ಜಗತ್ತಿನ ಅತಿ ದೊಡ್ಡ ಪ್ರಯಾಣಿಕ ಹಡಗು - 'ಅಲ್ಯೂರ್ ಆಫ್ ದಿ ಸೀಸ್'

ತನ್ನ ಸೋದರಿ, ಓಯಸೀಸ್ ಆಫ್ ದಿ ಸೀಸ್‌ ಹಡಗಿಗಿಂತಲೂ 5 ಸೆಂಟಿಮೀಟರ್‌ಗಳಷ್ಟು ಹೆಚ್ಚು ಉದ್ದವನ್ನು ಹೊಂದಿರುವ ಅಲ್ಯೂರ್ ಆಫ್ ದಿ ಸೀಸ್ ಹಡಗು, ಸಮಾನ ವೈಶಿಷ್ಟ್ಯಗಳೊಂದಿಗೆ ನಿರ್ಮಾಣ ಮಾಡಲಾಗಿದೆ.

ಜಗತ್ತಿನ ಅತ್ಯಂತ ದೊಡ್ಡ ಪ್ರಯಾಣಿಕ ಹಡಗು ಸಹ ಪ್ರೊಜೆಕ್ಟ್ ಜೆನಿಸಿಸ್ ಹೆಸರಲ್ಲೇ ವಿನ್ಯಾಸಗೊಳಿಸಲಾಗಿದ್ದು, 2009ನೇ ಇಸವಿಯಿಂದ ತೊಡಗಿ ಈಗಲೂ ಸೇವೆಯಲ್ಲಿದೆ.

6,390 ಪ್ರಯಾಣಿಕರನ್ನು ಹೊತ್ತೊಯ್ಯಲು ಸಾಮರ್ಥ್ಯವುಳ್ಳ ಉಲ್ಯೂರ್ ಆಫ್ ದಿ ಸೀಸ್ 2,25,282 ಟನ್ ಭಾರವನ್ನು ಹೊಂದಿದೆ. ಹಾಗೆಯೇ ಗರಿಷ್ಠ 41.9 ಕೀ.ಮೀ. (22.6 ನಾಟ್) ವೇಗದಲ್ಲಿ ಸಾಗುವ ಸಾಮರ್ಥ್ಯ ಹೊಂದಿದೆ.

ಇದರ ಆಂತರಿಕ ಭಾಗಗಳನ್ನು ಅತ್ಯಂತ ಗುಣಮಟ್ಟದ ಮರದ ಕೆತ್ತನೆಯಿಂದ ಆಲಂಕರಿಸಲಾಗಿದೆ. ಇಲ್ಲದೆ ಇದೇ ಮೊದಲ ಬಾರಿಗೆ ಸ್ಟಾರ್‌ಬಕ್ಸ್ ಈ ಹಡಗಿನಲ್ಲಿ ಆಳವಡಿಸಲಾಗಿದೆ.

ಅಲ್ಯೂರ್ ಆಫ್ ದಿ ಸೀಸ್ ಸಾಧನೆಗೆ ಕೈಗನ್ನಡಿಯೆಂಬಂತೆ ಟ್ರಾವೆಲ್ ವೀಕ್‌ನಿಂದ 2013ನೇ ಸಾಲಿನ 'ಅತಿಶ್ರೇಷ್ಠ ಒಟ್ಟಾರೆ ವೈಯಕ್ತಿಕ ಕ್ರೂಸ್ ಹಡಗು' ಎಂಬ ಪ್ರಶಸ್ತಿಗೂ ಭಾಜನವಾಗಿದೆ.

ನೀವೊಮ್ಮೆ ಈ ಹಡಗಿಗೆ ಪ್ರವೇಶಿಸಿದರೆ ಅನೇಕ ವಿನೋದ ಚಟುವಟಿಕೆಗಳು ನಿಮ್ಮನ್ನು ಹರಸಿಕೊಂಡು ಬರಲಿದೆ. ಇದರಲ್ಲಿ ಸ್ಕೇಟಿಂಗ್, ನೈಟ್ ಕ್ಲಬ್, ಡ್ಯಾನ್ಸ್ ಕ್ಲಾಸ್, ವೈನ್ ಪ್ಯಾಲೇಸ್ ಮುಂತಾದ ಸೌಲಭ್ಯಗಳು ಲಭಿಸಲಿದೆ.

ಇವೆಲ್ಲದರ ಹೊರತಾಗಿ ರೋಕ್ ಕ್ಲೈಬಿಂಗ್ ವಾಲ್ ಕ್ರೀಡೆಯು ಸಾಹಸಿಗರನ್ನು ಕೈಬೀಸಿ ಕರೆಯುತ್ತದೆ. ಇದು ಈ ಹಡಗನ್ನು ಇನ್ನಷ್ಟು ವಿಶಿಷ್ಟವಾಗಿಸಿದೆ.

ಹಡಗನ್ನು ಸಂಪೂರ್ಣ ಹಚ್ಚ ಹಸಿರಾಗಿಡುವ ಪ್ರಯತ್ನ ಕೂಡಾ ಮಾಡಲಾಗಿದ್ದು, ಸೆಂಟ್ರಲ್ ಪಾರ್ಕ್ ಗಿಡ ಮರಗಳಿಂದ ಶೋಭಿಸುತ್ತಿದೆ. ಇಲ್ಲಿ ರೆಸ್ಟೋರೆಂಟ್, ಶಾಪ್‌ಗಳ ಸುತ್ತಲೂ 12,000 ಸಸಿ ಹಾಗೂ 60 ಮರಗಳನ್ನು ನೆಡಲಾಗಿದೆ.

ನೇಬರ್‌ವುಡ್ ಎಂದು ಅರಿಯಲ್ಪಡುವ ಏಳು ಥೀಮ್ ಪ್ರದೇಶಗಳಲ್ಲಿ ಅಥ್ಲೆಟಿಕ್ ಮತ್ತು ಮನರಂಜನಾ ಚಟುವಟಿಕೆಗಳು ನಡೆಯುತ್ತದೆ. ಅಲ್ಲದೆ 25 ವಿಶಿಷ್ಟ ಭೋಜನಾ ಆಯ್ಕೆಗಳಿದ್ದು, 2,384 ಮಂದಿ ನಿಮಗಾಗಿ ಸೇವಾ ನಿರತರಾಗಿರಲಿದ್ದಾರೆ.

ಅಂತಿಮವಾಗಿ 72 ಮೀಟರ್ ಎತ್ತರ, 362 ಮೀಟರ್ ಅಗಲವನ್ನು ಹೊಂದಿರುವ ಅಲ್ಯೂರ್ ಆಫ್ ದಿ ಸೀಸ್ ಹಡಗು, ನ್ಯೂಯಾರ್ಕ್‌ನಲ್ಲಿರುವ ಪ್ರಖ್ಯಾತ ಕ್ಲೈಸ್ಲರ್ ಬಿಲ್ಡಿಂಗ್‌ಗಿಂತಲೂ ದೊಡ್ಡದಾಗಿದೆ.