ಥಾಯ್ಲೆಂಡ್‌ನಲ್ಲಿ 2014 ಹೋಂಡಾ ಜಾಝ್ ಲಾಂಚ್

By Nagaraja

Published: Saturday, May 24, 2014, 11:41 [IST]

ಜಪಾನ್‌ನ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹೋಂಡಾ, ಹೊಸ ಜಾಝ್ ಕಾರನ್ನು ಲಾಂಚ್ ಮಾಡಿದೆ. ಈ ಬಹುನಿರೀಕ್ಷಿತ ಕಾರು ಭಾರತ ಮಾರುಕಟ್ಟೆಯನ್ನು ಮುಂದಿನ ವರ್ಷಾರಂಭದಲ್ಲಿ ತಲುಪಲಿದೆ.

ಥಾಯ್ಲೆಂಡ್‌ನಲ್ಲಿ ಹೋಂಡಾ ಜಾಝ್ 9.97 ಲಕ್ಷ ರು.ಗಳಿಂದ 14.19 ಲಕ್ಷ ರು.ಗಳಷ್ಟು ದುಬಾರಿಯೆನಿಸಿದೆ. ಆದರೆ ಭಾರತ ಎಂಟ್ರಿ ವೇಳೆಗೆ ಸ್ಮರ್ಧಾತ್ಮಕ ದರಗಳಲ್ಲಿ ಆಗಮನವಾಗುವ ನಿರೀಕ್ಷೆಯಿದೆ.

ಈಗಾಗಲೇ ಜಪಾನ್ ಮಾರುಕಟ್ಟೆಯನ್ನು ಪ್ರವೇಶಿಸಿರುವ ಹೋಂಡಾ ಭರ್ಜರಿ ಮಾರಾಟ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಇದು ಹಿಂದಿನ ಆವೃತ್ತಿಗಿಂತಲೂ ಹೆಚ್ಚು ಆಕ್ರಮಣಕಾರಿ ವಿನ್ಯಾಸ ಪಡೆದುಕೊಂಡಿದೆ.

ನೂತನ ಜಾಝ್‌ನಲ್ಲಿ ಎಬಿಎಸ್, ಇಬಿಡಿ, ಜಿ ಫೋರ್ಸ್ ಕಂಟ್ರೋಲ್ ಸಿಸ್ಟಂ (G-CON), ಹಿಲ್ ಸ್ಟಾರ್ಟ್ ಅಸಿಸ್ಟ್, ವಾಹನ ಸ್ಥಿರತೆ ಕಂಟ್ರೋಲ್ ಜತೆಗೆ ಆರು ಏರ್‌ಬ್ಯಾಗ್‌ಗಳಂತಹ ಸುರಕ್ಷತಾ ವೈಶಿಷ್ಟ್ಯಗಳಿರಲಿದೆ. ಹಾಗೆಯೇ ದೊಡ್ಡದಾದ 7 ಇಂಚಿನ ಟಿಎಫ್‌ಟಿ ಆಡಿಯೋ ಸಿಸ್ಟಂ ಕೂಡಾ ಇರಲಿದೆ.

2014 ಹೋಂಡಾ ಜಾಝ್, 1.5 ಲೀಟರ್ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸ್ಪಡಲಿದ್ದು, 117 ಅಶ್ವಶಕ್ತಿ (146 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ. ಹಾಗೆಯೇ ಸಿವಿಟಿ ಟ್ರಾನ್ಸ್‌ಮಿಷನ್ ಪಡೆದುಕೊಳ್ಳಲಿದೆ.