ಇಕೊಸ್ಪೋರ್ಟ್‌ಗೆ ಮಿತಿಮೀರಿದ ಬೇಡಿಕೆ; ದರ ಕಡಿತದ ನಿರೀಕ್ಷೆ

ಚೆನ್ನೈನ ಘಟಕದಲ್ಲಿ ನಿರ್ಮಾಣವಾಗುತ್ತಿರುವ ಇಕೊಸ್ಪೋರ್ಟ್ ದೇಶಿಯ ಹಾಗೂ ಜಾಗತಿಕ ಮಾರುಕಟ್ಟೆಗಳಿಗೆ ವಿತರಣೆಯಾಗುತ್ತಿದೆ.

ಬೇಡಿಕೆ ಹೆಚ್ಚಾಗಿದ್ದರಿಂದ ಕೆಲಸದ ಅವಧಿಯನ್ನು ಎರಡು ಶಿಫ್ಟ್‌ಗಳಿಗೆ ವಿಸ್ತರಿಸಲಾಗಿತ್ತು. ಈ ಮೂಲಕ ತಲಾ 350 ಯುನಿಟ್‌ಗಳನ್ನು ಉತ್ಪಾದಿಸುವಲ್ಲಿ ಸಾಧ್ಯವಾಗುತ್ತಿತ್ತು.

ಇದೀಗ ಮೂರನೇ ಶಿಫ್ಟ್ ಆಳವಡಿಸುವ ಮೂಲಕ ಇನ್ನಷ್ಟು ಹೆಚ್ಚು ಕಾರುಗಳನ್ನು ಉತ್ಪಾದಿಸುವ ಯೋಜನೆಯನ್ನು ಸಂಸ್ಥೆಯು ಹೊಂದಿದೆ. ಆದರೆ ಲೋಹದ ಬಿಡಿಭಾಗಗಳ ಕೊರತೆ ಕಾಡುತ್ತಿದೆ ಎನ್ನಲಾಗಿದೆ.

ಇನ್ನೊಂದೆಡೆ ಮಧ್ಯಂತರ ಬಜೆಟ್‌ನಲ್ಲಿ ಸಬ್ ಫೋರ್ ಮೀಟರ್ ಎಸ್‌ಯುವಿ ಕಾರುಗಳ ಮೇಲಿನ ಅಬಕಾರಿ ಸುಂಕವನ್ನು ಶೇಕಡಾ 12ರಿಂದ 8ಕ್ಕೆ ಇಳಿಕೆಗೊಳಿಸಿರುವುದರಿಂದ 30,000 ರು. ವರೆಗೂ ದರ ಕಡಿತವಾಗುವ ಸಾಧ್ಯತೆಯಿದೆ.

ಆದರೆ ಫೋರ್ಡ್ ಸಂಸ್ಥೆಯು ಇದುವರೆಗೆ ಯಾವುದೇ ದರ ಕಡಿತದ ಘೋಷಣೆ ಮಾಡಿಲ್ಲ. ಪ್ರಸ್ತುತ ತೆರಿಗೆ ವಿನಾಯಿತಿಯು 2014 ಜೂನ್ 20ರ ವರೆಗೆ ಚಾಲ್ತಿಯಲ್ಲಿರಲಿದೆ.

ಈ ಎಲ್ಲ ಬೆಳವಣಿಗೆಯಿಂದಾಗಿ 60,000 ಯುನಿಟ್‌ಗಿಂತಲೂ ಹೆಚ್ಚು ಬುಕ್ಕಿಂಗ್ ಗಿಟ್ಟಿಸಿಕೊಂಡಿರುವ ಇಕೊಸ್ಪೋರ್ಟ್ ದರಗಳಲ್ಲೂ ಕಡಿತವುಂಟಾಗುವ ಸಾಧ್ಯತೆಯಿದೆ.