Click it and Unblock the Notifications
ಕಾರು ಇಂಧನ ಉಳಿಸಿ ಹಣ ಉಳಿಸಲು ಇಲ್ಲಿದೆ ಟಿಪ್ಸ್
* ಕಂಪನಿ ತಿಳಿಸಿದಷ್ಟೇ ಟೈರ್ ಪ್ರೆಷರ್ ಇರಲಿ. ನಿಗದಿ ಪಡಿಸಿದಕ್ಕಿಂತ ಹೆಚ್ಚು ಅಥವಾ ಕಡಿಮೆ ಗಾಳಿ ತುಂಬಿಸೋದು ಮಾಡಬಾರದು. ಈ ರೀತಿ ಮಾಡಿದರೆ ಕಾರು ಹೆಚ್ಚು ಪೆಟ್ರೊಲ್ ಬಳಸುತ್ತದೆ. ಟೈರ್ ಪ್ರೆಷರ್ ಸಮತೋಲನದಲ್ಲಿರಲಿ.
* ಇಂಧನ ಟ್ಯಾಂಕ್ ಗೆ ಪೂರ್ವಾಹ್ನದ ಸಮಯದಲ್ಲಿ ಪೆಟ್ರೊಲ್ ತುಂಬಿಸಿ. ಈ ಸಮಯದಲ್ಲಿ ಪೆಟ್ರೊಲ್ ಸಾಂದ್ರತೆ ಹೆಚ್ಚಿರುತ್ತದೆ.
* ಒಮ್ಮೆಗೆ ಫುಲ್ ಟ್ಯಾಂಕ್ ಇಂಧನ ತುಂಬಿಸಬೇಡಿ. ಸುಮಾರು ಅರ್ಧಟ್ಯಾಂಕ್ ತುಂಬಿಸಿದರೆ ಸಾಕು. ಆಗ ಸರಿಯಾದ ಒತ್ತಡದಲ್ಲಿ ಪೈಪ್ ನಲ್ಲಿ ಇಂಧನದ ಹರಿವಿರುತ್ತದೆ. ಇಂಧನ ಸರಾಗವಾಗಿ ಸಾಗಲು ನೆರವಾಗುವಂತೆ ಇಂಧನ ಪೈಪ್ ನಲ್ಲಿ ಕಲ್ಮಶಗಳಿವೆಯೇ ಎಂದು ಚೆಕ್ ಮಾಡಿರಿ.
* ಅಧಿಕೃತ ಸರ್ವಿಸ್ ಸೆಂಟರ್ ಗಳಲ್ಲಿ ಕಂಪನಿ ಮ್ಯಾನುಯಲ್ ನಲ್ಲಿ ತಿಳಿಸಿದಂತೆ ನಿಗಧಿತ ಸಮಯಕ್ಕೆ ಸರ್ವಿಸ್ ಮಾಡಿಸುತ್ತೀರಿ.
* ನಿಯಮಿತವಾಗಿ ಏರ್ ಫಿಲ್ಟರ್ ಬದಲಾಯಿಸುತ್ತೀರಿ. ಕಲ್ಮಶ ತುಂಬಿದ ಏರ್ ಫಿಲ್ಟರ್ ನಿಂದ ಎಂಜಿನ್ ಗೆ ಗಾಳಿಯ ಹರಿವಿಗೆ ತಡೆಯಾಗುತ್ತದೆ. ಇದು ಇಂಧನ ದಕ್ಷತೆ ಮೇಲೆ ಪರಿಣಾಮ ಬೀರುತ್ತದೆ. ಇದೇ ರೀತಿ ಆಯಿಲ್ ಕೂಡ ಬದಲಾಯಿಸುತ್ತಿರಬೇಕು.
* ಸ್ಮೂತಾಗಿ ವಾಹನ ಚಾಲನೆ ಮಾಡಿರಿ. ತಕ್ಷಣ ಬ್ರೇಕ್ ಅಥವಾ ಆಕ್ಸಲರೇಷನ್ ಹಾಕೋದನ್ನು ಅವಾಯ್ಡ್ ಮಾಡಿ. ಇದು ಇಂಧನ ಉಳಿಸುವುದು ಮಾತ್ರವಲ್ಲದೇ ಟೈರ್ ಬಾಳಿಕೆಯನ್ನೂ ಹೆಚ್ಚಿಸುತ್ತದೆ.
* ನಿಮ್ಮ ವಾಹನವನ್ನು ಓವರ್ ಲೋಡ್ ಮಾಡಬೇಡಿ. ಹೆಚ್ಚು ಲೋಡ್ ಇದ್ದಾಗ ವಾಹನ ಹೆಚ್ಚು ಇಂಧನ ಬಳಸುತ್ತದೆ.
* ಅಗತ್ಯವಿದ್ದಾಗ ಮಾತ್ರ ಏರ್ ಕಂಡಿಷನ್ ಬಳಸಿ. ವೆಂಟಿಲೇಷನ್ ಉಪಯೋಗಿಸುತ್ತಿರಿ. ಕಾರ್ ಕೂಲ್ ಆದ ಸಮಯದಲ್ಲಿ ಒಮ್ಮೆ ವಿಂಡೋ ತೆರೆಯಿರಿ ಅಥವಾ ಏರ್ ಕಂಡಿಷನ್ ಆಫ್ ಮಾಡಿ.
* ಸುಮಾರು 3 ನಿಮಿಷಕ್ಕಿಂತ ಹೆಚ್ಚು ಕಾರನ್ನು ನಿಲ್ಲಿಸುವ ಅವಶ್ಯಕತೆಯಿದ್ದರೆ ಎಂಜಿನ್ ಆಫ್ ಮಾಡಿ.
* ಕ್ಲಚ್ ರೈಡಿಂಗ್ ಅವಾಯ್ಡ್ ಮಾಡಿ. ಈ ರೀತಿ ಮಾಡಿದರೆ ಇಂಧನ ಅನುಭೋಗ ಹೆಚ್ಚುತ್ತದೆ. ಎಂಜಿನ್ ಬಾಳಿಕೆ ಕಡಿಮೆಯಾಗುತ್ತದೆ.
Continue with Google