ಇನ್ನಿಲ್ಲ ಮಾರುತಿ 800; ಐಕಾನಿಕ್ ಕಾರಿನ ಯುಗಾಂತ್ಯ

ಇದೀಗ ಮಾರುತಿ 800 ಉತ್ಪಾದನೆಗೆ ತೆರೆ ಎಳೆದಿರುವ ಸಂಸ್ಥೆಯು, ದೇಶದ ಮಿಲಿಯನ್‌ಗಳಷ್ಟು ಕುಟುಂಬಗಳಿಗೆ ನೆಚ್ಚಿನ ಕಾರೆನಿಸಿಕೊಂಡಿತ್ತು.

ಹಾಗಿದ್ದರೂ ಮುಂದಿನ ಎಂಟು ಹತ್ತು ವರ್ಷಗಳ ವರೆಗೆ ಮಾರುತಿ 800 ಬಿಡಿಭಾಗಗಳು ಮಾರುಕಟ್ಟೆಯಲ್ಲಿ ದೊರಕಲಿದೆ ಎಂದು ಕಂಪನಿ ಸ್ಪಷ್ಟಪಡಿಸಿದೆ.

ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಮಾರುತಿ ಸಂಸ್ಥೆಯು, ಜನವರಿ 18ರಿಂದ ಮಾರುತಿ 800 ಉತ್ಪಾದನೆ ಸ್ಥಗಿತಗೊಂಡಿದೆ. ಆದರೆ ಗ್ರಾಹಕರ ಬೇಡಿಕೆಗಳಿನುಸಾರವಾಗಿ ಬಿಡಿಭಾಗಗಳನ್ನು ಪೂರೈಕೆ ಮಾಡಲಾಗುವುದು. ಇದು ನಮ್ಮ ಕರ್ತವ್ಯವೂ ಕೂಡಾ ಆಗಿದೆ ಎಂದಿದೆ.

1980ರ ದಶಕದ ಆರಂಭದಲ್ಲಿ ಲಾಂಚ್ ಆಗಿದ್ದ ಮಾರುತಿ 800 ದರವು 50,000 ರು.ಗಳಿಷ್ಟಿತ್ತು. ಹಾಗೆಯೇ ಇತ್ತೀಚಿನ ವರೆಗೂ ರು. 2.35 ರು.ಗಳಿಷ್ಟಿತ್ತು.

ಭಾರತದ ವಾಹನೋದ್ಯಮದಲ್ಲಿ ಹೊಸ ಕ್ರಾಂತಿ ಸೃಷ್ಟಿಸಿದ್ದ ಮಾರುತಿ 800 ಉತ್ಪಾದನೆ ಬೆಂಗಳೂರು, ಹೈದರಾಬಾದ್, ಪುಣೆ ಸೇರಿದಂತೆ 13 ನಗರಗಳಲ್ಲಿ ಸ್ಥಗಿತಗೊಂಡಿದೆ.

ದೇಶದ ಅತ್ಯಂತ ಜನಪ್ರಿಯ ಸಣ್ಣ ಕಾರುಗಳ ಪೈಕಿ ಮಾರುತಿ ಆಲ್ಟೊ 800 ಅಲ್ಲದೆ, ಟಾಟಾ ನ್ಯಾನೋ, ಫೋರ್ಡ್ ಫಿಗೊ ಹಾಗೂ ಹ್ಯುಂಡೈ ಐ10 ಕಾಣಿಸಿಕೊಂಡಿದೆ.