Just In
- 1 hr ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 1 hr ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 3 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 3 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- News Siddaramaiah: ಹುಬ್ಬಳ್ಳಿಯ ನೇಹಾ ಹಿರೇಮಠ ನಿವಾಸಕ್ಕೆ ಸಿಎಂ ಭೇಟಿ: ಸಿದ್ದರಾಮಯ್ಯ ಕೊಟ್ಟ ಭರವಸೆ ಏನು?
- Movies ''ಹೆಣ್ಮಕ್ಕಳು ಎಲ್ಲೆಲ್ಲೋ ಹೋದರು'' ಎಂದ ಶ್ರುತಿಗೆ ಮಹಿಳಾ ಆಯೋಗ ನೋಟಿಸ್ ; 07 ದಿನದ ಗಡುವು..!
- Lifestyle ದೇಹದಲ್ಲಿ ಈ ಬದಲಾವಣೆ ಆದರೆ ನಿಮ್ಮಲ್ಲಿ ವಿಟಮಿನ್ ಬಿ12 ಕೊರತೆಯಾಗಿದೆ ಎಂದರ್ಥ
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಸ್ಟಮ್ ಜಾವಾ 42 ಬೈಕ್ ಖರೀದಿಸಿದ ಬಾಲಿವುಡ್ ನಟಿ ಗುಲ್ ಪನಾಗ್
ಗುಲ್ ಪನಾಗ್ ಬಾಲಿವುಡ್ನ ಪ್ರತಿಭಾವಂತ ನಟಿಯರಲ್ಲಿ ಒಬ್ಬರು. ಅವರು ಜನಪ್ರಿಯ ಮಾಡೆಲ್ ಸಹ ಹೌದು. ಇದರ ಜೊತೆಗೆ ಅವರು ವೃತ್ತಿಪರ ವಿಮಾನಯಾನ ಪೈಲಟ್, ಮ್ಯಾರಥಾನ್ ಪಟು ಹಾಗೂ ಪ್ರಾಣಿ ಪ್ರೇಮಿ ಸಹ ಹೌದು. ಇವೆಲ್ಲವುಗಳ ಹೊರತಾಗಿ ಗುಲ್ ಪನಾಗ್ ಆಟೋ ಉತ್ಸಾಹಿಯಾಗಿದ್ದು, ಬೈಕ್ ಸವಾರಿಯನ್ನು ಇಷ್ಟಪಡುತ್ತಾರೆ.
ಇತ್ತೀಚಿನ ಮಾಹಿತಿಗಳ ಪ್ರಕಾರ, ನಟಿ ಗುಲ್ ಪನಾಗ್ ತಮ್ಮ ಗ್ಯಾರೇಜ್ಗೆ ಹೊಸ ಜಾವಾ (Jawa) 42 ರೆಟ್ರೋ ಬೈಕ್ ಅನ್ನು ಸೇರಿಸಿದ್ದಾರೆ. ಅವರು ಲುಮೋಸ್ ಲೈಮ್ ಬಣ್ಣದಲ್ಲಿರುವ ಕಸ್ಟಮ್ ಜಾವಾ 42 ಬೈಕ್ ಅನ್ನು ಖರೀದಿಸಿದ್ದಾರೆ. ಅವರು ಈ ಹೊಸ ಜಾವಾ 42 ಬೈಕಿನೊಂದಿಗಿರುವ ಚಿತ್ರಗಳು ಅವರ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಕಾಣಿಸಿಕೊಂಡಿವೆ.
ಈ ಪೋಸ್ಟ್ನಲ್ಲಿ ಗುಲ್ ಪನಾಗ್ ರವರು ಈ ಬೈಕ್ ಜಾವಾ 42 ಅಥವಾ ಜಾವಾ ಪೆರಾಕ್ (Perak) ಎಂಬ ಬಗ್ಗೆ ಗೊಂದಲಕ್ಕೊಳಗಾಗಿದ್ದಾರೆ ಎಂದು ಹೇಳಲಾಗಿದೆ. ಭಾರತದ ರಾಷ್ಟ್ರ ಧ್ವಜದ ಬಣ್ಣದಲ್ಲಿರುವ ವರ್ಣರಂಜಿತ ಪಟ್ಟೆಗಳನ್ನು ಈ ಜಾವಾ 42 ಬೈಕಿನಲ್ಲಿರುವ ಲೋಗೋ ಸುತ್ತ, ಫ್ಯೂಯಲ್ ಟ್ಯಾಂಕ್ ಸುತ್ತಲೂ ಹಾಗೂ ಸೈಡ್ ಪ್ಯಾನಲ್ಗಳ ಮೇಲೆ ಕಾಣಬಹುದು.
ಈ ಬೈಕಿನ ಫ್ಯೂಯಲ್ ಟ್ಯಾಂಕ್ ಮೇಲೆ ಗುಲ್ ಪನಾಗ್ ರವರ ಹೆಸರು ಹಾಗೂ ಹುಟ್ಟಿದ ವರ್ಷವನ್ನು ನಮೂದಿಸಲಾಗಿದೆ. ಗುಲ್ ಪನಾಗ್ ತಮ್ಮ ಹೊಸ ಜಾವಾ 42 ಬೈಕಿನಲ್ಲಿ ಕೆಲವು ಅಧಿಕೃತ ಜಾವಾ ಪರಿಕರಗಳನ್ನು ಬಳಸಿರುವುದನ್ನು ಕಾಣಬಹುದು. ಮ್ಯಾಟ್ ಬ್ಲಾಕ್ ಕ್ರ್ಯಾಶ್ ಗಾರ್ಡ್, ಶಾರ್ಟ್ ಫ್ಲೈ ಸ್ಕ್ರೀನ್, ಹೆಡ್ ಲೈಟ್ ಗ್ರಿಲ್ ಹಾಗೂ ಹ್ಯಾಮರ್ ಹೆಡ್ ಸ್ಪಾಯ್ಲರ್ ಗಳನ್ನು ಈ ಬೈಕಿನಲ್ಲಿ ಕಾಣಬಹುದು.
ಜಾವಾ 42 ಬೈಕಿನಲ್ಲಿ 293 ಸಿಸಿಯ ಫ್ಯೂಯಲ್ ಇಂಜೆಕ್ಟೆಡ್, ಸಿಂಗಲ್ ಸಿಲಿಂಡರ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ ಲಿಕ್ವಿಡ್ ಕೂಲಿಂಗ್ ಸಿಸ್ಟಂ ಹೊಂದಿದೆ. ಈ ಎಂಜಿನ್ ಗರಿಷ್ಠ 27.3 ಬಿಹೆಚ್ಪಿ ಪವರ್ ಹಾಗೂ 27.05 ಎನ್ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ನೊಂದಿಗೆ 6 ಸ್ಪೀಡ್ ಗೇರ್ ಬಾಕ್ಸ್ ಅನ್ನು ಜೋಡಿಸಲಾಗಿದೆ.
ಜಾವಾ ಮೋಟಾರ್ಸೈಕಲ್ಸ್ ಕಂಪನಿಯು 2021ರ ಹೊಸ ಜಾವಾ 42 ಬೈಕ್ ಅನ್ನು ಈ ವರ್ಷದ ಫೆಬ್ರವರಿ ತಿಂಗಳಲ್ಲಿ ಬಿಡುಗಡೆಗೊಳಿಸಿದೆ. ಈ ಬೈಕಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ. 1.69 ಲಕ್ಷಗಳಿಂದ ರೂ. 1.83 ಲಕ್ಷಗಳಾಗಿದೆ. ಈ ಇನ್ಸ್ಟಾಗ್ರಾಮ್ ಪೋಸ್ಟ್ ಪ್ರಕಾರ ಗುಲ್ ಪನಾಗ್ ಜಾವಾ ಪೆರಾಕ್ ಬೈಕ್ ಅನ್ನು ಖರೀದಿಸಲು ಬಯಸಿದ್ದರು.
ಜಾವಾ ಪೆರಾಕ್ ಜಾವಾ ಮೋಟಾರ್ಸೈಕಲ್ಸ್ ಕಂಪನಿಯ ಪ್ರಮುಖ ಬೈಕ್ ಆಗಿದೆ. ಈ ಬೈಕ್ ಭಾರತದಲ್ಲಿ ಮಾರಾಟವಾಗುವ ಒಳ್ಳೆಯ ಬಾಬರ್ ಶೈಲಿಯ ಬೈಕ್ ಆಗಿದೆ. ಈ ಬೈಕ್ ಆಕರ್ಷಕವಾಗಿ ವಿನ್ಯಾಸಗೊಳಿಸಲಾದ ಸಿಂಗಲ್ ಸೀಟರ್ ಬೈಕ್ ಆಗಿದೆ. ಪೆರಾಕ್ ಬೈಕಿನಲ್ಲಿ 334 ಸಿಸಿ, ಲಿಕ್ವಿಡ್ ಕೂಲ್ಡ್, ಸಿಂಗಲ್ ಸಿಲಿಂಡರ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ ಲಿಕ್ವಿಡ್ ಕೂಲ್ಡ್ ಕೂಡ ಆಗಿದೆ.
ಜಾವಾ ಪೆರಾಕ್ ಬೈಕಿನಲ್ಲಿರುವ 334 ಸಿಸಿ ಎಂಜಿನ್ 30.64 ಬಿಹೆಚ್ಪಿ ಪವರ್ ಹಾಗೂ 32.74 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್ನೊಂದಿಗೆ 6 ಸ್ಪೀಡ್ ಗೇರ್ಬಾಕ್ಸ್ ಅನ್ನು ಜೋಡಿಸಲಾಗಿದೆ. ಈ ಬೈಕಿನ ಬೆಲೆ ಭಾರತದ ಎಕ್ಸ್ ಶೋರೂಂ ದರದಂತೆ ರೂ. 2.06 ಲಕ್ಷಗಳಾಗಿದೆ. ನಟಿ ಗುಲ್ ಪನಾಗ್ ರವರ ಬಳಿ ಹೊಸ ಜಾವಾ 42 ಬೈಕಿನ ಹೊರತಾಗಿ ಇನ್ನೂ ಹಲವು ಬೈಕ್ ಗಳಿವೆ.
ಈ ಬೈಕ್ಗಳಲ್ಲಿ Royal Enfield Bullet Electra, BMW F 650 Funduro ಹಾಗೂ Triumph Bonneville T 120 ಬೈಕ್ ಗಳು ಸಹ ಸೇರಿವೆ. ಪಂಜಾಬಿಮೂಲದ ನಟಿ ಗುಲ್ ಪನಾಗ್ ರವರು 2003 ರಲ್ಲಿ ತೆರೆ ಕಂಡ ಧೂಪ್ ಸಿನಿಮಾದ ಮೂಲಕ ಹಿಂದಿ ಚಿತ್ರರಂಗಕ್ಕೆ ಕಾಲಿಟ್ಟರು. ಅವರು ಕೆಲವು ಪಂಜಾಬಿ ಭಾಷೆಯ ಚಿತ್ರಗಳಲ್ಲೂ ನಟಿಸಿದ್ದಾರೆ.
ಗುಲ್ ಪನಾಗ್ ರವರು 2014 ರಲ್ಲಿ ಆಮ್ ಆದ್ಮಿ ಪಕ್ಷ ಅಭ್ಯರ್ಥಿಯಾಗಿ ಚಂಡೀಗಢ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದರು. ಗುಲ್ ಪನಾಗ್ ರವರ ತಂದೆ ಭಾರತೀಯ ಸೇನೆಯಲ್ಲಿ ಲೆಫ್ಟಿನೆಂಟ್ ಜನರಲ್ ಆಗಿದ್ದ ಕಾರಣ ಗುಲ್ ಪನಾಗ್ ರವರು ತಮ್ಮ ಶಾಲಾ ಶಿಕ್ಷಣವನ್ನು ತಮಿಳು ನಾಡಿನ ಶಾಲೆಗಳು ಸೇರಿದಂತೆ ಒಟ್ಟು 14 ವಿವಿಧ ಶಾಲೆಗಳಲ್ಲಿ ಪೂರೈಸಿದರು.
ಗುಲ್ ಪನಾಗ್ 1999 ರಲ್ಲಿ ಮಿಸ್ ಇಂಡಿಯಾ ಪ್ರಶಸ್ತಿಯನ್ನು ಗೆದ್ದಿದ್ದರು. ಜೊತೆಗೆ ಅದೇ ಸ್ಪರ್ಧೆಯಲ್ಲಿ ಮಿಸ್ ಬ್ಯೂಟಿಫುಲ್ ಸ್ಮೈಲ್ ಪ್ರಶಸ್ತಿಯನ್ನು ಪಡೆದಿದ್ದರು. ನಂತರ ಅವರು 1999ರ ಮಿಸ್ ಯೂನಿವರ್ಸ್ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಗುಲ್ ಪನಾಗ್ ರವರು ಕಿರುತೆರೆಯಲ್ಲಿ ಹಲವಾರು ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ನಟಿ ಗುಲ್ ಪನಾಗ್ ರವರಂತೆ ಹಲವು ಬಾಲಿವುಡ್ ನಟ ನಟಿಯರು ಬೈಕ್ ಗಳ ಬಗ್ಗೆ ಕ್ರೇಜ್ ಹೊಂದಿದ್ದಾರೆ. ಬಾಲಿವುಡ್ ನಟ ಜಾನ್ ಅಬ್ರಹಾಂ ಸಹ ಬೈಕ್ ಗಳ ಬಗ್ಗೆ ಕ್ರೇಜ್ ಹೊಂದಿದ್ದಾರೆ.