2014 ಆಟೋ ಎಕ್ಸ್ ಪೋ: ಮನರಂಜಿಸಿದ ಮಾರುತಿ ಸ್ವಿಫ್ಟ್ ವೋಲ್ಟ್

By Nagaraja

Published: Saturday, February 8, 2014, 10:35 [IST]

2014 ಆಟೋ ಎಕ್ಸ್ ಪೋ ಸಾಗುತ್ತಿರುವಂತೆಯೇ ನೂತನ ಮಾದರಿಗಳು ಮನ ರಂಜಿಸುವಲ್ಲಿ ಕಾರಣವಾಗಿದೆ. ಈ ನಡುವೆ ದೇಶದ ಅತಿ ದೊಡ್ಡ ವಾಹನ ತಯಾರಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ, ನೂತನ ಸ್ಟೈಲಿಷ್ ಸ್ವಿಫ್ಟ್ ಹ್ಯಾಚ್‌ಬ್ಯಾಕ್ ಕಾರಿನ ಹೊಸ ಅವತಾರವನ್ನು ಪ್ರದರ್ಶಿಸಿದೆ.

2014 ಆಟೋ ಎಕ್ಸ್ ಪೋ

ಮಾರುತಿ ಸ್ವಿಫ್ಟ್ ವೋಲ್ಟ್ ಮೂಲಕ ಕಾರೊಂದನ್ನು ಹೇಗೆಲ್ಲ ಪರಿಷ್ಕೃತಗೊಳಿಸಬಹುದು ಎಂಬುದನ್ನು ಮಾರುತಿ ಸಾಬೀತುಪಡಿಸಿದೆ. ಇದು ಸ್ಟ್ರೀಟ್ ಕಾರಿನ ಪರಿಷ್ಕೃತ ವರ್ಷನ್ ಆಗಿರಲಿದೆ.

ಪ್ರಸ್ತುತ ವಾಹನ ಪ್ರದರ್ಶನ ಮೇಳಕ್ಕಷ್ಟೇ ಸೀಮಿತಗೊಂಡಿರುವ ಮಾರುತಿ ಸ್ವಿಫ್ಟ್ ವೋಲ್ಟ್, ವಾಹನ ಉತ್ಸಾಹಿಗಳ ಮನಗೆಲ್ಲುವಲ್ಲಿ ಯಶ ಕಂಡಿದೆ.

ನೂತನ ಸ್ವಿಫ್ಟ್‌ಗೆ ರೇಸ್ ಕಾರು ಸ್ಪರ್ಶ ನೀಡುವಲ್ಲಿ ಮಾರುತಿ ಯಶಸ್ವಿಯಾಗಿದೆ. ಕಾರಿನ ಹಿಂದುಗಡೆ ಸ್ಟೈಲಿಷ್ ಸ್ಪಾಯ್ಲರ್, ಬಂಪರ್ ಕೂಡಾ ನೀಡಲಾಗಿದೆ.

ಇವೆಲ್ಲಕ್ಕಿಂತ ಮಿಗಿಲಾದ ಅಂಶವೆಂದರೆ ನೂತನ ಸ್ವಿಫ್ಟ್ ರಿಯರ್ ವ್ಯೂ ಮಿರರ್‌ಗಿಂತ ಬದಲಾಗಿ ಕ್ಯಾಮೆರಾ ಪಡೆದುಕೊಂಡಿದೆ. ಇದು ದೇಶದ ವಾಹನೋದ್ಯಮದಲ್ಲಿ ಹೊಸ ಅವಿಷ್ಕಾರವಾಗಲಿದೆ. ನೀವಿದನ್ನು ಸೂಕ್ಷ್ಮವಾಗಿ ಗಮನಿಸಿದ್ದಲ್ಲಿ ರಿಯರ್ ವ್ಯೂ ಡಿಸ್‌ಪ್ಲೇ ಸ್ಕ್ರೀನ್ ಕಾರಿನೊಳಗೆ ಲಗತ್ತಿಸಿರುವುದನ್ನು ಗಮನಿಸಬಹುದು.