ಭಾರತೀಯನಿಂದ ಪೈಲಟ್ ರಹಿತ ವಿಮಾನ ಅಭಿವೃದ್ಧಿ

ಇದೊಂದು ಡ್ರೋನ್ ಮಾದರಿಯ ವಿಮಾನವಾಗಿದ್ದು ಬ್ಲ್ಯಾಕ್ ಬೋಲ್ಟ್ ಎಂದು ಹೆಸರಿಸಲಾಗಿದೆ. ಲಿಂಕ್ಸ್ (Lynx) ಉಪಕಕ್ಷಾ ಬಾಹ್ಯಾಕಾಶ ವಿಭಾಗಕ್ಕೆ ಸೇರಿರುವ ಇದನ್ನು ರಿಮೋಟ್ ಮೂಲಕ ನಿಯಂತ್ರಣ ಮಾಡಬಹುದಾಗಿದೆ.

ಯುದ್ಧದಂತಹ ತುರ್ತು ಪರಿಸ್ಥಿತಿಯ ವೇಳೆ ಸೈನಿಕರನ್ನು ನಿಯೋಜಿಸಲು ಅಥವಾ ವೈಜ್ಞಾನಿಕ ಪ್ರಯೋಗಗಳನ್ನು ನಡೆಸಲು ಅಷ್ಟೇ ಯಾಕೆ ಸೂಪರ್ ಸೋನಿಕ್ ವಿಮಾನವಾಗಿಯೂ ಇದರ ಸೇವೆ ಪಡೆಯಬಹುದಾಗಿದೆ.

2009ರಲ್ಲಿ ಕ್ಯಾಲಿಫೋರ್ನಿಯಾಗೆ ತೆರಳಿದ್ದ ಅಭಿಷೇಕ್ ಅವರ ಮನದಲ್ಲಿ ಅಲ್ಲಿನ ಫಾಲ್ಕನ್ ಹಾಗೂ ಡ್ರಾಗನ್ ಯೋಜನೆಗಳ ಬಗ್ಗೆ ಹೆಚ್ಚು ತಿಳಿದುಕೊಳ್ಳುವ ಕುತೂಹಲವನ್ನುಂಟು ಮಾಡಿತ್ತು. ಇದುವೇ ಬಳಿಕ ನಾವೀನ್ಯ ಹಾಗೂ ಹೆಚ್ಚು ಕಾರ್ಯ ಕ್ಷಮತೆಯುಳ್ಳ ವಿಮಾನ ಅಭಿವೃದ್ಧಿಪಡಿಸಲು ಸಹಕಾರಿಯಾಗಿದೆ.

ಬಾಹ್ಯಾಕಾಶ ಸಂಶೋಧನೆಯಲ್ಲಿ ಬ್ಲ್ಯಾಕ್ ಬೋಲ್ಟ್ ಮಹತ್ವದ ಪಾತ್ರ ವಹಿಸಲಿದೆ ಎಂಬ ನಿರೀಕ್ಷೆಯನ್ನು ಇಟ್ಟುಕೊಳ್ಳಲಾಗಿದೆ. ಇದು 33 ಅಡಿ ಉದ್ದ ಹಾಗೂ 26 ಅಡಿ ಅಗಲವನ್ನು ಹೊಂದಿದೆ.

ಬಲವರ್ಧಿತ ಸಂಯೋಜಿತ ಭಾಗಗಳಿಂದ ವಿಮಾನವನ್ನು ಅಭಿವೃದ್ಧಿಪಡಿಸಲಾಗಿದೆ. ಹಾಗೆಯೇ ಆರು ಎಕ್ಸ್‌ಆರ್-5ಕೆಡಬ್ಲ್ಯು ಲಿಕ್ವಿಡ್ ಫ್ಲೂಯಲ್ಡ್ ರಿ ಇಗ್ನೈಟಬಲ್ ರಾಕೆಟ್ ಎಂಜಿನ್ ಗಳನ್ನು ಆಳವಡಿಸಲಾಗಿದೆ.

ಈ ಡ್ರೋನ್ ವಿಮಾನಕ್ಕೆ ಯಾವುದೇ ವಿಂಡೋ ವ್ಯವಸ್ಥೆಯಿರುವುದಿಲ್ಲ. ಇದರಲ್ಲಿ ಎರಡು ಮಂದಿ ಪ್ರಯಾಣಿಕರಿಗೆ ಆರಾಮವಾಗಿ ಸಂಚರಿಸಬಹುದಾಗಿದೆ. ಪ್ರಸ್ತುತ ಯೋಜನೆಗೆ ಯಶ ಸಿಗಲಿ ಎಂಬುದು ನಮ್ಮ ಆಶಯವಾಗಿದೆ.