Just In
- 8 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 9 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 9 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 10 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಿಎನ್ಜಿ ಕಾರುಗಳಿಂದಾಗುವ ಅನಾನುಕೂಲಗಳಿವು
ದಿನೇ ದಿನೇ ಗಗನಕ್ಕೇರುತ್ತಿರುವ ಪೆಟ್ರೋಲ್, ಡೀಸೆಲ್ ಬೆಲೆಗಳು ಕಾರು ಖರೀದಿಸಲು ಬಯಸುವವರ ಉತ್ಸಾಹವನ್ನು ಕುಂದಿಸುತ್ತಿವೆ. ಈ ಹಿನ್ನೆಲೆಯಲ್ಲಿ ಪೆಟ್ರೋಲ್, ಡೀಸೆಲ್ ಬದಲಿಗೆ ಸಿಎನ್ಜಿ ವಾಹನಗಳಿಗೆ ಆದ್ಯತೆ ನೀಡಲಾಗುತ್ತಿದೆ.
ಸಿಎನ್ಜಿ ಬೆಲೆ ಪೆಟ್ರೋಲ್, ಡೀಸೆಲ್ಗಿಂತ ತೀರಾ ಕಡಿಮೆ. ಸಿಎನ್ಜಿಯೊಂದಿಗೆ ಕಾರನ್ನು ಚಾಲನೆ ಮಾಡುವುದು ಕಡಿಮೆ ವೆಚ್ಚದಾಯಕವಾಗಿದೆ. ಇತ್ತೀಚಿನ ದಿನಗಳಲ್ಲಿ ಸಿಎನ್ಜಿ ಚಾಲಿತ ಕಾರುಗಳನ್ನು ದೇಶದೆಲ್ಲೆಡೆ ಕಾಣಬಹುದು.
ಪ್ರತಿಯೊಬ್ಬರೂ ಸಿಎನ್ಜಿಯ ಅನುಕೂಲಗಳನ್ನು ಮಾತ್ರ ತಿಳಿದಿದ್ದಾರೆ. ಆದರೆ ಸಿಎನ್ಜಿ ಕಾರುಗಳಿಂದಾಗುವ ಅನಾನುಕೂಲತೆಗಳ ಬಗ್ಗೆ ಹೆಚ್ಚು ಜನರಿಗೆ ತಿಳಿದಿಲ್ಲ. ಸಿಎನ್ಜಿ ವಾಹನಗಳಿಂದಾಗುವ ಅನಾನುಕೂಲಗಳು ಯಾವುವು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
ಸ್ಥಳಾವಕಾಶದ ಕೊರತೆ
ಸಿಎನ್ಜಿ ಕಾರುಗಳಲ್ಲಿ ಸಿಲಿಂಡರ್ಗಳಿಗೆ ಹೆಚ್ಚಿನ ಸ್ಥಳಾವಕಾಶ ಬೇಕಾಗುತ್ತದೆ. ಸಾಮಾನ್ಯವಾಗಿ ಸಿಎನ್ಜಿ ಕಾರುಗಳಲ್ಲಿ, ಸಿಲಿಂಡರ್ಗಳನ್ನು ಬೂಟ್ ಸ್ಪೇಸ್'ನಲ್ಲಿ ಅಳವಡಿಸಲಾಗುತ್ತದೆ.
ಇದು ಸಹಜವಾಗಿಯೇ ಬೂಟ್ ಸ್ಪೇಸ್ ಕೊರತೆಗೆ ಕಾರಣವಾಗುತ್ತದೆ. ಕಾರಿನಲ್ಲಿ ಸಾಕಷ್ಟು ಲಗೇಜ್'ಗಳೊಂದಿಗೆ ಪ್ರಯಾಣಿಸುವವರಿಗೆ ಸಿಎನ್ಜಿ ಕಾರುಗಳಿಂದ ಅನಾನುಕೂಲವಾಗುತ್ತದೆ.
ಲಭ್ಯತೆಯ ಕೊರತೆ
ಪ್ರತಿ ಸಣ್ಣ ಹಾಗೂ ದೊಡ್ಡ ನಗರ ಅಥವಾ ಹಳ್ಳಿ, ಪಟ್ಟಣಗಳಲ್ಲಿ ಪೆಟ್ರೋಲ್, ಡೀಸೆಲ್ ಬಂಕ್'ಗಳನ್ನು ಕಾಣಬಹುದು. ಆದರೆ ಭಾರತದಲ್ಲಿ ಇನ್ನೂ ಸಹ ಸಿಎನ್ಜಿ ಕೇಂದ್ರಗಳ ಕೊರತೆಯಿದೆ.
ಒಂದು ವೇಳೆ ನೀವು ನಗರದಿಂದ ಹೊರಗೆ ಹೋದರೆ ಅಥವಾ ದೀರ್ಘ ಪ್ರಯಾಣಕ್ಕೆ ಹೋಗಲು ನಿರ್ಧರಿಸಿದರೆ ಹೊರಡುವ ಮುನ್ನ ಸಿಎನ್ಜಿ ಟ್ಯಾಂಕ್ ಅನ್ನು ಪೂರ್ತಿಯಾಗಿ ತುಂಬಿಸುವುದು ಅವಶ್ಯಕ.
ಹಲವು ನಗರಗಳಲ್ಲಿ ಸಿಎನ್ಜಿ ಕೇಂದ್ರಗಳು ಇರುವುದೇ ಇಲ್ಲ. ಇದರಿಂದ ಸಿಎನ್ಜಿ ಕಾರುಗಳನ್ನು ಹೊಂದಿರುವವರು ತೊಂದರೆ ಅನುಭವಿಸುವುದು ತಪ್ಪುವುದಿಲ್ಲ.ಸಿಎನ್ಜಿ ಕಾರುಗಳು ಎಲ್ಲರಿಗೂ ಇಷ್ಟವಾಗದಿರಲು ಇದು ಒಂದು ಕಾರಣವಾಗಿದೆ.
ಕಡಿಮೆಕಾರ್ಯಕ್ಷಮತೆ
ಸಿಎನ್ಜಿ ಕಾರುಗಳನ್ನು ಚಾಲನೆ ಮಾಡುವವರು ಕಾರು ನಿರೀಕ್ಷಿಸಿದಷ್ಟು ಪರ್ಫಾಮೆನ್ಸ್ ನೀಡುವುದಿಲ್ಲವೆಂದು ದೂರುತ್ತಾರೆ. ಸಿಎನ್ಜಿ ಕಾರುಗಳು ಪೆಟ್ರೋಲ್ ಚಾಲಿತ ಕಾರುಗಳಿಗಿಂತ ಕಡಿಮೆ ಪ್ರಮಾಣದಲ್ಲಿ ಮಾರಾಟವಾಗಲು ಇದು ಸಹ ಕಾರಣವಾಗಿದೆ.
ಸಿಎನ್ಜಿ ಕಾರುಗಳ ಆಕ್ಸಲರೇಷನ್ ಪೆಟ್ರೋಲ್ ಕಾರುಗಳಿಗಿಂತ ಕಡಿಮೆ. ಈ ಕಾರುಗಳನ್ನು ಚಾಲನೆ ಮಾಡುವಾಗ ಕಡಿಮೆ ಪವರ್ ಭಾವನೆ ಉಂಟಾಗುತ್ತದೆ. ಪೆಟ್ರೋಲ್ ಕಾರು ಬಳಸಿ ಸಿಎನ್ಜಿ ಕಾರು ಚಾಲನೆ ಮಾಡಿದರೆ ಸಿಎನ್ಜಿ ಕಾರಿನಲ್ಲಿ ಕಡಿಮೆ ಪವರ್ ಗಮನಿಸಬಹುದು. ಸಿಎನ್ಜಿ ಕಾರಿನ ಕಾರ್ಯಕ್ಷಮತೆ ಪೆಟ್ರೋಲ್ ಕಾರಿಗಿಂತ 10-20%ನಷ್ಟು ಕಡಿಮೆ ಇರುತ್ತದೆ.
ಎಂಜಿನ್ ತೊಂದರೆಗಳು
ಸಿಎನ್ಜಿ ಕಾರುಗಳನ್ನು ಬಳಸುತ್ತಿದ್ದರೆ ಕಾರಿನ ಸರ್ವೀಸ್ ಬಗ್ಗೆ ಹೆಚ್ಚು ಜಾಗರೂಕರಾಗಿರಬೇಕು. ಇದಕ್ಕೆ ಕಾರಣವೆಂದರೆ ಪೆಟ್ರೋಲ್ ಕಾರುಗಳಿಗೆ ಹೋಲಿಸಿದರೆ ಸಿಎನ್ಜಿ ಕಾರುಗಳಲ್ಲಿರುವ ಸ್ಪಾರ್ಕ್ ಪ್ಲಗ್ಗಳು ಬಹು ಬೇಗ ಹಾಳಾಗುತ್ತವೆ.
ಸಿಎನ್ಜಿ ಕಾರ್ ಅನ್ನು ಹೆಚ್ಚು ಬಳಸುತ್ತಿದ್ದರೆ ಆ ಕಾರಿನ ಎಂಜಿನ್ ಬಗ್ಗೆ ಹೆಚ್ಚು ಜಾಗರೂಕರಾಗಿರಬೇಕು. ಸರ್ವೀಸ್ ಮಾಡಿಸುವಾಗ ತೋರುವ ನಿರ್ಲಕ್ಷ್ಯದಿಂದ ಎಂಜಿನ್ಗೆ ದೊಡ್ಡ ಪ್ರಮಾಣದ ಹಾನಿಯುಂಟಾಗುತ್ತದೆ.
ನಿಮ್ಮ ಕಾರು ಹೇಗೆ ಕಾರ್ಯನಿರ್ವಹಿಸುತ್ತಿದೆ ಎಂಬುದರ ಕುರಿತು ನೀವು ಗಮನ ಹರಿಸಬೇಕು. ಅದರಲ್ಲೂ ಸಿಎನ್ಜಿ ಕಾರುಗಳನ್ನು ಚಾಲನೆ ಮಾಡುವವರು ಹೆಚ್ಚು ಗಮನ ಹರಿಸಬೇಕು.
ಕಡಿಮೆ ರಿಸೇಲ್ ವ್ಯಾಲ್ಯೂ
ಸಿಎನ್ಜಿ ಕಾರುಗಳ ಮರುಮಾರಾಟ ಮೌಲ್ಯವು ಪೆಟ್ರೋಲ್, ಡೀಸೆಲ್ ಕಾರುಗಳಿಗಿಂತ ಕಡಿಮೆಯಾಗಿರುತ್ತದೆ. ಕಾರಿನಲ್ಲಿ ಆಫ್ಟರ್ ಮಾರ್ಕೆಟ್ ಸಿಎನ್ಜಿ ಕಿಟ್ ಅನ್ನು ಅಳವಡಿಸಿ ಅದನ್ನು ಮಾರಾಟಗಾರರ ಬಳಿಗೆ ತೆಗೆದುಕೊಂಡು ಹೋದರೆ ಕಡಿಮೆ ಮರುಮಾರಾಟ ಮೌಲ್ಯವನ್ನು ಪಡೆಯಬೇಕಾಗುತ್ತದೆ.
ಸೆಕೆಂಡ್ ಹ್ಯಾಂಡ್ ಕಾರನ್ನು ಕಡಿಮೆ ಬೆಲೆಯಲ್ಲಿ ಖರೀದಿಸ ಬಯಸುವವರು ಸಿಎನ್ಜಿ ಕಾರನ್ನು ಪೆಟ್ರೋಲ್ ಕಾರುಗಳಿಗಿಂತ ಕಡಿಮೆ ಬೆಲೆಗೆ ಖರೀದಿಸಬಹುದು.