ಸ್ಯಾಗ್ಯೊಂಗ್ ಟಿವೊಲಿ ಕಾಂಪಾಕ್ಟ್ ಎಸ್‌ಯುವಿ ಭಾರತಕ್ಕೆ ಬರುತ್ತಾ?

By Nagaraja

Published: Wednesday, January 14, 2015, 11:54 [IST]

ದಕ್ಷಿಣ ಕೊರಿಯಾದ ಪ್ರಖ್ಯಾತ ಕಾರು ಬ್ರಾಂಡ್ ಆಗಿರುವ ಸ್ಯಾಂಗ್ಯೊಂಗ್ ತವರೂರಲ್ಲಿ ಹೊಚ್ಚ ಹೊಸ ಟಿವೊಲಿ ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನವನ್ನು (ಎಸ್‌ಯುವಿ) ಬಿಡುಗಡೆ ಮಾಡಿದೆ. ನಾವೀನ್ಯತೆಯ ವಿನ್ಯಾಸ ಹಾಗೂ ಗಮನಾರ್ಹ ಶೈಲಿಯು ಇತರ ಮಾದರಿಗಿಂತ ಟಿವೊಲಿ ಕಾರನ್ನು ವಿಭಿನ್ನವಾಗಿಸಲಿದೆ.

ಭಾರತದ ಪಾಲಿಗೆ ಸ್ಯಾಂಗ್ಯೊಂಗ್ ಹೊಸ ಕಾಂಪಾಕ್ಟ್ ಎಸ್‌ಯುವಿ ಅತಿ ಮಹತ್ವದೆನಿಸಿದೆ. ಏಕೆಂದರೆ ಸ್ಯಾಂಗ್ಯೊಂಗ್ ದೇಶದ ಎಸ್‌ಯುವಿ ದೈತ್ಯ ಮಹೀಂದ್ರ ಆಂಡ್ ಮಹೀಂದ್ರ ಸಂಸ್ಥೆಯ ಒಡೆತನದಲ್ಲಿದೆ. ಈ ನಿಟ್ಟಿನಲ್ಲಿ ಟಿವೊಲಿ ತಳಹದಿಯಲ್ಲಿ ಮಹೀಂದ್ರ ಹೊಸ ಕಾಂಪಾಕ್ಟ್ ಎಸ್‌ಯುವಿ ಭಾರತಕ್ಕೆ ಪರಿಚಯವಾದ್ದಲ್ಲಿ ಅಚ್ಚರಿಪಡಬೇಕಾಗಿಲ್ಲ. ಇನ್ನೊಂದೆಡೆ ಭಾರತದಲ್ಲಿ ಕಾಂಪಾಕ್ಟ್ ಎಸ್‌ಯುವಿ ಕಾರುಗಳಿಗೆ ಅತಿ ಹೆಚ್ಚಿನ ಬೇಡಿಕೆ ಇರುವುದು ಸಹ ಇಲ್ಲಿ ಗಮನಾರ್ಹವೆನಿಸಿದೆ.

ಎಂಜಿನ್

ಸ್ಯಾಂಗ್ಯೊಂಗ್‌ನ ಚೊಚ್ಚ ಕಾಂಪಾಕ್ಟ್ ಎಸ್‌ಯುವಿ ಆಗಿರುವ ಟಿವೊಲಿ, 1.6 ಲೀಟರ್ ಎಂಜಿನ್ ಪಡೆದುಕೊಂಡಿದೆ. ಈ ಜಾಗತಿಕ ಮಾದರಿಯು ಒಂದು ವರ್ಷದೊಳಗೆ ಒಂದು ಲಕ್ಷ ಯುನಿಟ್‌ಗಳ ಮಾರಾಟ ಗುರಿಯಿರಿಸಿಕೊಂಡಿದೆ. ಈ ಪೈಕಿ ತವರೂರಾದ ದಕ್ಷಿಣ ಕೊರಿಯಾದಲ್ಲೇ 40,000 ಯುನಿಟ್‌ಗಳ ಮಾರಾಟ ಗುರಿಯಿರಿಸಿಕೊಂಡಿದೆ.

ನಿರ್ವಹಣೆ

1.6 ಲೀಟರ್ ಎಂಜಿನ್, 126 ಅಶ್ವಶಕ್ತಿ, 16.0 ಕೆಜಿಎಂ ಟಾರ್ಕ್