ಥಾರ್‌ನಲ್ಲಿ ಆಫ್-ರೋಡ್ ಡ್ರೈವ್ ಮಾಡಿದ ಖ್ಯಾತ ನಟಿ: ಪರಿಸರ ನಾಶ ಎಂದ ನೆಟ್ಟಿಗರು!

ಬಾಲಿವುಡ್ ಒಂದು ಕಾಲದಲ್ಲಿ ಭಾರತೀಯ ಚಿತ್ರರಂಗದ ಮುಖವಾಗಿತ್ತು. ಹೀಗಾಗಿ ಭಾರತದ ಎಲ್ಲಾ ಕಡೆಗಳಲ್ಲೂ ಬಾಲಿವುಡ್‌ ಸ್ಟಾರ್ ಗಳಿಗೆ ಅಭಿಮಾನಿಗಳಿದ್ದಾರೆ. ಹಿಂದಿ ಚಿತ್ರಗಳಿಗೆ ಹಿಂದಿನ ಕಾಲದ ವೈಭವ ಇಲ್ಲದಿದ್ದರೂ ಇಂದಿಗೂ ಬಾಲಿವುಡ್‌ ದೊಡ್ಡ ಚಿತ್ರರಂಗ. ನಟರ ಹೊರತಾಗಿ ಬಾಲಿವುಡ್‌ನ ಸುಂದರ ನಾಯಕಿಯರೂ ಇಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಅವರಲ್ಲಿ ನುಶ್ರತ್ ಭರುಚ್ಚಾ ಕೂಡ ಒಬ್ಬರು. ಬಾಲಿವುಡ್ ನಟಿ ನುಸ್ರತ್ ಭರುಚ್ಚಾ (Nushrat Bharucha) ಅವರು ಕಾರುಗಳ ಬಗ್ಗೆ ಹೆಚ್ಚು ಕ್ರೇಜ್ ಅನ್ನು ಹೊಂದಿದ್ದಾರೆ. ಇವರು ಮಹೀಂದ್ರಾ ಥಾರ್ ಎಸ್‍ಯುವಿಯನ್ನು ಡ್ರೈವ್ ಮಾಡುವ ವೀಡಿಯೋ ವೈರಲ್ ಆಗಿದೆ.

ಇತರ ನಾಯಕಿಯರಂತೆ ಐಷಾರಾಮಿ ಕಾರುಗಳಲ್ಲಿ ಪ್ರಯಾಣಿಸುವುದು ಅಲ್ಲ ಇವರಿಗೆ ಡ್ರೈವಿಂಗ್ ತುಂಬಾ ಇಷ್ಟ. ಬಿ-ಟೌನ್ನ ಈ ನಟಿಗೆ ತಾನೇ ಡ್ರೈವಿಂಗ್ ಮಾಡೋ ಆಸೆ. ಈಗ ಸೋಷಿಯಲ್ ಮೀಡಿಯಾಗಳಲ್ಲಿ ನಟಿ ನುಶ್ರತ್ ಭರುಚ್ಚಾ ಅವರ ಮಹೀಂದ್ರಾ ಥಾರ್ (Mahindra Thar) ಆಫ್-ರೋಡರ್ ಎಸ್‌ಯುವಿಯಲ್ಲಿ ಆಫ್-ರೋಡ್ ಡ್ರೈವಿಂಗ್ ಅಭ್ಯಾಸ ಮಾಡುತ್ತಿರುವ ವೀಡಿಯೊ ವೈರಲ್ ಆಗಿದೆ. ಥಾರ್ ಆಫ್ ರೋಡಿಂಗ್ ವಿಡಿಯೋವನ್ನು ಸ್ವತಃ ಹಿಂದಿ ಸುಂದರಿ ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ.

ಈ ವೀಡಿಯೊದಲ್ಲಿ, ನುಶ್ರತ್ ಡೋನಟ್ ಮಾಡುವುದು ಹೇಗೆ ಎಂಬುದರ ಕುರಿತು ಅನುಭವಿ ಚಾಲಕ ನೀಡಿದ ಸೂಚನೆಗಳನ್ನು ಅನುಸರಿಸುತ್ತಾರೆ. ಸೂಚನೆಗಳನ್ನು ಎಚ್ಚರಿಕೆಯಿಂದ ಆಲಿಸುತ್ತಾರೆ ಮತ್ತು ಅವುಗಳನ್ನು ಅನುಸರಿಸುತ್ತಾರೆ. ಈ ನಟಿ ಯಾವುದೇ ಸಮಸ್ಯೆಯಿಲ್ಲದೆ ಅನಾಯಾಸವಾಗಿ ದೊಡ್ಡ ಆಫ್-ರೋಡ್ ಮಾರ್ಗವನ್ನು ಸುಲಭವಾಗಿ ದಾಟುವುದನ್ನು ವೀಡಿಯೊದಲ್ಲಿ ಕಾಣಬಹುದು.

ಅಂತಹ ರೋಮಾಂಚನಕಾರಿ ಮತ್ತು ಸಾಹಸಮಯ ಆಫ್ ರೋಡಿಂಗ್‌ನಲ್ಲಿಯೂ ನುಶ್ರತ್ ಹೆಚ್ಚಿನ ಆತ್ಮವಿಶ್ವಾಸದಿಂದ ಚಾಲನೆ ಮಾಡುತ್ತಾರೆ. ವೀಡಿಯೊದೊಂದಿಗೆ ಹಂಚಿಕೊಂಡ ಶೀರ್ಷಿಕೆಯಲ್ಲಿ ನಾಯಕಿ ಈ ಆಫ್-ರೋಡ್ ಟ್ರ್ಯಾಕ್ ಬಗ್ಗೆ ವಿವರಿಸಿದ್ದಾರೆ. 65 ಎಕರೆ ವಿಸ್ತೀರ್ಣದ ಖಾಸಗಿ ಆಫ್ ರೋಡ್ ತರಬೇತಿ ಕೇಂದ್ರದಲ್ಲಿ ಈ ವ್ಯಾಯಾಮವನ್ನು ನಡೆಸಲಾಗಿದ್ದು, ಸಾರ್ವಜನಿಕವಾಗಿ ಇಂತಹ ಚಟುವಟಿಕೆಗಳನ್ನು ಮಾಡದಂತೆ ನಟ ಕಾನೂನು ಎಚ್ಚರಿಕೆ ನೀಡಿದ್ದಾರೆ.

ಆದರೆ ಇದನ್ನು ಓದದೆ ಈ ವಿಡಿಯೋಗೆ ನಟಿ ಪ್ರಕೃತಿಯನ್ನು ನಾಶ ಮಾಡಿದ್ದಾರೆ ಎಂದು ಆರೋಪಿಸಿ ಹಲವು ನೆಗೆಟಿವ್ ಕಮೆಂಟ್ ಗಳು ಬರುತ್ತಿವೆ. ಆಫ್ ರೋಡಿಂಗ್ ಗಾಗಿ ಮಾಡಿರುವ ಟ್ರ್ಯಾಕ್ ಎಂಬ ಶೀರ್ಷಿಕೆಯನ್ನು ಓದದೇ ಟೀಕೆ ಮಾಡಲು ಬಂದವರೇ ಹೆಚ್ಚು. ಆಫ್-ರೋಡ್ ಉತ್ಸಾಹಿಗಳಿಗೆ ಮಳೆಗಾಲವು ಯಾವಾಗಲೂ ಒಂದು ರಸದೌತಣವಾಗಿದೆ. ಸಾಹಸ ಪ್ರಯಾಣಕ್ಕೆ ಮಾನ್ಸೂನ್ ಅತ್ಯುತ್ತಮ ಕಾಲವಾಗಿದೆ.

ಆಫ್-ರೋಡ್ ಉತ್ಸಾಹಿಗಳಲ್ಲಿ ಮಹೀಂದ್ರಾ ಥಾರ್ ಅತ್ಯಂತ ಜನಪ್ರಿಯ ವಾಹನವಾಗಿದೆ. ವಿಭಾಗದಲ್ಲಿ ಮಾರುತಿ ಜಿಮ್ನಿ ಮತ್ತು ಫೋರ್ಸ್ ಗೂರ್ಖಾದಂತಹ ದೈತ್ಯರ ಉಪಸ್ಥಿತಿಯ ಹೊರತಾಗಿಯೂ, ಈ ಮಾದರಿಗಳು ಥಾರ್‌ಗೆ ಇನ್ನೂ ಸವಾಲು ಹಾಕಿಲ್ಲ. ಈ ಮಹೀಂದ್ರಾ ಥಾರ್ ದೊಡ್ಡ ಪ್ಲಸ್ ಪಾಯಿಂಟ್ ಅದರ ರಗಡ್ ವಿನ್ಯಾಸವಾಗಿದೆ. ಈ ಮಹೀಂದ್ರಾ ಥಾರ್ ಎಸ್‍ಯುವಿಯ ಬಗ್ಗೆ ಹೇಳುವುದಾದರೆ, ಇದು ಹಲವು ಎಂಜಿನ್ ಆಯ್ಕೆಗಳೊಂದಿಗೆ ಲಭ್ಯವಿದೆ.

ಇದರಲ್ಲಿ ಮೊದಲಿಗೆ 2.0 ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಆಗಿದೆ. ಈ ಎಂಜಿನ್ 150 ಬಿಹೆಚ್‍ಪಿ ಪವರ್ ಮತ್ತು 320 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು 2.2 ಲೀಟರ್ ಟರ್ಬೊ-ಡೀಸೆಲ್ ಎಂಜಿನ್ 130 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎರಡು ಎಂಜಿನ್ ಗಳೊಂದಿಗೆ 6-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಮತ್ತು 6-ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಅನ್ನು ಜೋಡಿಸಲಾಗಿದೆ.

ಇದು ಗ್ಲೊಬಲ್ ಎನ್‌ಸಿಎಪಿ ಕ್ರ್ಯಾಶ್ ಟೆಸ್ಟಿಂಗ್‌ನಲ್ಲಿ 4 ಸ್ಟಾರ್ ಸೇಫ್ಚಿ ರೇಟಿಂಗ್ ಪಡೆದುಕೊಳ್ಳುವ ಮೂಲಕ ಸುರಕ್ಷಿತ ಕಾರು ಮಾದರಿಯಾಗಿ ಗುರುತಿಸಿಕೊಂಡ ನಂತರ ಈ ಥಾರ್ ಎಸ್‍ಯುವಿಗೆ ಮತ್ತಷ್ಟು ಬೇಡಿಕೆ ಪಡೆದುಕೊಂಡಿದೆ. ಇನ್ನು 2.2 ಲೀಟರ್ ಟರ್ಬೊ-ಡೀಸೆಲ್ ಎಂಜಿನ್ 130 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎರಡು ಎಂಜಿನ್ ಗಳೊಂದಿಗೆ 6-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಮತ್ತು 6-ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಅನ್ನು ಜೋಡಿಸಲಾಗಿದೆ.