ನ್ಯಾನೋಗೆ ಮುಳವಾಯಿತೇ ಟಾಟಾ ಹೊಸ ಗಿಮಿಕ್?

ಚಿತ್ರದಲ್ಲಿ ತೋರಿಸಿರುವಂತೆಯೇ ದೇಶದ ಜನಪ್ರಿಯ ಬ್ರಾಂಡ್‌ಗಳಾದ ಮಾರುತಿ ಅಲ್ಟೊ 800 ಹಾಗೂ ಹ್ಯುಂಡೈ ಇಯಾನ್ ಡಿಲೈಟ್ ಜತೆ ಟಾಟಾ ನ್ಯಾನೋ ಕಾರು ಹೋಲಿಸಲಾಗಿದೆ. ಹಾಗೆಯೇ ಎಕ್ಸ್‌ ಶೋ ರೂಂ ದರ, ಎಂಜಿನ್ ಹಾಗೂ ನಿರ್ವಹಣೆ ಬಗ್ಗೆಯೂ ಸಂಪೂರ್ಣ ಮಾಹಿತಿ ನೀಡಲಾಗಿದೆ.

ಇಲ್ಲಿ ಎಂಜಿನ್‌ನಿಂದ ಆರಂಭಿಸಿ, ಟ್ರಾನ್ಸ್‌ಮಿಷನ್, ಬೂಟ್ ಸ್ಪೇಸ್, ಸ್ಟೀರಿಂಗ್ ಹಾಗೂ ಇಂಧನ ವಿಧ ಸೇರಿದಂತೆ ಮೈಲೇಜ್ ಬಗ್ಗೆಯೂ ಸಂಪೂರ್ಣ ವಿವರ ಕೊಡಲಾಗಿದೆ.

ಹಾಗೆಯೇ ಕಲರ್ ವೆರಿಯಂಟ್ ಬಗ್ಗೆಯೂ ವಿವರಿಸುವ ಮೂಲಕ ಇತರ ಕಾರುಗಳಿಗೆ ನ್ಯಾನೋ ಎಷ್ಟು ವಿಭಿನ್ನವಾಗಿದೆ ಎಂಬುದನ್ನು ತೋರಿಸಿಕೊಡುವ ಪ್ರಯತ್ನ ಮಾಡಲಾಗಿದೆ.

ಟಾಟಾ ನ್ಯಾನೋ ವಿವಿಧ ವೆರಿಯಂಟ್‌ಗಳಾದ ಎಸ್‌ಟಿಡಿ, ನ್ಯಾನೋ ಸಿಎಕ್ಸ್ ಮತ್ತು ನ್ಯಾನೋ ಎಲ್‌ಎಕ್ಸ್ ಮಾದರಿಗಳ ಬೆಲೆ ಬಗ್ಗೆಯೂ ವಿವರಣೆ ಕೊಡಲಾಗಿದೆ.

ನ್ಯಾನೋಗೆ ಸದ್ಯ ಲಭ್ಯವಿರುವ ಆಫರುಗಳ ಬಗ್ಗೆಯೂ ವಿವರಿಸಲಾಗಿದೆ. ನ್ಯಾನೋ ಖರೀದಿ ವೇಳೆ 35,000 ರು. ವರೆಗೆ ನಗದು ಉಳಿತಾಯ, 10,000 ರು. ವರೆಗೆ ಎಕ್ಸ್ ಚೇಂಜ್ ಬೋನಸ್ ಹೀಗೆ ಒಟ್ಟು ರು. 45,000ಗಳಷ್ಟು ವರೆಗೆ ಉಳಿತಾಯ ಮಾಡುವ ಅವಕಾಶವಿದೆ. ಇಲ್ಲಿ ಗ್ರಾಹಕರು ಇಎಂಐ ಮಾಸಿಕ ಕಂತುಗಳ ಬಗ್ಗೆಯೂ ಮಾಹಿತಿ ಪಡೆದುಕೊಳ್ಳಬಹುದಾಗಿದೆ.

ಆದರೆ ಇಲ್ಲಿ ಗಮನನಿಸಬೇಕಾದ ಅಂಶವೆಂದರೆ ಇತರ ಕಾರುಗಳಿಂದ ನ್ಯಾನೋ ಹೇಗೆ ಭಿನ್ನವಾಗಿದೆ ಎಂಬುದನ್ನು ಹೋಲಿಸುವ ತವಕದಲ್ಲಿ ಆಲ್ಟೊ ಕಾರನ್ನು ಅಟ್ಟಕ್ಕೇರಿಸಲಾಗಿದೆ. ಚಿತ್ರದಲ್ಲಿ ತೋರಿಸಿರುವಂತೆಯೇ 1983ರಲ್ಲಿ ಲಾಂಚ್ ಆಗಿದ್ದ ಮಾರುತಿ 800, 2006ರಲ್ಲಿ ಮಾರುತಿ ಆಲ್ಟೊ ಎಂದು ಗುರುತಿಸಿಕೊಂಡಿತ್ತು. ಆಲ್ಟೊ ಕಾರನ್ನು ಐಕಾನಿಕ್ ಎಂದು ಬೊಟ್ಟು ಮಾಡಿರುವ ಟಾಟಾ, ಈಗಾಗಲೇ 2.5 ದಶಲಕ್ಷಗಳಷ್ಟು ಕಾರುಗಳನ್ನು ಮಾರಾಟ ಮಾಡಲಾಗಿದೆ ಎಂದು ಉಲ್ಲೇಖಿಸಲಾಗಿದೆ.

ಅಷ್ಟೇ ಅಲ್ಲದೆ ಪ್ರತಿಯೊಬ್ಬರ ಮನೆ ಮಾತಗಿರುವ ಆಲ್ಟೊ, ಕಡಿಮೆ ದರ, ವಿಶ್ವಾಸಾರ್ಹತೆ ಹಾಗೂ ಕಡಿಮೆ ನಿರ್ವಹಣಾ ವೆಚ್ಚಕ್ಕಾಗಿ ಹೆಚ್ಚಿನ ಜನಪ್ರಿಯತೆಗೊಂಡಿದ್ದು, ಬಹುತೇಕ ಕುಟುಂಬಗಳು ತಮ್ಮ ಮೊದಲ ಕಾರಾಗಿ ಆಲ್ಟೊ ಖರೀದಿಸಲು ಬಯಸುವುದಾಗಿ ತಿಳಿಸಲಾಗಿದೆ.

ಅದೇ ರೀತಿ ಎ2 ಸೆಗ್ಮೆಂಟ್‌ನಲ್ಲಿ ಅಧ್ಬುತವೆನಿಸಿರುವ ಹ್ಯುಂಡೈ ಇಯಾನ್ ಹಲವಾರು ವೈಶಿಷ್ಟ್ಯಗಳನ್ನು ಹೊಂದಿರುವುದಾಗಿ ಉಲ್ಲೇಖಿಸಲಾಗಿದೆ. ಈ ಎಲ್ಲ ವಿಚಾರಗಳು ನ್ಯಾನೋಗೆ ಮುಳುವಾಗಿ ಪರಿಣಿಸಿದೆ.

ಒಟ್ಟಿನಲ್ಲಿ ವಿಶ್ವದ ಅತಿ ಅಗ್ಗದ ಕಾರನ್ನು ಆಲ್ಟೊ ಹಾಗೂ ಇಯಾನ್ ಜತೆ ಹೋಲಿಸಲು ಮುಂದಾಗಿರುವ ಟಾಟಾ, ತನ್ನ ಹೊಂಡವನ್ನು ತಾನೇ ತೋಡಿದಂತಾಗಿದೆ.

ಇದೀಗ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ...