Just In
- 11 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 12 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 14 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 14 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- Technology Earbuds: 2000 ರೂ. ಒಳಗೆ ಲಭ್ಯ ಇರುವ ಅತ್ಯುತ್ತಮ ಇಯರ್ಬಡ್ಸ್! ಸಖತ್ ಫೀಚರ್ಸ್...
- Finance mukesh ambaniಗೆ 67 ವರ್ಷ, ಅವರು ಹೊಂದಿರುವ ದುಬಾರಿ ವಸ್ತುಗಳು ಏನೇನು ಗೊತ್ತಾ?
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೆದ್ದಾರಿಯಲ್ಲಿ ಅಲೆದಾಡುತ್ತಿದ್ದ ನಾಯಿಯ ಪಾಲಿಗೆ ಆಪದ್ಬಾಂಧವನಾದ ಬಸ್ ಚಾಲಕ
ತುಂಬಾ ಬಿಜಿಯಾಗಿರುವ ರಸ್ತೆಯಲ್ಲಿ ಬಸ್ಸೊಂದು ಇದ್ದಕ್ಕಿದ್ದಂತೆ ನಿಲ್ಲುತ್ತದೆ. ಹೀಗೆ ನಿಂತ ಬಸ್ಸಿನೊಳಗೆ ನಾಯಿಯೊಂದು ನಿಧಾನವಾಗಿ ಹತ್ತುತ್ತಿರುವ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಈ ಘಟನೆ ಥೈಲ್ಯಾಂಡ್ನ ರಾಜಧಾನಿ ಬ್ಯಾಂಕಾಕ್ನಲ್ಲಿ ನಡೆದಿದೆ. ಇತ್ತೀಚೆಗೆ ಬ್ಯಾಂಕಾಕ್ನ ಸ್ಥಳೀಯ ರೇಡಿಯೊ ಜನನಿಬಿಡ ರಸ್ತೆಯಲ್ಲಿ ನಾಯಿಯೊಂದು ಅಪಾಯಕಾರಿ ಸ್ಥಿತಿಯಲ್ಲಿ ಅಲೆದಾಡುತ್ತಿರುವ ಬಗ್ಗೆ ವರದಿ ಮಾಡಿತ್ತು. ಈ ನಾಯಿಯನ್ನು ಬ್ಯಾಂಕಾಕ್ನ ಸಾರಿಗೆ ಸಂಸ್ಥೆಯ ಬಸ್ಸಿನ ಚಾಲಕರೊಬ್ಬರು ರಕ್ಷಿಸಿದ್ದಾರೆ.
ದಾರಿ ತಪ್ಪಿ ಜನನಿಬಿಡ ರಸ್ತೆಯಲ್ಲಿ ಅಲೆದಾಡುತ್ತಿದ್ದ ನಾಯಿಯನ್ನು ಅದರ ಮಾಲೀಕರ ಬಳಿ ಸೇರಿಸುವಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದ್ದಾರೆ. ನಾಯಿಯನ್ನು ಬಸ್ನೊಳಗೆ ಹತ್ತಿಸಿಕೊಳ್ಳುವ ಮುನ್ನ ಅವರು ಬಸ್ಸಿನಲ್ಲಿದ್ದ ಎಲ್ಲಾ ಪ್ರಯಾಣಿಕರ ಒಪ್ಪಿಗೆಯನ್ನು ಪಡೆದಿದ್ದಾರೆ.
MOSTREAD: ಟ್ರ್ಯಾಕ್ಟರ್ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್ಗಳಿರಲು ಕಾರಣಗಳಿವು
ಬಸ್ ಚಾಲಕನಿಂದ ರಕ್ಷಿಸಲ್ಪಟ್ಟ ನಾಯಿಯ ಹೆಸರು ಕೂಕಿ ಎಂದು ತಿಳಿದುಬಂದಿದೆ. ಈ ನಾಯಿಯ ಮಾಲೀಕರು ನಿರ್ಮಾಣ ಸ್ಥಳದ ಬಳಿ ತೆರಳಿದ್ದ ವೇಳೆ ಕೂಕಿ ಕಾಣೆಯಾಗಿದೆ. ಮೂರು ದಿನಗಳ ಕಾಲ ನಾಯಿ ನಾಪತ್ತೆಯಾಗಿತ್ತು.
ಬಸ್ ಚಾಲಕನ ಮಾನವೀಯತೆಯಿಂದಾಗಿ ಕೂಕಿ ಮತ್ತೆ ಮಾಲೀಕರ ಬಳಿಗೆ ತೆರಳಿದೆ. ನಾಯಿಯನ್ನು ಬಸ್ಸಿನೊಳಗೆ ಹತ್ತಿಸಿಕೊಂಡ ನಂತರ ಚಾಲಕ ಅದನ್ನು ಬಸ್ ಡಿಪೋಗೆ ತೆಗೆದುಕೊಂಡು ಹೋಗಿ ಅಲ್ಲಿಯೇ ಇಟ್ಟು ನೀರು, ಆಹಾರವನ್ನು ಒದಗಿಸಿದ್ದ.
MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್
ನಂತರ ಕೂಕಿಯನ್ನು ಅದರ ಮಾಲೀಕರಿಗೆ ಹಸ್ತಾಂತರಿಸಲಾಗಿದೆ. ಮುದ್ದು ನಾಯಿಯನ್ನು ಹುಡುಕಿ ಕೊಟ್ಟ ಬಸ್ ಚಾಲಕನಿಗೆ ಕೂಕಿಯ ಮಾಲೀಕರು 5 ಸಾವಿರ ಥಾಯ್ ಬಾಹ್ತ್ ನೀಡಿ ಗೌರವಿಸಿದ್ದಾರೆ.
ಹಣ ಪಡೆಯಲು ನಿರಾಕರಿಸಿದ ಬಸ್ ಚಾಲಕ ಹಣವನ್ನು ಪ್ರಾಣಿ ಕಲ್ಯಾಣ ಇಲಾಖೆಗೆ ನೀಡಬೇಕೆಂದು ಹೇಳಿದ್ದಾನೆ. ಬಸ್ ಚಾಲಕನ ಈ ಕಾರ್ಯವು ಮನುಷ್ಯತ್ವ ಇನ್ನೂ ಸತ್ತಿಲ್ಲ ಎಂಬುದಕ್ಕೆ ಸಾಕ್ಷಿಯಾಗಿದೆ.
MOSTREAD: ಲಾಕ್ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ
ಜನನಿಬಿಡ ರಸ್ತೆಯಲ್ಲಿ ವಾಹನಗಳ ಅಡಿ ಸಿಲುಕಿ ಮೃತಪಡುವ ಸಾಧ್ಯತೆಗಳಿದ್ದ ನಾಯಿಯನ್ನು ರಕ್ಷಿಸಿದ ಬಸ್ ಚಾಲಕ ಹಾಗೂ ಬಸ್ಸಿನ ಆಪರೇಟರ್ ಇಬ್ಬರೂ ನಿಜಕ್ಕೂ ಅಭಿನಂದನಾರ್ಹರು.
ಬ್ಯಾಂಕಾಕ್ ಸಾರಿಗೆ ನಿಗಮದ ಪರವಾಗಿ ಇಬ್ಬರಿಗೂ ಬಹುಮಾನಗಳನ್ನು ಘೋಷಿಸಲಾಗಿದೆ. ನಾಯಿಯನ್ನು ರಕ್ಷಿಸಿದ ಚಾಲಕನ ಹೆಸರು ಡ್ವೇನ್ ಪ್ರಡುಮ್ಥಾಂಗ್ ಎಂದು ತಿಳಿದು ಬಂದಿದೆ.
MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು
ಬಸ್ ಹತ್ತಿದ ನಂತರ ಕೂಕಿ ಯಾರಿಗೂ ತೊಂದರೆ ನೀಡದಂತೆ ಸದ್ದಿಲ್ಲದೆ ಸೀಟಿನ ಕೆಳಗೆ ಕುಳಿತಿತ್ತು ಎಂದು ಬಸ್ನಲ್ಲಿದ್ದ ಚಾಲಕ ಹಾಗೂ ಪ್ರಯಾಣಿಕರು ತಿಳಿಸಿದ್ದಾರೆ. ಕೂಕಿ ಕೆಲವು ದಿನಗಳಿಂದ ಏನನ್ನೂ ತಿನ್ನದ ಕಾರಣ ತೆಳ್ಳಗೆ ಕಾಣುತ್ತಿತ್ತು ಎಂದು ಪ್ರಯಾಣಿಕರು ಹೇಳಿದ್ದಾರೆ.
ಯಾವುದಾದರೂ ನಾಯಿ ಅಡ್ಡ ಬಂದರೆ ಅದರ ಮೇಲೆ ಬಸ್ ಹತ್ತಿಸಿ ವಿಕೃತಿ ಮೆರೆಯುವ ಜನರಿರುವ ಈ ಜಗತ್ತಿನಲ್ಲಿ ನಾಯಿಯನ್ನು ಬಸ್ಸಿನೊಳಗೆ ಹತ್ತಿಸಿಕೊಂಡು, ರಕ್ಷಿಸಿದ ಬಸ್ ಚಾಲಕನ ನಡೆಗೆ ವಿಶ್ವದಾದ್ಯಂತ ಶ್ಲಾಘನೆ ವ್ಯಕ್ತವಾಗುತ್ತಿದೆ.
ಚಿತ್ರಕೃಪೆ: ದಿ ನೇಷನ್ ಥೈಲ್ಯಾಂಡ್