಾಗಲಿದೆ. ಅಲ್ಲದೆ ಮ್ಯಾಂಚೆಸ್ಟರ್ ಯುನೈಟೆಡ್ ಡಿಕಾಲ್ಸ್, ಅಲಾಯ್ ವೀಲ್ಸ್, ವಿಶೇಷ ಸೀಟು ಕವರ್, ಮ್ಯೂಸಿಕ್ ಸಿಸ್ಟಂ, ಇಲ್ಯೂಮಿನೇಟಡ್ ಸಿಲ್ ಪ್ಲೇಟ್, ಔಟ್‌ಸೈಡ್ ಸೈಡ್ ರಿಯರ್ ವ್ಯೂ ಮಿರರ್ ಜತೆ ಬ್ಲಿಂಕರ್, ರೂಫ್ ರೈಲ್ ಮತ್ತು ಎಕ್ಸ್‌ಕ್ಲೂಸಿವ್ ಬ್ರಾಂಡಿಂಗ್ ಕಂಡುಬರಲಿದೆ.

ಪ್ರಖ್ಯಾತ ಮ್ಯಾಂಚೈಸ್ಟರ್ ಯುನೈಟೆಡ್ ಶರ್ಟ್ ಜಾಹೀರಾತಿನ ಏಳನೇ ವರ್ಷದ ಸಂಭ್ರಮಾಚರಣೆಯ ಹಿನ್ನಲೆಯಲ್ಲಿ ಹೊಸತಾದ ಸೀಮಿತ ಆವೃತ್ತಿಗಳನ್ನು ಷೆವರ್ಲೆ ಬಿಡುಗಡೆ ಮಾಡಿದೆ. ಅಲ್ಲದೆ ಈ ನಿಟ್ಟಿನಲ್ಲಿ www.ChevroletFC.com ವೆಬ್‌ಸೈಟ್‌ನಲ್ಲಿ ವಿಶೇಷ ವೀಡಿಯೋ ಸಹ ಬಿಡುಗಡೆ ಮಾಡಲಾಗಿದೆ. ಅಲ್ಲದೆ ಟಿ ಶರ್ಟ್ ಧರಿಸುವ ಮೂಲಕ ತಮ್ಮ ಫೋಟೋಸ್‌ಗಳನ್ನು ಇಲ್ಲಿ ಹಂಚಿಕೊಳ್ಳುವಂತೆಯೂ ವಿನಂತಿ ಮಾಡಲಾಗಿದೆ.