ಅಂಬಾನಿ ಪುತ್ರ ಆಸ್ಟನ್ ಮಾರ್ಟಿನ್ ಅಪಘಾತ; ಪ್ರಕರಣ ಮೂಲೆಗುಂಪು?

ಘಟನೆ ವಿವರ

ಮುಂಬೈನಲ್ಲಿ 2013 ಡಿಸೆಂಬರ್ 8ರಂದು ಮಧ್ಯರಾತ್ರಿ ಆಕಾಶ್ ಅಂಬಾನಿ ಚಾಲನೆ ಮಾಡುತ್ತಿದ್ದ ಆಸ್ಟನ್ ಮಾರ್ಟಿನ್ ರಾಪಿಡ್ ಕಾರು ಆಡಿ ಹಾಗೂ ಹ್ಯುಂಡೈ ಎಲಂಟ್ರಾ ಕಾರುಗಳಿಗೆ ಢಿಕ್ಕಿ ಹೊಡೆದಿತ್ತು. ಘಟನೆಯಿಂದಾಗಿ ಇಬ್ಬರು ಸಾವನ್ನಪ್ಪಿದ್ದರು.

ನಾಲ್ಕು ಕೋಟಿ ರು.ಗಳಷ್ಟು ದುಬಾರಿಯ ಈ ಆಸ್ಟನ್ ಮಾರ್ಟಿನ್ ಕಾರು ರಿಲಯನ್ಸ್ ನೊಂದಾವಣಿ ಪಡೆದುಕೊಂಡಿದೆ. ಇದರ ಹಿಂದೆ ಭಾರಿ ಪ್ರಭಾವ ಬೀರಿರುವುದರಿಂದಲೇ ಪ್ರಕರಣ ನೆನೆಗುದಿಗೆ ಬಿದ್ದಿರುವುದರ ಬಗ್ಗೆ ಶಂಕೆ ವ್ಯಕ್ತವಾಗಿದೆ.

ಅಂದ ಹಾಗೆ ಆಸ್ಟನ್ ಮಾರ್ಟಿನ್ ರಾಪಿಡ್ ಕಾರು ಕೇವಲ 4.9 ಸಕೆಂಡುಗಳಲ್ಲೇ ಗಂಟೆಗೆ 100 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿದೆ. ಅಂದರೆ ಮೊದಲ ನೋಟದಲ್ಲೇ ಅತಿಮ ವೇಗದಲ್ಲೇ ಸಂಚರಿಸಿರುವುದು ಅಪಘಾತಕ್ಕೀರುವ ಕಾರಣ ಎಂಬುದು ತಿಳಿದು ಬಂದಿದೆ.

ಆಸ್ಟನ್ ಮಾರ್ಟಿನ್ ರಾಪಿಡ್ ಐಷಾರಾಮಿ ಕಾರು ಶಕ್ತಿಶಾಲಿ 5935 ಸಿಸಿ ವಿ12 ಪೆಟ್ರೋಲ್ ಎಂಜಿನ್ ಹೊಂದಿದ್ದು, 470 ಬಿಎಚ್‌ಪಿ ಪವರ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಇನ್ನು ಗರಿಷ್ಠ ಸುರಕ್ಷಾ ಮಾನದಂಡಗಳನ್ನು ಹೊಂದಿರುವ ಕಾರುಗಳಲ್ಲಿ ಆಸ್ಟನ್ ಮಾರ್ಟಿನ್ ಕೂಡಾ ಒಂದಾಗಿದೆ. ಇದು ಆ್ಯಂಟಿ ಲಾಕ್ ಬ್ರೇಕ್ ಸಿಸ್ಟಂ ಜತೆ ಎಲೆಕ್ಟ್ರಾನಿಕ್ ಬ್ರೇಕ್ ಫೋರ್ಸ್ ಡಿಸ್ಟ್ರಿಬ್ಯೂಷನ್‍‌ಗಳಂತಹ ಫೀಚರುಗಳನ್ನು ಹೊಂದಿದೆ.

ಒಟ್ಟಿನಲ್ಲಿ ದೇಶದ ಅಗ್ರಮಾನ್ಯ ಶ್ರೀಮಂತರ ಪಟ್ಟಿಯಲ್ಲಿ ಗುರುತಿಸಿಕೊಂಡಿರುವ ಮುಖೇಶ್ ಅಂಬಾನಿ ಪುತ್ರ ಆಕಾಶ್ ಅಂಬಾನಿ ಅಪಘಾತ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರಿಗೆ ಇದುವರೆಗೆ ಯಾವುದೇ ಪುರಾವೆ ಸಂಗ್ರಹಿಸಲು ಸಾಧ್ಯವಾಗದಿರುವುದು ವಿಪರ್ಯಾಸಕ್ಕೆ ಕಾರಣವಾಗಿದೆ.