ಭವಿಷ್ಯದ ಸಂಚಾರ ವ್ಯವಸ್ಥೆ; ಹಾರುವ ಸ್ವಯಂಚಾಲಿತ ಕಾರುಗಳು

ಹಾರುವ ಸ್ವಯಂಚಾಲಿತ ಕಾರುಗಳ ಯೋಜನೆಯನ್ನು ಗಂಭೀರವಾಗಿ ಪರಿಗಣಿಸಿರುವ ಫ್ರಾನ್ಸ್ ಮೂಲದ ಏರ್ ಬಸ್ ಸಂಸ್ಥೆಯು ಮುಂದಿನ ಸಾಲಿನಲ್ಲೇ ಮೊದಲ ಮಾದರಿಯನ್ನು ಬಿಡುಗಡೆ ಮಾಡುವ ಯೋಜನೆಯಿರಿಸಿಕೊಂಡಿದೆ.

ಹಾರುವ ಸ್ವಯಂಚಾಲಿತ ಕಾರುಗಳ ಫ್ಲ್ಯಾಟ್ ಫಾರ್ಮ್ ಗೆ 'ವಾಹನ' ಎಂಬ ಹೆಸರನ್ನಿಡಲಾಗಿದ್ದು, ಎ3 ತಂಡವು ಅಭಿವೃದ್ಧಿಪಡಿಸಲಿದೆ. ಇದು ವೈಯಕ್ತಿಕ ಹಾಗೂ ಸರಕುಗಳ ಸಾಗಣೆಯನ್ನು ಗುರಿಯಿರಿಸಿಕೊಂಡಿದೆ.

ನೂತನ ಸ್ವಯಂಚಾಲಿತ ಹಾರುವ ಕಾರುಗಳ ಅಭಿವೃದ್ಧಿಗೆ ಹೊಸ ತಂತ್ರಗಾರಿಕೆ, ಬ್ಯಾಟರಿ, ಮೋಟಾರು, ಪತ್ತೆ ಹಚ್ಚುವಿಕೆ ಹಾಗೂ ತಪ್ಪಿಸಿಕೊಳ್ಳುವ ವ್ಯವಸ್ಥೆಯ ಅಗತ್ಯವೂ ಇರುತ್ತದೆ.

ಆದರೆ ಇವೆಲ್ಲವೂ ನನಸಾಗಲು ನಿಯಮಗಳಲ್ಲೂ ಬದಲಾವಣೆಯಾಗಬೇಕಿದೆ. ಯಾಕೆಂದರೆ ವಿಶ್ವದ ಯಾವುದೇ ದೇಶದಲ್ಲಾಗಲಿ ಪೈಲಟ್ ಇಲ್ಲದೆ ವಿಮಾನ ಹಾರಾಟವನ್ನು ನಿಷೇಧಿಸಲಾಗಿದೆ.

ಅತ್ತ ಏರ್ ಬಸ್ ಹೆಲಿಕಾಪ್ಟರ್ಸ್ ಭಾಗವಾಗಿರುವ ಬ್ರೂನೊ ಟ್ರಾಬೆಲ್, ಸಿಂಗಾಪುರದ ನಾಗರಿಕ ವಿಮಾನಯಾನ ಪ್ರಾಧಿಕಾರದ ಜೊತೆ ಸೇರಿಕೊಂಡು ಅಲ್ಲಿನ ರಾಷ್ಟ್ರೀಯ ವಿಶ್ವವಿದ್ಯಾನಿಲಯದ ಕ್ಯಾಂಪಸ್ ನಲ್ಲಿ ಸರಕುಗಳ ಸಾಗಣೆಗಾಗಿ ಸ್ವಯಂಚಾಲಿತ ಡ್ರೋನ್ ವಿಮಾನಗಳ ಅಭಿವೃದ್ಧಿಯಲ್ಲಿ ತೊಡಗಿಸಿಕೊಂಡಿದೆ.

ಏನೇ ಆದರೂ ಸ್ವಯಂಚಾಲಿತ ಹಾರುವ ಕಾರುಗಳ ಅಭಿವೃದ್ಧಿಯು ಅಂತಿಮ ಗುರಿಯಾಗಿದೆ. ಈ ಮಹತ್ತರ ಕನಸು ಮುಂದಿನ 10 ವರ್ಷದೊಳಗೆ ನನಸಾಗುವ ನಂಬಿಕೆ ಸಂಸ್ಥೆಯದ್ದು.