ಫೋರ್ಡ್ ಮಸ್ಟಾಂಗ್ ಅತ್ಯಂತ ಶಕ್ತಿಶಾಲಿ ಕಾರು ಭಾರತಕ್ಕೆ?

ಸ್ಪೋರ್ಟ್ಸ್ ಕಾರು

ಸದ್ಯ ಮಸ್ಟಾಂಗ್ ಬಲಬದಿಯ ಡ್ರೈವಿಂಗ್ ಅಭಿವೃದ್ಧಿಯಲ್ಲಿ ಫೋರ್ಡ್ ತೊಡಗಿದೆ. 2+2 ಸಿಟ್ಟಿಂಗ್ ವ್ಯವಸ್ಥೆ ಹೊಂದಿರುವ ಈ ಎರಡು ಡೋರಿನ ಕೂಪೆ ಕಾರು ಅತ್ಯಾಕರ್ಷಕ ವಿನ್ಯಾಸ ಪಡೆದುಕೊಂಡಿದೆ.

ಶಕ್ತಿಶಾಲಿ ಎಂಜಿನ್

ಒಟ್ಟು ಮೂರು ಎಂಜಿನ್ ಆಯ್ಕೆಗಳಲ್ಲಿ ಮಸ್ಟಾಂಗ್ ಲಭ್ಯವಿರುತ್ತದೆ. ಇದರಲ್ಲಿ 3.7 ಲೀಟರ್ ವಿ6, 5.0 ಲೀಟರ್ ಮಸ್ಟಾಂಗ್ ಜಿಟಿ ಮತ್ತು 5.8 ಲೀಟರ್ ಸೂಪರ್ ಚಾರ್ಜ್ಡ್ ವಿ8 ಎಂಜಿನ್ ಆಳವಡಿಸಲಾಗಿದೆ.

ಕ್ಲಾಸ್ ಇಂಟಿರಿಯರ್

ಮಸ್ಟಾಂಗ್ ಮೊದಲ ಬಾರಿಗೆ 1964ನೇ ಇಸವಿಯಲ್ಲಿ ಅಮೆರಿಕಕ್ಕೆ ಪರಿಚಯಿಸಲಾಗಿತ್ತು. ತದಾದ ಬಳಿಕ ಹಲವು ಬಾರಿ ಸ್ಪೆಷಲ್ ಎಡಿಷನ್ ಲಾಂಚ್ ಆಗಿದ್ದವು. ಇದೀಗ 50ನೇ ವರ್ಷಾಚರಣೆಯನ್ನು ಎದುರು ನೋಡುತ್ತಿರುವ ಮಸ್ಟಾಂಗ್ 2014ರ ನ್ಯೂಯಾರ್ಕ್ ಆಟೋ ಶೋದಲ್ಲಿ ಭರ್ಜರಿ ಪ್ರದರ್ಶನ ಕಾಣಲಿದೆ.

ಭಾರತಕ್ಕೆ ಲಗ್ಗೆಯಿಡುವ ಯೋಜನೆ

ಸದ್ಯ ಭಾರತೀಯ ಮಾರುಕಟ್ಟೆಗೆ ಮಸ್ಟಾಂಗ್ ಆಗಮನವಾಗಲಿದೆಯೇ ಎಂಬುದು ಖಚಿತಗೊಂಡಿಲ್ಲ. ಹಾಗೊಂದು ವೇಳೆ ಇದು ದೇಶಕ್ಕೆ ಪರಿಚಯವಾದ್ದಲ್ಲಿ ಅಮೆರಿಕದ ಈ ಕಾರು ತಯಾರಕ ಸಂಸ್ಥೆಯಿಂದ ದೇಶಕ್ಕೆ ಬಿಡುಗಡೆಯಾಗಲಿರುವ ಅತ್ಯಂತ ಶಕ್ತಿಶಾಲಿ ಕಾರು ಎನಿಸಿಕೊಳ್ಳಲಿದೆ.

ದುಬಾರಿ ಕಾರು

ಎಲ್ಲವೂ ನಿಗದಿಯಂತೆ ನಡೆದ್ದಲ್ಲಿ ಫೋರ್ಡ್ ಮಸ್ಟಾಂಗ್ 2015ರಲ್ಲಿ ನಿರೀಕ್ಷಿಸಬಹುದಾಗಿದೆ. ಇನ್ನು ದರದ ಬಗ್ಗೆ ಮಾತನಾಡುವಾಗ ಸದ್ಯದ ರುಪಾಯಿ ಅಪಮೌಲ್ಯದ ಪರಿಸ್ಥಿತಿ ಇದೇ ರೀತಿ ಮುಂದುವರಿದ್ದಲ್ಲಿ 50 ಲಕ್ಷಕ್ಕೆ ಕಡಿಮೆ ದರದಲ್ಲಿ ಮಸ್ಟಾಂಗ್ ನಿರೀಕ್ಷಿಸುವುದು ತಪ್ಪಾದಿತು.