Just In
- 3 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 4 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 5 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 5 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News Bengaluru-Tumkur Metro: 52.41 ಕಿ.ಮೀ. ಮಾರ್ಗ, 19 ನಿಲ್ದಾಣಗಳು; ತುಮಕೂರು-ಬೆಂಗಳೂರು ಮೆಟ್ರೋ ಅಪ್ಡೇಟ್
- Movies Nannamma Superstar: ಬಿಗ್ ಬಾಸ್ ಸಂಗೀತಾ ಹೊಟ್ಟೆಗೆ ಏನ್ ತಿಂತಾರೆ? ಮೃದಿನಿಗೆ ಕಾಡಿದ ದೊಡ್ಡ ಪ್ರಶ್ನೆ
- Lifestyle ಏಪ್ರಿಲ್ನಲ್ಲಿ 14 ದಿನ ರಜೆ, ಏಪ್ರಿಲ್ 1ಕ್ಕೆ ಬ್ಯಾಂಕ್ಗಳಿಗೆ ರಜೆ ಇರಲು ಕಾರಣವೇನು?
- Sports ರೋಹಿತ್ vs ಹಾರ್ದಿಕ್: ಸತತ ಸೋಲಿನ ನಡುವೆಯೇ ಮುಂಬೈ ಇಂಡಿಯನ್ಸ್ ಇಬ್ಭಾಗ!?
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದೇಶದ ಮೂರನೇ ಅತ್ಯುನ್ನತ ಪ್ರಶಸ್ತಿ ಸ್ವೀಕರಿಸಿದ ಉದ್ಯಮಿ ಆನಂದ್ ಮಹೀಂದ್ರಾ
ಭಾರತದ ಖ್ಯಾತ ಉದ್ಯಮಿಗಳಲ್ಲಿ ಒಬ್ಬರಾದ ಆನಂದ್ ಮಹೀಂದ್ರಾ ರವರು ನಿನ್ನೆ ದೇಶದ ಮೂರನೇ ಅತ್ಯುನ್ನತ ನಾಗರಿಕ ಗೌರವವಾದ ಪದ್ಮಭೂಷಣ ಪ್ರಶಸ್ತಿಯನ್ನು ಸ್ವೀಕರಸಿದ್ದಾರೆ. ಉದ್ಯಮ, ವ್ಯಾಪಾರ ಕ್ಷೇತ್ರದಲ್ಲಿ ಆನಂದ್ ಮಹೀಂದ್ರಾರವರು ನೀಡಿರುವ ವಿಶಿಷ್ಟ ಸೇವೆಗಾಗಿ ಈ ಗೌರವ ನೀಡಲಾಗಿದೆ. ಆನಂದ್ ಮಹೀಂದ್ರಾ ರವರು ಕಳೆದ 25 ವರ್ಷಗಳಿಂದ ಉದ್ಯಮದಲ್ಲಿ ಸಕ್ರಿಯರಾಗಿದ್ದಾರೆ.
ಅವರು ದೇಶ, ವಿದೇಶಗಳಲ್ಲಿ ಮಹೀಂದ್ರಾ (Mahindra) ಕಂಪನಿಯ ವ್ಯಾಪಾರವನ್ನು ವೃದ್ಧಿಸಿದ್ದಾರೆ. ಇದರ ಜೊತೆಗೆ ಸಮಾಜದ ಉನ್ನತಿಗಾಗಿ ಶ್ರಮಿಸುತ್ತಿದ್ದಾರೆ. ಆನಂದ್ ಮಹೀಂದ್ರಾ ಕೆಲವು ವರ್ಷಗಳಿಂದ ವ್ಯವಹಾರದಲ್ಲಿ ತಮ್ಮದೇ ಆದ ಹಿಡಿತವನ್ನು ಸ್ಥಾಪಿಸಿ, ಭಾರತೀಯ ಕೈಗಾರಿಕೋದ್ಯಮಿಗಳಲ್ಲಿ ವಿಶಿಷ್ಟ ಸ್ಥಾನ ಪಡೆದಿದ್ದಾರೆ. ಇದರಿಂದ ಮಹೀಂದ್ರಾ ಗ್ರೂಪ್ನ ಕಾರ್ಪೊರೇಟ್ ಆಡಳಿತವನ್ನು ಸುಗಮವಾಗಿ ನಡೆಸಲು ಸಾಧ್ಯವಾಗಿದೆ.
ಜೊತೆಗೆ ಸಮೂಹ ವ್ಯವಹಾರದಲ್ಲಿ ಸ್ಥಿರವಾದ ಬೆಳವಣಿಗೆ ಕಂಡುಬಂದಿದೆ. ಕಂಪನಿಯ ವ್ಯವಹಾರವು ಜಾಗತಿಕ ಮಟ್ಟದಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಹರಡಿದೆ. ಇದರ ಜೊತೆಗೆ ಆನಂದ್ ಮಹೀಂದ್ರಾ ಜಾಗತಿಕ ಮಟ್ಟದಲ್ಲಿ ಸುಸ್ಥಿರತೆ ಹಾಗೂ ಹವಾಮಾನ ಬದಲಾವಣೆಯತ್ತ ನಿರಂತರವಾಗಿ ಕೆಲಸ ಮಾಡುತ್ತಿದ್ದಾರೆ. ಇದರಿಂದ ಮುಂಬರುವ ಪೀಳಿಗೆಗೆ ಹೆಚ್ಚಿನ ಪ್ರಯೋಜನವಾಗುತ್ತದೆ.
ಅವರು ತಮ್ಮ ನಡೆ ನುಡಿಗಳಿಂದ ತಮ್ಮ ಗೆಳೆಯರು, ಉದ್ಯೋಗಿಗಳು, ಪಾಲುದಾರರು ಹಾಗೂ ಉದ್ಯಮದಲ್ಲಿನ ಇತರರಿಗೆ ಸ್ಫೂರ್ತಿಯಾಗಿದ್ದಾರೆ. ಹೊಸ ವ್ಯಾಪಾರವನ್ನು ಉತ್ತೇಜಿಸಲು ಅವರು ನಿರಂತರವಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಆನಂದ್ ಮಹೀಂದ್ರಾ ಭಾರತದ ಶ್ರೀಮಂತ ಉದ್ಯಮಿಗಳಲ್ಲಿ ಒಬ್ಬರು. ಅವರು ಕಾರುಗಳ ಬಗ್ಗೆಯೂ ಒಲವು ಹೊಂದಿದ್ದಾರೆ. ಆನಂದ್ ಮಹೀಂದ್ರಾ ರವರು ಯಾವ ಕಾರುಗಳನ್ನು ಹೊಂದಿದ್ದಾರೆ ಎಂಬುದನ್ನು ನೋಡುವುದಾದರೆ...
Mahindra Bolero Invader
ಮಹೀಂದ್ರ ಬೊಲೆರೊ ಇನ್ವೇಡರ್ ವಿನ್ಯಾಸವು ಮಹೀಂದ್ರಾ ಬೊಲೆರೊದಿಂದ ಪ್ರೇರಿತವಾಗಿದೆ. ಈ ವಾಹನವು 2.5 ಲೀಟರ್ ಡೀಸೆಲ್ ಎಂಜಿನ್ ಹೊಂದಿದೆ. Invader ಓಪನ್ ರೂಫ್ ಹೊಂದಿರುವ ಸ್ಪೋರ್ಟಿ ಎಂಪಿವಿಯಾಗಿದೆ. ಆನಂದ್ ಮಹೀಂದ್ರಾ ತಮ್ಮ ಯೌವನದಲ್ಲಿ ಈ ಕಾರ್ ಅನ್ನು ಚಾಲನೆ ಮಾಡುತ್ತಿದ್ದರು. ಈಗ ಈ ಕಾರು ರಸ್ತೆಗಳಲ್ಲಿ ಕಂಡು ಬರುವುದು ತೀರಾ ಅಪರೂಪ.
Mahindra TUV 300
ಆನಂದ್ ಮಹೀಂದ್ರಾ ರವರು 2015ರಲ್ಲಿ TUV 300 ಕಾರಿನ ಬಳಕೆಯನ್ನು ಆರಂಭಿಸಿದರು. TUV 300 ಬಾಕ್ಸ್ ವಿನ್ಯಾಸವು ಆಕರ್ಷಕವಾದ ನೋಟವನ್ನು ನೀಡುತ್ತದೆ. ಆನಂದ್ ಮಹೀಂದ್ರಾ ಈ ಕಾರ್ ಅನ್ನು ಆರ್ಮರ್ ಲುಕ್ನಲ್ಲಿ ಕಸ್ಟಮೈಸ್ ಮಾಡಿದ್ದಾರೆ. ಈ ಕಾರಿನ ವ್ಹೀಲ್, ಬಾನೆಟ್ ಹಾಗೂ ಲೈಟ್ಗಳಲ್ಲಿ ಸಾಕಷ್ಟು ಬದಲಾವಣೆಗಳನ್ನು ಮಾಡಲಾಗಿದೆ. ಕಾರಿನ ಸುತ್ತಲೂ ಪ್ಲಾಸ್ಟಿಕ್ ಹೊದಿಕೆ ನೀಡಲಾಗಿದೆ. ಹಸಿರು ಬಣ್ಣದಲ್ಲಿರುವ ಈ ಕಾರು ಯಾವುದೇ ಯುದ್ಧ ಯಂತ್ರಕ್ಕಿಂತ ಕಡಿಮೆಯಿಲ್ಲ ಎಂದೇ ಹೇಳಬಹುದು.
Mahindra TUV 300 Plus
ಈ ಕಾರಿನ ಆಗಮನವನ್ನು ಆನಂದ್ ಮಹೀಂದ್ರಾ ಟ್ವೀಟ್ ಮಾಡುವ ಮೂಲಕ ಘೋಷಿಸಿದ್ದರು. ಈ ಕಾರನ್ನು ವಿಶೇಷವಾದ ಬೂದು ಬಣ್ಣದಲ್ಲಿ ಚಿತ್ರಿಸಲು ಆನಂದ್ ಮಹೀಂದ್ರಾ ಬಹಳ ಕಾಲ ಕಾಯಬೇಕಾಯಿತು. ಈ ಕಾರು ಬೂದು ಬಣ್ಣವನ್ನು ಹೊಂದಿರುವುದರಿಂದ ಆನಂದ್ ಮಹೀಂದ್ರಾ ರವರು ಈ ಕಾರ್ ಅನ್ನು ಗ್ರೇ ಘೋಸ್ಟ್ ಎಂದು ಕರೆಯುತ್ತಾರೆ. ಅದರ ಬಣ್ಣದಿಂದಾಗಿ ಈ ಕಾರು ಜನಸಂದಣಿಯಲ್ಲಿ ಎದ್ದು ಕಾಣುತ್ತದೆ.
Mahindra Scorpio
ಆನಂದ್ ಮಹೀಂದ್ರಾ Scorpio ಕಾರಿನ ಹಳೆಯ ಆವೃತ್ತಿಯನ್ನು ಬಳಸುತ್ತಿದ್ದರು. ಸ್ಕಾರ್ಪಿಯೋ ಸರಣಿಯ ಕಾರುಗಳು ಆಫ್ ರೋಡ್ ಪ್ರಿಯರಲ್ಲಿ ಸಾಕಷ್ಟು ಜನಪ್ರಿಯವಾಗಿವೆ. Scorpio ರೋಮಾಂಚಕ ಅನುಭವಕ್ಕೆ ಹೆಸರುವಾಸಿಯಾಗಿದೆ.
Mahindra Alturas G4
ಆನಂದ್ ಇತ್ತೀಚೆಗಷ್ಟೇ Alturas G4 ವಿತರಣೆಯನ್ನು ತೆಗೆದುಕೊಂಡರು. Alturas G4 ಮಹೀಂದ್ರಾ ಕಂಪನಿಯ ದುಬಾರಿ ಕಾರು. ಈ ಕಾರಿನ ವಿತರಣೆಯನ್ನು ಸ್ವೀಕರಿಸಿದ ನಂತರ ಅವರು ತಮ್ಮ ಹೊಸ ಕಾರಿಗೆ ಹೆಸರು ಸೂಚಿಸುವಂತೆ ಟ್ವಿಟರ್ ಖಾತೆಯ ಮೂಲಕ ಮನವಿ ಮಾಡಿದ್ದರು. ಹೆಸರನ್ನು ಸೂಚಿಸಿದ ವ್ಯಕ್ತಿಗೆ ಅವರು ಡೈಕಾಸ್ಟ್ ಮಾದರಿಯನ್ನು ಉಡುಗೊರೆಯಾಗಿ ಘೋಷಿಸಿದರು. ನಂತರ ತಮ್ಮ Alturas G4 ಕಾರಿಗೆ ಬಾಜ್ ಎಂದು ಮರು ನಾಮಕರಣ ಮಾಡಿದರು.
ಇನ್ನು ಆನಂದ್ ಮಹೀಂದ್ರಾ ರವರು ಕ್ರೀಡಾ ಪಟುಗಳಿಗೆ ಸದಾ ಪ್ರೋತ್ಸಾಹ ನೀಡುತ್ತಾರೆ. ಟೋಕಿಯೋ ಒಲಿಂಪಿಕ್ಸ್ನ ಜಾವೆಲಿನ್ ಥ್ರೋ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದಿದ್ದ ನೀರಜ್ ಚೋಪ್ರಾ ರವರಿಗೆ ಆನಂದ್ ಮಹೀಂದ್ರಾ ಕೆಲವು ತಿಂಗಳ ಹಿಂದಷ್ಟೇ ಬಿಡುಗಡೆಯಾಗಿದ್ದ XUV 700 ಸ್ಪೆಷಲ್ ಎಡಿಷನ್ ಎಸ್ಯುವಿಯನ್ನು ಉಡುಗೊರೆಯಾಗಿ ನೀಡಿದ್ದಾರೆ.
ಆನಂದ್ ಮಹೀಂದ್ರಾ ರವರು ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಪ್ರಶಸ್ತಿ ಗೆದ್ದಿದ್ದ ಕ್ರಿಡಾಪಟುಗಳಿಗೆ ವಿಶೇಷ ಉಡುಗೊರೆಗಳನ್ನು ಘೋಷಿಸಿದ್ದರು. ಆನಂದ್ ಮಹೀಂದ್ರಾ ಕೊಟ್ಟ ಮಾತಿನಂತೆ ಹೊಸ ಎಕ್ಸ್ಯುವಿ 700 ಎಸ್ಯುವಿಯನ್ನು ಕ್ರೀಡಾ ಸಾಧಕರಿಗಾಗಿಯೇ ವಿಶೇಷ ವೈಶಿಷ್ಟ್ಯತೆಗಳನ್ನು ಒಳಗೊಂಡ ಗೋಲ್ಡ್ ಎಡಿಷನ್ ಆವೃತ್ತಿಯನ್ನು ಅಭಿವೃದ್ದಿ ಪಡಿಸಿ ವಿತರಿಸಲಾಗಿದೆ.
ಮಹೀಂದ್ರಾ ಕಂಪನಿಯ ಉಡುಗೊರೆ ಪಡೆದ ನಂತರ ನೀರಜ್ ಚೋಪ್ರಾ ರವರು ತಮ್ಮ ಟ್ವಿಟರ್ ಖಾತೆ ಮೂಲಕ ಹೊಸ ಕಾರಿನ ಬಗ್ಗೆ ಮಾಹಿತಿ ನೀಡಿ, ಆನಂದ್ ಮಹೀಂದ್ರಾ ರವರಿಗೆ ಧನ್ಯವಾದ ಸಲ್ಲಿಸಿದ್ದಾರೆ. ನೀರಜ್ ಚೋಪ್ರಾ ರವರಿಗೆ ನೀಡಲಾದ ಎಕ್ಸ್ಯುವಿ 700 ಸ್ಪೆಷಲ್ ಎಡಿಷನ್ ಕಾರು ಹಲವು ಹೊಸ ವಿಶಿಷ್ಟ ವಿನ್ಯಾಸಗಳನ್ನು ಹೊಂದಿದೆ. ಸ್ಯಾಟಿನ್ ಚಿನ್ನದ ಲೇಪವನ್ನೂ ಹೊಂದಿರುವ ವಿಶೇಷ ಆವೃತ್ತಿಯು ಸ್ಟ್ಯಾಂಡರ್ಡ್ ಮಾದರಿಗಿಂತಲೂ ಹೆಚ್ಚು ಆಕರ್ಷಕವಾಗಿದೆ.
ಚಿನ್ನದ ಲೇಪಿತ ಬ್ಯಾಡ್ಜ್ ಹೊಂದಿರುವ ವಿಶೇಷ ಆವೃತ್ತಿಯಲ್ಲಿ ಸಾಮಾನ್ಯ ಮಾದರಿಯಲ್ಲಿರುವಂತಹ ತಾಂತ್ರಿಕ ಅಂಶಗಳಿವೆ. ಈ ಹೊಸ ಕಾರಿನ ಆರಂಭಿಕ ಬೆಲೆ ದೆಹಲಿಯ ಎಕ್ಸ್ಶೋರೂಂ ದರದಂತೆ ರೂ. 11.99 ಲಕ್ಷಗಳಾಗಿದ್ದರೆ, ಹೆಚ್ಚು ಫೀಚರ್ ಹೊಂದಿರುವ ಟಾಪ್ ಎಂಡ್ ಮಾದರಿಯ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ. 22.89 ಲಕ್ಷಗಳಾಗಿದೆ.