ಅಂತರ್ ರಾಷ್ಟ್ರೀಯ ಡ್ರೈವಿಂಗ್ ಲೈಸೆನ್ಸ್ ಪಡೆಯಲು ಅನುಸರಿಸಬೇಕಾದ ವಿಧಾನಗಳಿವು

ಈ ಸನ್ನಿವೇಶದಲ್ಲಿ ಒಂದಕ್ಕಿಂತ ಹೆಚ್ಚು ದೇಶಗಳಲ್ಲಿ ಪ್ರಯಾಣಿಸುವ ಜನರಿಗೆ ವಿವಿಧ ದೇಶಗಳಲ್ಲಿ ಡ್ರೈವಿಂಗ್ ಲೈಸೆನ್ಸ್ ಪಡೆಯುವುದು ಸುಲಭವಲ್ಲ. ಹೊರ ದೇಶದಲ್ಲಿರುವವರು ಪ್ರತಿ ದೇಶದಲ್ಲೂ ವಿಭಿನ್ನವಾದ ಡ್ರೈವಿಂಗ್ ಲೈಸೆನ್ಸ್ ಪಡೆಯಬೇಕಾಗುತ್ತದೆ. ಅಂತರ್ ರಾಷ್ಟ್ರೀಯ ಡ್ರೈವಿಂಗ್ ಲೈಸೆನ್ಸ್ ಪಡೆಯಲು ಸಲ್ಲಿಸಬೇಕಾದ ದಾಖಲೆಗಳು ಯಾವುವು, ಅನುಸರಿಸಬೇಕಾದ ವಿಧಾನಗಳು ಯಾವುವು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.

1. ಭಾರತದ ಡ್ರೈವಿಂಗ್ ಲೈಸೆನ್ಸ್:

ಭಾರತೀಯ ಪ್ರಜೆಯಾಗಿದ್ದು, ಅಂತರರಾಷ್ಟ್ರೀಯ ಚಾಲನಾ ಪರವಾನಗಿಗಾಗಿ ಅರ್ಜಿ ಸಲ್ಲಿಸಲು ಬಯಸಿದರೆ, ಮಾನ್ಯವಾದ ಭಾರತದ ಡ್ರೈವಿಂಗ್ ಲೈಸೆನ್ಸ್ ಹೊಂದಿರಬೇಕು. ವಿದೇಶದಿಂದ ಹಿಂದಿರುಗುವವರೆಗೆ ಈ ಲೈಸೆನ್ಸ್ ಮಾನ್ಯತೆಯನ್ನು ಹೊಂದಿರಬೇಕು.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

2. ಭಾರತದ ಪಾಸ್‌ಪೋರ್ಟ್:

ಅಂತರರಾಷ್ಟ್ರೀಯ ಚಾಲನಾ ಪರವಾನಗಿ ಪಡೆಯಲು ಅವಶ್ಯಕವಿರುವ ಮತ್ತೊಂದು ದಾಖಲೆಯೆಂದರೆ ಪಾಸ್‌ಪೋರ್ಟ್. ಮಾನ್ಯವಾದ ಪಾಸ್‌ಪೋರ್ಟ್ ಇಲ್ಲದಿದ್ದರೆ ಡ್ರೈವಿಂಗ್ ಲೈಸೆನ್ಸ್'ಗಾಗಿ ಅರ್ಜಿಯನ್ನು ಸ್ವೀಕರಿಸುವುದಿಲ್ಲ. ವಿದೇಶದಿಂದ ಭಾರತಕ್ಕೆ ಮರಳುವ ಮೊದಲು, ಪಾಸ್‌ಪೋರ್ಟ್‌ನ ಸಿಂಧುತ್ವವು ಕನಿಷ್ಠ 6 ತಿಂಗಳ ಕಾಲ ಇರಬೇಕಾಗುತ್ತದೆ.

3. ಫ್ಲೈಟ್ ಟಿಕೆಟ್

ಅಂತರರಾಷ್ಟ್ರೀಯ ಚಾಲನಾ ಪರವಾನಗಿಗಾಗಿ ಅರ್ಜಿ ಸಲ್ಲಿಸುವಾಗ ಪ್ರಯಾಣ ಬೆಳೆಸಿದ ವಿಮಾನದ ಟಿಕೆಟ್‌ ಹಾಗೂ ರಿಟರ್ನ್ ಟಿಕೆಟ್‌ಗಳನ್ನು ಸಹ ಪರಿಶೀಲಿಸಲಾಗುತ್ತದೆ. ಎರಡೂ ಟಿಕೆಟ್‌ಗಳು ಸರಿಯಾಗಿವೆ ಎಂದು ದೃಢಪಟ್ಟ ನಂತರ ಅಂತರ್ ರಾಷ್ಟ್ರೀಯ ಡ್ರೈವಿಂಗ್ ಲೈಸೆನ್ಸ್'ಗಾಗಿ ಅರ್ಜಿ ಸ್ವೀಕರಿಸಲಾಗುತ್ತದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

4. ವೀಸಾ

ಅಂತರರಾಷ್ಟ್ರೀಯ ಚಾಲನಾ ಪರವಾನಗಿ ಪಡೆಯಲು ವೀಸಾ ಹೊಂದಿರಬೇಕಾಗುತ್ತದೆ. ನೀವು ತೆರಳುವ ದೇಶವು ವೀಸಾ ಆನ್ ಅರೈವಲ್ ವೀಸಾ ನೀಡಿದರೆ, ಅದನ್ನು ಡ್ರೈವಿಂಗ್ ಲೈಸೆನ್ಸ್ ಅರ್ಜಿಯ ಜೊತೆಗೆ ಲಗತ್ತಿಸುವುದು ಕಡ್ಡಾಯ.

5. ಫೋಟೋಗಳು

ಅಂತರರಾಷ್ಟ್ರೀಯ ಚಾಲನಾ ಪರವಾನಗಿಗೆ ಅರ್ಜಿ ಸಲ್ಲಿಸಲು ಪಾಸ್‌ಪೋರ್ಟ್ ಗಾತ್ರದ 3-4 ಫೋಟೋಗಳನ್ನು ಲಗತ್ತಿಸಬೇಕು.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಅರ್ಜಿ ಸಲ್ಲಿಸುವ ವಿಧಾನ

1. 4 ಎ ಫಾರಂ

ಅರ್ಜಿದಾರರು ತಮ್ಮ ಜಿಲ್ಲೆಯ ಸಾರಿಗೆ ಕಚೇರಿಯಿಂದ 4 ಎ ಫಾರಂ ಅನ್ನು ಪಡೆದು ಎಲ್ಲಾ ಮಾಹಿತಿಯನ್ನು ಭರ್ತಿ ಮಾಡಬೇಕು. ನಂತರ ನಿಗದಿಪಡಿಸಲಾದ ಜಾಗದಲ್ಲಿ ಸಹಿ ಮಾಡುವುದು ಕಡ್ಡಾಯವಾಗಿದೆ.

2. ಮೆಡಿಕಲ್ ಸರ್ಟಿಫಿಕೇಟ್

ಆರೋಗ್ಯದ ಬಗ್ಗೆ ಪುರಾವೆ ಒದಗಿಸಲು ನೋಂದಾಯಿತ ವೈದ್ಯರಿಂದ ಎನ್‌ಒಸಿ ಪಡೆಯಬೇಕು. ವಿದೇಶದಲ್ಲಿ ವಾಹನ ಚಲಾಯಿಸಲು ಅರ್ಜಿದಾರರು ಮಾನಸಿಕವಾಗಿ ಹಾಗೂ ದೈಹಿಕವಾಗಿ ಸದೃಢರಾಗಿದ್ದಾರೆ ಎಂಬುದರ ಪುರಾವೆಯಾಗಿ ಈ ಸರ್ಟಿಫಿಕೇಟ್ ಪಡೆಯಲಾಗುತ್ತದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

3. ಎನ್‌ಒಸಿ

ಅರ್ಜಿದಾರನು ಯಾವುದೇ ರೀತಿಯ ದಂಡ ಹೊಂದಿಲ್ಲದೇ ಇರುವುದರ ಬಗ್ಗೆ ಪುರಾವೆ ನೀಡಬೇಕು. ಇದನ್ನು ಸಾರಿಗೆ ಪೋರ್ಟಲ್‌ನಲ್ಲಿರುವ ಡೇಟಾಬೇಸ್'ನಿಂದ ಪರಿಶೀಲಿಸಲಾಗುತ್ತದೆ. ಯಾವುದೇ ಬಾಕಿ ಇಲ್ಲದಿದ್ದರೆ ಎನ್‌ಒಸಿ ನೀಡಲಾಗುತ್ತದೆ.