ಕಾರು ಕಳವಾದರೆ ಮೊದಲು ಮಾಡ್ಬೇಕಾದ ಅಂಶ ಏನು..?

ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಸಿ

ಕಾರು ಕಳವಾದ ತಕ್ಷಣಕ್ಕೆ ಮಾಡಬೇಕಾದ ಮುಖ್ಯ ಕೆಲಸ ಏನೆಂದರೆ ಹಿಂದು ಮುಂದು ನೋಡದೇ ನೇರವಾಗಿ ಪೊಲೀಸ್ ಠಾಣೆಗೆ ತೆರಳಿ ಲಿಖಿತ ದೂರು ದಾಖಲಿಸಿಕೊಳ್ಳಿರಿ. ಪೊಲೀಸರ ತ್ವರಿತ ಕಾರ್ಯಾಚರಣೆಯಿಂದ ಕಾರು ವಾಪಾಸ್ ಪಡೆಯುವ ಸಾಧ್ಯತೆ ಹೆಚ್ಚಿದೆ. ಯಾಕೆಂದರೆ ಕಳವಾದ ಕಾರು ಸ್ಟೇಷನ್ ಪರ್ಯಂತದಿಂದ ತುಂಬಾ ದೂರ ಸಾಗಿರಲಾರದು. ಇನ್ನು ಕಳವಾದ ಕಾರನ್ನು ಕಳ್ಳರು ಯಾವುದೇ ಅಪರಾಧ ಕೃತ್ಯಗಳಿಗೆ ಬಳಸಿದ್ದೇ ಆದ್ದಲ್ಲಿ ನೀವು ಮೊದಲೇ ನೀಡಿರುವ ಲಿಖಿತ ದೂರು ನೆರವಿಗೆ ಬರಲಿದೆ.

ಸ್ಟಾಲನ್ ವೆಹಿಕಲ್ ಇಂಡಿಯಾದಲ್ಲಿ ನಮೂದಿಸಿ

ನಿಮ್ಮ ವಾಹನ ಕಳವಾಗಿದೆ ಎಂದು ತಿಳಿದ ತಕ್ಷಣ ಸ್ಟಾಲನ್ ವೆಹಿಕಲ್ ಇಂಡಿಯಾ (stolen.in) ವೆಬ್‌ಸೈಟ್‌ಗೆ ಭೇಟಿ ಕೊಟ್ಟು ರಿಜಿಸ್ಟರ್ ಮಾಡಿಕೊಳ್ಳಿ. ಹಾಗೇನಾದರೂ ಕಳ್ಳರು ನಿಮ್ಮ ಕಾರನ್ನು ಪೂರ್ಣವಾಗಿ ಅಥವಾ ಎಂಜಿನ್‌ಗಳಂತಹ ಬಿಡಿಭಾಗಗಳನ್ನು ಮಾರಲು ಯತ್ನಿಸಿದ್ದಲ್ಲಿ ಈ ವೆಬ್‌ಸೈಟ್ ಮುಖಾಂತರ ಇದು ಖರೀದಿಗಾರರ ಗಮನಕ್ಕೆ ಬರುವ ಸಾಧ್ಯತೆಯಿದೆ.

ಸ್ಥಳೀಯ ಗ್ಯಾರೇಜ್, ವಾಹನ ಅಂಗಡಿಗಳಲ್ಲಿ ವಿಚಾರಿಸಿರಿ

ಇನ್ನು ಕಾರು ಕಳವಾದ ಬಳಿಕ ಸ್ಥಳೀಯ ಗ್ಯಾರೇಜ್ ಅಥವಾ ವಾಹನ ಅಂಗಡಿಗೆ ಭೇಟಿಕೊಟ್ಟು ವಿಚಾರಿಸಿಕೊಳ್ಳಿರಿ. ಯಾಕೆಂದರೆ ಹೆಚ್ಚು ದಿನ ಕಾರನ್ನು ತಮ್ಮ ಕೈಯಲ್ಲಿರಿಸಿದರೆ ಅಪಾಯವನ್ನು ಮನಗಾಣುವ ಕಳ್ಳರು ಆದಷ್ಟು ಬೇಗನೇ ಸಿಕ್ಕಿದ ಬೆಲೆಗೆ ಅದನ್ನು ಮಾರಾಟ ಮಾಡಲು ಬಯಸುತ್ತಾರೆ.

ಸೆಕೆಂಡ್ ಹ್ಯಾಂಡ್ ಸೇಲ್ಸ್ ಬಗ್ಗೆ ವಿಚಾರಿಸಿಕೊಳ್ಳಿರಿ

ಹಾಗೆಯೇ ಸ್ಥಳೀಯ ಅಲ್ಪಬೆಲೆಯ ಮಾರುಕಟ್ಟೆಗೆ ಭೇಟಿ ಕೊಟ್ಟು ಬಳಕೆಯಾದ ಕಾರು ಮಾರಾಟವನ್ನು ಪತ್ತೆಹಚ್ಚಿಕೊಳ್ಳಿರಿ. ಕಳವಾದ ಕಾರು ಕಡಿಮೆ ಬೆಲೆಗೆ ಸೆಕೆಂಡ್ಸ್ ಹ್ಯಾಂಡ್ ಮಾರಾಟದಲ್ಲಿ ಸೇಲ್ ಆಗುವ ಸಾಧ್ಯತೆ ಹೆಚ್ಚಿದೆ.

ಇ ಕಾಮರ್ಸ್ ವೆಬ್‌ಸೈಟ್

ಮಗದೊಮ್ಮೆ ಬಳಕೆಯಾದ ಕಾರುಗಳನ್ನು ಸೇಲ್ ಮಾಡುವ ಅಂತರ್ಜಾಲ ಸೈಟ್‌ಗಳಿಗೆ ನಿರಂತರ ಭೇಟಿ ನೀಡಿ ಪರಿಶೀಲಿಸುವುದರಿಂದಲೂ ನಿಮ್ಮ ಕಾರು ಮರಳಿ ಪಡೆಯುವ ಸಾಧ್ಯತೆಯಿದೆ. Click.in, Craigslist, ebay, OLX ಗಳಂತಹ ಜಾಹೀರಾತು ವೆಬ್‌ಸೈಟ್‌ಗಳಿಗೆ ತೆರಳಿ ನಿರಂತರವಾಗಿ ಪರಿಶೀಲಿಸುತ್ತಿರಿ. ನಿಮ್ಮಗೆಲ್ಲರಿಗೂ ಶುಭವಾಗಲಿ!