ಹ್ಯುಂಡೈ ಗ್ರಾಂಡ್ ಐ10ಗೆ 'ಭಾರತದ ವರ್ಷದ ಕಾರು ಪ್ರಶಸ್ತಿ' ಗರಿ

ಇದೀಗ ದೇಶದ ಎರಡನೇ ಪ್ರಯಾಣಿಕ ಸಂಸ್ಥೆ ಹ್ಯುಂಡೈ ಮೋಟಾರು ಇಂಡಿಯಾ ಲಿಮಿಟೆಡ್‌ಗೆ ಇನ್ನೊಂದು ಕೋಡು ನೀಡಿರುವ ಗ್ರಾಂಡ್ ಐ10, ಭಾರತದ ವರ್ಷದ ಕಾರು 2014 (ಐಸಿಒಟಿವೈ) ಪ್ರಶಸ್ತಿಗೆ ಭಾಜನವಾಗಿದೆ.

ಮಾರುಕಟ್ಟೆಗೆ ಬಿಡುಗಡೆಗೊಂಡ ಎರಡನೇ ತಿಂಗಳಲ್ಲೇ ಟಾಪ್ 5 ಪಟ್ಟಿಯನ್ನು ಭೇಧಿಸಿದ್ದ ಹ್ಯುಂಡೈ ಗ್ರಾಂಡ್ ಐ10 ಕಾರಿಗೆ ಗ್ರಾಹಕರಿಗೆ ಅಭೂತಪೂರ್ವ ಪ್ರತಿಕ್ರಿಯೆ ಲಭಿಸಿತ್ತು.

ಅಷ್ಟೇ ಅಲ್ಲದೆ ಲಾಂಚ್ ಆಗಿರುವ 90 ದಿವಸದೊಳಗೆ 35,000ಕ್ಕೂ ಹೆಚ್ಚು ಗ್ರಾಂಡ್ ಐ10 ಯುನಿಟ್‌ಗಳನ್ನು ಗ್ರಾಹಕರಿಗೆ ಹಸ್ತಾಂತರಿಸುವಲ್ಲಿ ಹ್ಯುಂಡೈ ಯಶ ಕಂಡಿತ್ತು. ಈ ನೂತನ ಪಟ್ಟದೊಂದಿಗೆ ಹ್ಯುಂಡೈ ಗ್ರಾಂಡ್ ಐ10 ಮತ್ತೊಂದು ಮೈಲುಗಲ್ಲನ್ನಿರಿಸಿದೆ.

ನಿಮ್ಮ ಮಾಹಿತಿಗಾಗಿ, ದೇಶದ ಪ್ರಯಾಣಿಕ ಸೆಗ್ಮೆಂಟ್ ಪಾಲಿಗೆ ಇಂಡಿಯಾ ಕಾರ್ ಆಫ್ ದಿ ಇಯರ್ ಪ್ರಶಸ್ತಿ ಅತ್ಯಂತ ಹೆಚ್ಚು ಪ್ರಾಧಾನ್ಯತೆಯನ್ನು ಗಿಟ್ಟಿಸಿಕೊಂಡಿದೆ. ಇದರಲ್ಲಿ ದೇಶದ ಹೆಸರಾಂತ ಟಾಪ್ ಗೇರ್, ಆಟೋ ಇಂಡಿಯಾ, ಕಾರ್ ಇಂಡಿಯಾ, ಓವರ್ ಡ್ರೈವ್, ಆಟೋ ಬ್ಲಿಡ್, ಆಟೋಎಕ್ಸ್, ಹಿಂದೂ ಬಿಸಿನೆಸ್ ಲೈನ್ ಮತ್ತು ಇವೊದ ಪ್ರಧಾನ ಸಂಪಾದಕರು ತೀರ್ಪುಗಾರರ ಪಟ್ಟಿಯಲ್ಲಿ ಸೇರಿದ್ದಾರೆ.

ಆ ಬಳಿಕ ಪ್ರಶಸ್ತಿ ಸ್ವೀಕರಿಸುತ್ತಾ ಮಾತನಾಡಿದ ಹ್ಯುಂಡೈ ಮೋಟಾರು ಇಂಡಿಯಾ ಲಿಮಿಟೆಡ್ ಮಹಾ ನಿರ್ದೇಶಕ ಹಾಗೂ ಸಿಇಒ ಬಿಎಸ್ ಸಿಯೋ, ಅತ್ಯಂತ ಪ್ರತಿಷ್ಠಿತ ವಾಹನ ಪ್ರಶಸ್ತಿ ಸ್ವೀಕರಿಸಿರುವುದರಲ್ಲಿ ನಾವು ಗೌರವಾನ್ವಿತರಾಗಿದ್ದೇವೆ ಎಂದಿದ್ದಾರೆ.

ಇಂಡಿಯಾ ವರ್ಷದ ಕಾರು ಪ್ರಶಸ್ತಿಯು ದೇಶದ ಪ್ರಯಾಣಿಕ ಮಾರುಕಟ್ಟೆಯಲ್ಲಿ ಹ್ಯುಂಡೈ ಬದ್ಧತೆಯನ್ನು ಪ್ರದರ್ಶಿಸುತ್ತದೆ. ಇದು ಹೆಚ್ಚಿನ ಗುಣಮಟ್ಟ, ಬಾಳ್ವಿಕೆ ಮತ್ತು ವಿಶ್ವಾಸಾರ್ಹತೆಯನ್ನು ಪ್ರದಾನ ಮಾಡುತ್ತಿದೆ ಎಂದಿದ್ದಾರೆ.

ಅಷ್ಟಕ್ಕೂ ಹ್ಯುಂಡೈ ಗ್ರಾಂಡ್ ಐ10 ಕಾರಿನಲ್ಲಿರುವ ವೈಶಿಷ್ಟ್ಯಗಳೇನು ? ಮಾಹಿತಿಗಾಗಿ ಸಂದರ್ಶಿಸಿರಿ

ಹ್ಯುಂಡೈ ಗ್ರಾಂಡ್ ಐ10 ಫುಲ್ ಬಾಡಿ ಸ್ಕ್ಯಾನ್ ಮಾಡಿ