ಇನ್ನು ಡ್ರೈವಿಂಗ್ ಮಾಡಲು ಚಾಲಕ ಬೇಕಾಗಿಲ್ಲ!

By Nagaraja

Published: Thursday, July 18, 2013, 17:10 [IST]

ನೀವು ಕಾರು ಡ್ರೈವಿಂಗ್ ಕರಗತ ಮಾಡಿಕೊಂಡಿಲ್ಲವೇ? ಕಾರು ಡ್ರೈವಿಂಗ್ ಕಲಿಯಲು ದುಡ್ಡಿನ ಸಮಸ್ಯೆಯೇ? ಚಿಂತೆ ಇಲ್ಲ ಬಿಡಿ, ಇನ್ನು ಮುಂದೆ ಡ್ರೈವರ್ ಇಲ್ಲದೆಯೇ ಕಾರು ಚಲಿಸಲಿದೆ.

ಹೌದು, ಡ್ರೈವರ್ ಇಲ್ಲದೆ ಚಲಾಯಿಸಬಹುದಾದ ಕಾರೊಂದನ್ನು ಬ್ರಿಟನ್ ಸರಕಾರ ಅಭಿವೃದ್ಧಿಪಡಿಸುತ್ತಿದೆ. ಈ ಡ್ರೈವರ್ ಲೆಸ್ ಕಾರುಗಳು ಸೆನ್ಸಾರ್‌ ಹಾಗೂ ಕ್ಯಾಮೆರಾದಿಂದ ಕಾರ್ಯ ನಿರ್ವಹಿಸಲಿದ್ದು, ಹೆಚ್ಚು ಸುರಕ್ಷಿತವಾಗಿ ಸಾಗಲು ಸಕ್ಷಮವೆನಿಸಿದೆ.

ಸಾಮಾನ್ಯ ಕಾರುಗಳಿಗಿಂತಲೂ ಹೆಚ್ಚು ಸುರಕ್ಷಿತ ಮಾನದಂಡಗಳನ್ನು ಹೊಂದಿರುವ ಇಂತಹ ಡ್ರೈವರ್ ಲೆಸ್ ಕಾರುಗಳು ಪ್ರಯಾಣಿಕ ಸ್ನೇಹಿ ಎನಿಸಿಕೊಳ್ಳಲಿದೆ. ಈ ಡ್ರೈವರ್ ಲೆಸ್ ಕಾರುಗಳು ಪ್ರಸ್ತುತ ಟೆಸ್ಟಿಂಗ್ ಹಂತದಲ್ಲಿದ್ದು, ನಿಕಟ ಭವಿಷ್ಯದಲ್ಲಿ ಆಗಮನವಾಗುವ ಸಾಧ್ಯತೆಯಿದೆ. ಇದರೊಂದಿಗೆ ರಸ್ತೆನಿಬಿಡತೆ ಕಡಿಮೆ ಮಾಡಲು ಗುರಿಯಿರಿಸಿಕೊಳ್ಳಲಾಗಿದೆ.

ಡ್ರೈವರ್ ರಹಿತ ಕಾರುಗಳು ರಸ್ತೆಗಳಲ್ಲಿ ಸುರಕ್ಷಿತ ಅಂತರವನ್ನು ಕಾಯ್ದುಕೊಳ್ಳಲಿದ್ದು, ಲೇನ್‌ನಲ್ಲಿ ಸಂಚರಿಸುತ್ತಾ ಸ್ಪೀಡ್ ವ್ಯತಯವನ್ನು ನಿಯಂತ್ರಿಸಲಿದೆ.

ಸದ್ಯ ಈ ಕಾರು ಪ್ರಖ್ಯಾತ ನಿಸ್ಸಾನ್ ಹಾಗೂ ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದ ಸಂಶೋಧಕರು ಗ್ರಾಮೀಣ ಹಾಗೂ ಉಪನಗರಗಳಲ್ಲಿ ಪರೀಕ್ಷಿಸುತ್ತಿದೆ.

ಟೆಸ್ಟ್ ರನ್

ಸಯನ್ಸ್ ಪಾರ್ಕ್ ರೋಡ್‌ನಲ್ಲಿ ಟೆಸ್ಟಿಂಗ್ ರನ್ ಯಶಸ್ವಿ ಕಂಡಿದ್ದು, ಪ್ರಸಕ್ತ ವರ್ಷಾಂತ್ಯದಲ್ಲಿ ಹೆಚ್ಚಿನ ಪ್ರಯೋಗಾರ್ಥ ಪರೀಕ್ಷೆಗಳು ನಡೆಯಲಿದೆ.

ಪ್ರಸ್ತುತ ಈ ಆಟೋಮ್ಯಾಟಿಕ್ ಕಾರಿನ ಪರೀಕ್ಷೆ ಖಾಸಗಿ ಪ್ರದೇಶದಲ್ಲಿ ನಡೆಯಲಿದೆ. ಮುಂದಿನ ದಿನಗಳಲ್ಲಿ ಸಾರ್ವಜನಿಕ ರಸ್ತೆಗಳಿಗೂ ಪ್ರವೇಶ ಪಡೆಯಲಿದೆ. ಟೆಸ್ಟಿಂಗ್ ಹಂತದಲ್ಲಿ ಕಾರು ಪರೀಕ್ಷೆ ವೇಳೆ ಬ್ಯಾಕ್‌ಅಪ್ ಚಾಲಕ ಜತೆಗಿರಲಿದ್ದಾರೆ. ಇವರು ತುರ್ತು ಪರಿಸ್ಥಿತಿಯಲ್ಲಿ ನೆರವಿಗೆ ಬರಲಿದ್ದಾರೆ.