ಹೆಲ್ಮೆಟಾಯಣ: ಸೂಕ್ತವಾದ ಶಿರಸ್ತ್ರಾಣ ಆಯ್ಕೆ ಹೇಗೆ?

ಹೆಲ್ಮೆಟ್ ಆಯ್ಕೆ ಹೇಗೆ?
* ಶಿರಸ್ತ್ರಾಣದಲ್ಲಿ ಐಎಸ್ಐ ಮಾರ್ಕ್ ಇದೆಯೇ ಗಮನಿಸಿರಿ. ಐಎಸ್ಐ ಮಾರ್ಕ್ ಇಲ್ಲದ ಹೆಲ್ಮೆಟ್ ಖರೀದಿಸಬೇಡಿ.
* ಹೆಲ್ಮೆಟ್ ನಿಮ್ಮ ತಲೆಗೆ ಸಮರ್ಪಕವಾಗಿ ಹೊಂದಿಕೊಳ್ಳುವುದೇ ಗಮನಿಸಿ. ತಲೆಯಲ್ಲಿ ಲೂಸಾಗಿ ಕುಳಿತುಕೊಳ್ಳುವ ಅಥವಾ ಹೆಚ್ಚು ಟೈಟ್ ಆಗಿರುವ ಹೆಲ್ಮೆಟ್ ಬಳಕೆ ಬೇಡ. ಕಂಪರ್ಟಬಲ್ ಆಗಿ ತಲೆಯಲ್ಲಿ ನಿಲ್ಲುವ ಶಿರಸ್ತ್ರಾಣ ಆಯ್ಕೆ ಮಾಡಿಕೊಳ್ಳಿರಿ.
* ರಸ್ತೆ ಬದಿಯಲ್ಲಿ ಮಾರಾಟ ಮಾಡುತ್ತಿರುವ ಹೆಲ್ಮೆಟ್ ಖರೀದಿಸಬೇಡಿ. ಅವುಗಳ ಗುಣಮಟ್ಟದ ಬಗ್ಗೆ ಖಾತ್ರಿ ಇರುವುದಿಲ್ಲ.
* ಹೆಲ್ಮೆಟನ್ನು ಯಾವತ್ತೂ ಸೂರ್ಯನ ಬೆಳಕಿನಲ್ಲಿ ಇಡಬೇಡಿ. ಇದರಿಂದ ಹೆಲ್ಮೆಟ್ ಗುಣಮಟ್ಟಕ್ಕೆ ಹಾನಿಯಾಗುತ್ತದೆ.
* ಹೆಲ್ಮೆಟನ್ನು ತಂಪಾದ ಪ್ರದೇಶದಲ್ಲಿ, ಕತ್ತಲಲ್ಲಿ ಇಡುವುದು ಒಳ್ಳೆಯದು.
* ಕೆಲವು ಹೆಲ್ಮೆಟ್ ಗಳು ನೋಡಲು ಆಕರ್ಷಕವಾಗಿರುತ್ತವೆ. ಆದರೆ ಗಟ್ಟಿಮುಟ್ಟಾಗಿರುವುದಿಲ್ಲ. ಹೆಲ್ಮೆಟ್ ಧರಿಸುವ ಮುಖ್ಯ ಉದ್ದೇಶ ನೆನಪಿನಲ್ಲಿಟ್ಟುಕೊಂಡು ಖರೀದಿಸಿರಿ.