ರೂ.5.4 ಕೋಟಿ ಮೌಲ್ಯದ ಹೊಸ ಫೆರಾರಿ ಕಾರಿನಲ್ಲಿ ಕಾಣಿಸಿಕೊಂಡ ನಟ ದುಲ್ಕರ್ ಸಲ್ಮಾನ್

ಸಿನಿಮಾ ಸೆಲೆಬ್ರಿಟಿಗಳಿಗೆ ಹೆಚ್ಚು ಕಾರುಗಳ ಮೇಲೆ ಕ್ರೇಜ್ ಇರುತ್ತದೆ. ಸೂಪರ್ ಸ್ಟಾರ್ ಮಮ್ಮುಟ್ಟಿ ಮತ್ತು ಮಗ ದುಲ್ಕರ್ ಸಲ್ಮಾನ್ (Dulquer Salmaan) ದೊಡ್ಡ ಕಾರು ಪ್ರೇಮಿಗಳಾಗಿದ್ದಾರೆ. ಅವರು ತಮ್ಮ ಗ್ಯಾರೇಜ್‌ನಲ್ಲಿ ಹೊಸ ಐಷಾರಾಮಿ ಮತ್ತು ವಿಂಟೇಜ್ ಕಾರುಗಳ ಸಂಗ್ರಹವನ್ನು ಹೊಂದಿದ್ದಾರೆ. ಇದೀಗ ಅವರ ಗ್ಯಾರೇಜ್‌ನಲ್ಲಿ ಹೊಸ ಐಷಾರಾಮಿ ಕಾರ್ ಸೇರ್ಪಡೆಯಾಗಿದೆ.

ಮೆಗಾಸ್ಟಾರ್ ಮಮ್ಮುಟ್ಟಿ ಮತ್ತು ಅವರ ಮಗ ದುಲ್ಕರ್ ಸಲ್ಮಾನ್ ಮಲಯಾಳಂ ಚಿತ್ರರಂಗದಲ್ಲಿ ಹೆಚ್ಚು ಕಾರ್ ಕ್ರೇಜ್ ಹೊಂದಿರುವ ನಟರಾಗಿದ್ದಾರೆ. ಇತ್ತೀಚೆಗೆ, ದುಲ್ಕರ್ ಬಿಬಿಸಿಯ ಟಾಪ್ ಗೇರ್ ಮ್ಯಾಗಜೀನ್‌ನ ಕವರ್ ಪೇಜ್‌ನಲ್ಲಿ ಕಾಣಿಸಿಕೊಂಡ ಮೊದಲ ದಕ್ಷಿಣ ಭಾರತದ ನಟ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ನಟ ದುಲ್ಕರ್ ಸಲ್ಮಾನ್ ಅವರು ದುಬಾರಿ ಬೆಲೆಯ ಐಷಾರಾಮಿ ಫೆರಾರಿ 296 GTB (Ferrari 296 GTB) ಕಾರನ್ನು ಖರೀದಿಸಿದ್ದಾರೆ.

ದುಲ್ಕರ್ ಸಲ್ಮಾನ್ ಅವರು ಖರೀದಿಸಿದ ಐಷಾರಾಮಿ ಫೆರಾರಿ 296 GTB ಕಾರು ಕೆಂಪು ಬಣ್ಣದಲ್ಲಿದೆ. ಇತ್ತೀಚೆಗೆ ಇವರ ಹೊಸ ಫೆರಾರಿ ಸೂಪರ್ ಕಾರು ಚೆನ್ನೈನ ರಸ್ತೆಯಲ್ಲಿ ಕಾಣಿಸಿಕೊಂಡಿದೆ. ಗ್ಯಾರೇಜ್ ನಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿನ ಎಲ್ಲಾ ಅತ್ಯುತ್ತಮ ಕಾರುಗಳನ್ನು ಒಟ್ಟಿಗೆ ನೋಡಬಹುದಾಗಿದೆ. ಕಳೆದ ವಾರವಷ್ಟೇ ಐಷಾರಾಮಿ ಬಿಎಂಡಬ್ಲ್ಯು ಕಾರನ್ನು ಖರೀದಿಸಿದ್ದಾರೆ. ನಟ ದುಲ್ಕರ್ ಸಲ್ಮಾನ್ ಈ ಬಾರಿ ಖರೀದಿಸಿದ ಕಾರು ಇಟಾಲಿಯನ್ ಸೂಪರ್ ಕಾರ್ ತಯಾರಕ ಫೆರಾರಿಯಿಂದ 296 GTB ಆಗಿದೆ.

ಇದು ದುಬಾರಿ ಸೂಪರ್ ಕಾರಿಗಳಲ್ಲಿ ಒಂದಾಗಿದೆ. ಈ ಹೊಸ ಫೆರಾರಿ 296 GTB ಕಾರಿನ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ಸುಮಾರು 5.40 ಕೋಟಿಯಾಗಿದೆ. ಈ ಐಷಾರಾಮಿ ಫೆರಾರಿ 296 GTB ಕಾರಿನ ಬಗ್ಗೆ ಹೇಳುವುದಾದರೆ, ಆರು-ಸಿಲಿಂಡರ್-ಎಂಜಿನ್‌ನ ಫೆರಾರಿ 296 GTB ಮಾದರಿಯು ಮಧ್ಯ-ಹಿಂಭಾಗದ ಎಂಜಿನ್‌ನ ಎರಡು-ಆಸನಗಳ ಬರ್ಲಿನೆಟ್ಟಾದ ಇತ್ತೀಚಿನ ವಿಕಾಸವಾಗಿದೆ. ಆರು ಸಿಲಿಂಡರ್‌ಗಳನ್ನು ಹೊಂದಿರುವ ಬ್ರ್ಯಾಂಡ್‌ನ ಮೊದಲ ಕಾರು ಕೂಡ ಇದಾಗಿದೆ.

F8 ಟ್ರಿಬ್ಯೂಟೊವನ್ನು ಬದಲಿಸುವ ಪ್ಲಗ್-ಇನ್ ಹೈಬ್ರಿಡ್ ಸ್ಪೋರ್ಟ್ಸ್ ಕಾರ್ ಮಧ್ಯ-ಎಂಜಿನ್, ಹಿಂಬದಿ-ವೀಲ್ ಡ್ರೈವ್ ವಿನ್ಯಾಸದೊಂದಿಗೆ ಹೊಸ ಹೈಬ್ರಿಡ್-ಎಲೆಕ್ಟ್ರಿಕ್ ಪವರ್‌ಟ್ರೇನ್ ಅನ್ನು ಸಹ ಒಳಗೊಂಡಿದೆ. 296 GTB ಮಾನಿಕರ್‌ನಲ್ಲಿ 296 ಎಂದರೆ 2,992 cc, ಆರು ಸಿಲಿಂಡರ್ ಎಂಜಿನ್ ಎಂದು ಅರ್ಥ. ಇನ್ನು 296 GTB 1950ರ ದಶಕದ ಮಧ್ಯಭಾಗದ ಗ್ರ್ಯಾನ್ ಟುರಿಸ್ಮೊ ಬರ್ಲಿನೆಟ್ಟಾ ಫೆರಾರಿ ಸ್ಪೋರ್ಟ್ಸ್ ಕಾರುಗಳ ಇತ್ತೀಚಿನ ಪ್ರತಿನಿಧಿಯಾಗಿದೆ.

ಹೊಸದಾಗಿ ಪರಿಚಯಿಸಲಾದ 296 GTB ಹೈಪರ್ ಕಾರಿನ ಹೃದಯಭಾಗದಲ್ಲಿ 3.0 ಲೀಟರ್ V6 ಎಂಜಿನ್ 645 bhp ಪವರ್ ಉತ್ಪಾದಿಸುತ್ತದೆ. ಈ ಫೆರಾರಿ ಸೂಪರ್ ಕಾರು ಹೆಚ್ಚುವರಿಯಾಗಿ 164 bhp ಎಲೆಕ್ಟ್ರಿಕ್ ಮೋಟಾರ್ ಅನ್ನು ಪಡೆದಿರುವುದರಿಂದ ಫೆರಾರಿ 296 GTB ಗರಿಷ್ಠ 809 bhp ಪವರ್ ಮತ್ತು 740 Nm ಗರಿಷ್ಟ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಕಂಪನಿಯ ಪ್ರಕಾರ, ಹೈಬ್ರಿಡ್ ಸ್ಪೋರ್ಟ್ಸ್ ಕಾರು ಕೇವಲ 2.9 ಸೆಕೆಂಡುಗಳಲ್ಲಿ 0-100 ಕಿ.ಮೀ ವೇಗವನ್ನು ತಲುಪುತ್ತದೆ. ಅದೇ ಸಮಯದಲ್ಲಿ, ಹೈಪರ್ ಕಾರಿನ ಗರಿಷ್ಠ ವೇಗ ಗಂಟೆಗೆ 339 ಕಿ.ಮೀ ಎಂದು ಫೆರಾರಿ ತಿಳಿಸಿದೆ. ಎಂಜಿನ್ ಅನ್ನು 8-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ. 7.42kWh ಬ್ಯಾಟರಿ ಮಾದರಿಯು 42km ವ್ಯಾಪ್ತಿಯವರೆಗೆ ಮತ್ತು 135kmph ಗರಿಷ್ಠ ವೇಗದಲ್ಲಿ ಮಾತ್ರ ಕಾರ್ಯನಿರ್ವಹಿಸಲು ಅನುಮತಿಸುತ್ತದೆ.

296GTB ಇತರ ಫೆರಾರಿಗಳಲ್ಲಿ ಕಂಡುಬರುವಂತೆ ನಾಲ್ಕು ಡ್ರೈವಿಂಗ್ ಮೋಡ್‌ಗಳನ್ನು ಪಡೆಯುತ್ತದೆ, ಇವುಗಳಲ್ಲಿ ಇ-ಡ್ರೈವ್, ಹೈಬ್ರಿಡ್, ಪರ್ಫಾಮೆನ್ಸ್ ಮತ್ತು ಎಲಿಜಿಬಿಲಿಟಿ ಸೇರಿವೆ. ಪ್ರತಿಯೊಂದೂ ವಿಭಿನ್ನ ಶಕ್ತಿ ಅಂಕಿಅಂಶಗಳು ಮತ್ತು ರೀಜನರೇಟಿವ ಬ್ರೇಕಿಂಗ್ ಅನ್ನು ನೀಡುತ್ತವೆ. ಫೆರಾರಿ ಕಂಪನಿಯು 1960 ಮತ್ತು 1970 ರ ದಶಕಗಳಲ್ಲಿ ಎಂಟ್ರಿ ಲೆವೆಲ್ ಸ್ಪೋರ್ಟ್ಸ್ ಕಾರುಗಳಲ್ಲಿ ವಿ6 ಎಂಜಿನ್ ಅನ್ನು ಬಳಿಸಿದ್ದರು. ಈ ಕಾರುಗಳನ್ನು ಡಿನೋ ಬ್ರ್ಯಾಂಡ್ ಅಡಿಯಲ್ಲಿ ಮಾರಾಟ ಮಾಡಲಾಯಿತು.

ಮೊದಲ ಬಾರಿಗೆ ಮಿಡ್-ಎಂಜಿನ್ ಸ್ಪೋರ್ಟ್ಸ್‌ಕಾರ್‌ನಲ್ಲಿ, ಫೆರಾರಿ ಸಕ್ರಿಯ ಸ್ಪಾಯ್ಲರ್ ಅನ್ನು ಸಹ ಬಳಸಿದೆ. ಇದು ಪಿಕಪ್ ಪಡೆಯಲು ಸಹಾಯ ಮಾಡುತ್ತದೆ. ಹಿಂಭಾಗದ ಬಂಪರ್‌ನೊಂದಿಗೆ ಸಂಯೋಜಿಸಿದರೆ, ಹಾರ್ಡ್‌ಕೋರ್, ಟ್ರ್ಯಾಕ್-ಓರಿಯೆಂಟೆಡ್ ಅಸೆಟೊ ಫಿಯೊರಾನೊ ಪ್ಯಾಕ್ ಮತ್ತು ಹಿಂಭಾಗದ ಸ್ಪಾಯ್ಲರ್‌ನೊಂದಿಗೆ ಗಂಟೆಗೆ 250 ಕಿ.ಮೀ ವೇಗದಲ್ಲಿ 360 ಕೆ.ಜಿ ಡೌನ್‌ಫೋರ್ಸ್ ಉತ್ಪಾದಿಸುತ್ತದೆ. ಕಂಪನಿಯು 1963 ರ ಫೆರಾರಿ 250 LM ಮಾದರಿಯಿಂದ ಪ್ರೇರಿತವಾದ 296 GTB ಹೈಪರ್‌ಕಾರ್ ಅನ್ನು ಹಿಂಭಾಗದ ಬಂಪರ್‌ನೊಂದಿಗೆ ವಿನ್ಯಾಸಗೊಳಿಸಿದೆ.