ಲ್ಯಾಂಡ್ ರೋವರ್ ಡಿಫೆಂಡರ್‌ನಲ್ಲಿ ಸವಾರಿ ಮಾಡುತ್ತಾ ಕ್ಯಾಮರಾ ಕಣ್ಣಿಗೆ ಬಿದ್ದ ನಟ ಪ್ರಕಾಶ್ ರಾಜ್

ಕೆಲವರು ರಾಜಕಾರಣಿಗಳು ಸಹ ಈ ಎಸ್‌ಯುವಿಯನ್ನು ಬಳಸುತ್ತಿದ್ದಾರೆ. ಈಗ ಮತ್ತೊಬ್ಬ ಸೆಲೆಬ್ರಿಟಿ ಈ ಎಸ್‌ಯುವಿಯನ್ನು ಓಡಿಸುತ್ತಿರುವುದು ಕಂಡುಬಂದಿದೆ. ಬಾಲಿವುಡ್ ನಟ ಮತ್ತು ನಿರ್ಮಾಪಕ ಪ್ರಕಾಶ್ ರಾಜ್ ಇತ್ತೀಚೆಗೆ ಲ್ಯಾಂಡ್ ರೋವರ್ ಡಿಫೆಂಡರ್ 110 ರಲ್ಲಿ ಸವಾರಿ ಮಾಡುತ್ತಿರುವುದು ಕಂಡುಬಂದಿದೆ.

ಪ್ರಕಾಶ್ ರಾಜ್ ಲ್ಯಾಂಡ್ ರೋವರ್ ಡಿಫೆಂಡರ್ 110 ಅನ್ನು ಸವಾರಿ ಮಾಡುತ್ತಿರುವುದು ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸದ್ಯ ವೈರಲ್ ಆಗುತ್ತಿದೆ. ಅವರು ಮುಂಬೈನಲ್ಲಿ ಈ ಕಾರಿನಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಪ್ರಕಾಶ್ ರಾಜ್ ಮತ್ತು ಅವರ ತಂಡವು ನಗರವನ್ನು ಸುತ್ತುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು.

ವಿಶೇಷವೆಂದರೆ ಈ ಕಾರನ್ನು ಪ್ರಕಾಶ್ ರಾಜ್ ವಾಸಿಸುವ ತೆಲಂಗಾಣ ರಾಜ್ಯದಲ್ಲಿ ನೋಂದಾಯಿಸಲಾಗಿದೆ. ಇದರ ಓಟ್‌ಫಿಟ್‌ ಲ್ಯಾಂಡ್ ರೋವರ್ ಡಿಫೆಂಡರ್ ಮ್ಯಾಟ್ ಬ್ಲ್ಯಾಕ್ ಶೇಡ್‌ನಲ್ಲಿ ಪೂರ್ಣಗೊಂಡಿದೆ. ಗಮನಿಸಬೇಕಾದ ವಿಷಯವೆಂದರೆ ಈ ಬಣ್ಣದ ಛಾಯೆ ಕಂಪನಿಯ ಅಧಿಕೃತ ಬಣ್ಣವಲ್ಲ. ಪ್ರಕಾಶ್ ರಾಜ್ ಈ ಲ್ಯಾಂಡ್ ರೋವರ್ ಡಿಫೆಂಡರ್ ಅನ್ನು ಮ್ಯಾಟ್ ಬ್ಲ್ಯಾಕ್ ಫಿನಿಶ್‌ನಲ್ಲಿ ರ್ಯಾಪ್ ಮಾಡಿದ್ದಾರೆ.

ಈ ಬಣ್ಣದೊಂದಿಗೆ ಇದು ತುಂಬಾ ಆಕ್ರಮಣಕಾರಿಯಾಗಿ ಕಾಣುತ್ತಿದೆ. ಸವಾರಿಯ ಸಮಯದಲ್ಲಿ ಪ್ರಕಾಶ್ ರಾಜ್ ಸಹ-ಡ್ರೈವರ್ ಸೀಟಿನಲ್ಲಿ ಕಾಣಿಸಿಕೊಂಡರು. ಇದು ಹೊಚ್ಚ ಹೊಸ ಲ್ಯಾಂಡ್ ರೋವರ್ ಡಿಫೆಂಡರ್ ಅಲ್ಲ ಎಂದು ಹೇಳಲಾಗುತ್ತಿದೆ. ಪ್ರಕಾಶ್ ರಾಜ್ ಕಳೆದ ವರ್ಷ ಈ ಕಾರನ್ನು ಖರೀದಿಸಿದ್ದರು. ಅಲ್ಲದೇ ಕೋಂಡ ಕೂಲೇ ಕಾರಿನ ಬಣ್ಣವನ್ನು ಬದಲಾಯಿಸಿದ್ದಾರೆ. ಭಾರತದಲ್ಲಿ ನಿಜವಾದ ಬಣ್ಣವನ್ನು ತೆರವುಗೊಳಿಸಿ ವಿಭಿನ್ನ ಬಣ್ಣದಲ್ಲಿ ಸುತ್ತುವುದು ಕಾನೂನುಬಾಹಿರವಾಗಿದೆ.

ಲ್ಯಾಂಡ್ ರೋವರ್ ಡಿಫೆಂಡರ್‌ನ 5 ಡೋರುಗಳ ಆವೃತ್ತಿಯಾದ ಡಿಫೆಂಡರ್ 110 ಎಸ್‌ಯುವಿಯನ್ನು 2020ರಲ್ಲಿ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗಿತ್ತು. ಲ್ಯಾಂಡ್ ರೋವರ್ ಡಿಫೆಂಡರ್‌ನ 3 ಡೋರುಗಳ ಆವೃತ್ತಿಯಾದ ಡಿಫೆಂಡರ್ 90 ಎಸ್‌ಯುವಿಯನ್ನು ದೇಶಿಯ ಮಾರುಕಟ್ಟೆಯಲ್ಲಿ ಕಳೆದ ವರ್ಷ ಬಿಡುಗಡೆಗೊಳಿಸಲಾಗಿತ್ತು.

ಲ್ಯಾಂಡ್ ರೋವರ್ ಡಿಫೆಂಡರ್ ಅನ್ನು 3-ಡೋರ್ ಆವೃತ್ತಿ (ಡಿಫೆಂಡರ್ 90) ಮತ್ತು 5-ಡೋರ್ ಆವೃತ್ತಿ (ಡಿಫೆಂಡರ್ 110) ಸೇರಿದಂತೆ ಎರಡು ಬಾಡಿ ಸ್ಟೈಲ್‌ಗಳಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲಾಗುತ್ತಿದೆ. ಡಿಫೆಂಡರ್ 90 ಎಕ್ಸ್ ಶೋರೂಂನ ಆರಂಭಿಕ ಬೆಲೆ ಭಾರತದಲ್ಲಿ 76.57 ಲಕ್ಷ ರೂ. ಇದೆ.

ಕಂಪನಿಯು ಈ ಎಸ್‌ಯುವಿಯನ್ನು 3 ಎಂಜಿನ್ ಆಯ್ಕೆಗಳೊಂದಿಗೆ ಪರಿಚಯಿಸಿದೆ. ಇವುಗಳಲ್ಲಿ ಮೊದಲನೆಯದು 2.0-ಲೀಟರ್ ಪೆಟ್ರೋಲ್ ಎಂಜಿನ್ ಆಗಿದ್ದು, ಇದು 296 ಬಿಹೆಚ್‌ಪಿ ಪವರ್ ಮತ್ತು 400 ಎನ್‌ಎಂ ಟಾರ್ಕ್ ಅನ್ನು ನೀಡುತ್ತದೆ. ಇನ್ನೊಂದು 3.0-ಲೀಟರ್ ಡೀಸೆಲ್ ಎಂಜಿನ್ ಆಗಿದ್ದು, ಇದು 296 ಬಿಹೆಚ್‌ಪಿ ಪವರ್ ಮತ್ತು 650 ಎನ್ಎಂ ಟಾರ್ಕ್ ಅನ್ನು ಒದಗಿಸುತ್ತದೆ.

ಮೂರನೇ ಎಂಜಿನ್ ಆಯ್ಕೆಯು 3.0-ಲೀಟರ್ ಪೆಟ್ರೋಲ್ ಎಂಜಿನ್ ಆಗಿದ್ದು, ಇದು 394 ಬಿಹೆಚ್‌ಪಿ ಪವರ್ ಮತ್ತು 550 ಎನ್ಎಂ ಟಾರ್ಕ್ ಅನ್ನು ಒದಗಿಸುತ್ತದೆ. ಲ್ಯಾಂಡ್ ರೋವರ್ ಡಿಫೆಂಡರ್ 90 ತನ್ನ 5-ಡೋರ್ ಅವಳಿಗಳಾದ ಲ್ಯಾಂಡ್ ರೋವರ್ ಡಿಫೆಂಡರ್ 110 ನಂತೆ ಕಾಣುತ್ತದೆ. ಆದಾಗ್ಯೂ, ಇದು ಕೆಲವು ಸಣ್ಣ ವ್ಹೀಲ್ ಬೇಸ್‌ಗಳನ್ನು ಮತ್ತು ಕನಿಷ್ಠ ಓವರ್ ಹ್ಯಾಂಗ್‌ಗಳನ್ನು ಹೊಂದಿದೆ.

ಈ ಎಸ್‌ಯುವಿಯಲ್ಲಿ ಐದು ಜನರು ಆರಾಮವಾಗಿ ಕುಳಿತುಕೊಳ್ಳಬಹುದು. ಈ ಎಸ್‌ಯುವಿಯನ್ನು ಆರು ಸೀಟುಗಳಾಗಿ ಪರಿವರ್ತಿಸಬಹುದು. ಲ್ಯಾಂಡ್ ರೋವರ್ ಕಂಪನಿಯು ಈ ಎಸ್‌ಯುವಿಯಲ್ಲಿ 10 ಇಂಚಿನ ಪಿವಿ ಪ್ರೊ ಇನ್ಫೋಟೇನ್‌ಮೆಂಟ್ ಸಿಸ್ಟಂ ಅನ್ನು ಓವರ್ ದಿ ಏರ್ ಅಪ್ ಡೇಟ್'ಗಳ ಮೂಲಕ ನೀಡಿದೆ.

ಈ ಎಸ್‌ಯುವಿಯಲ್ಲಿ ಪೂರ್ಣ ಪ್ರಮಾಣದ ಡಿಜಿಟಲ್ ಇನ್ಸ್'ಟ್ರೂಮೆಂಟ್ ಕನ್ಸೋಲ್ ಅನ್ನು ಸಹ ನೀಡಲಾಗಿದೆ. ಈ ಇನ್ಸ್'ಟ್ರೂಮೆಂಟ್ ಕನ್ಸೋಲ್‌ನಲ್ಲಿ ಫುಲ್ ಸ್ಕ್ರೀನ್ ಮ್ಯಾಪ್, ಫೋನ್ ಹಾಗೂ ಮೀಡಿಯಾ ಫಂಕ್ಷನ್'ಗಳನ್ನು ಕಸ್ಟಮೈಸ್ ಮಾಡಬಹುದು. ಡಿಫೆಂಡರ್ 90 ಎಸ್‌ಯುವಿಯಲ್ಲಿ ಪರ್ಮನೆಂಟ್ ಆಲ್ ವ್ಹೀಲ್ ಡ್ರೈವ್ ಸಿಸ್ಟಂ, ಟೆರೈನ್ ರೆಸ್ಪಾನ್ಸ್ 2 ಸಿಸ್ಟಂಗಳನ್ನು ನೀಡಲಾಗಿದೆ. ಈ ಎಸ್‌ಯುವಿಯು ಹೊಸ ಡಬ್ಲ್ಯುಎಡಿ ಪ್ರೋಗ್ರಾಂ ಅನ್ನು ಸಹ ಹೊಂದಿದೆ.