ಹಡಗುಗಳ ಮೂಲ ಹೆಸರು ಬದಲಿಸದಿರಲು ಕಾರಣಗಳಿವು!

ಇದರಿಂದ ನೌಕಾಯಾನ ಮಾಡುವ ನಾವಿಕರು ಸುರಕ್ಷಿತವಾಗಿ ಮನೆಗೆ ಮರಳುವ ಬಗ್ಗೆ ಅನುಮಾನಗಳಿದ್ದವು. ಆ ಸಮಯದಲ್ಲಿ ಸಮುದ್ರಯಾನಗಳು ಅನಿಶ್ಚಿತವಾಗಿದ್ದವು. ಸುರಕ್ಷಿತ ಪ್ರಯಾಣಕ್ಕಾಗಿ ನಾವಿಕರು ಕೆಲವು ನಂಬಿಕೆಗಳಿಗೆ, ಕಟ್ಟು ಪಾಡುಗಳಿಗೆ ಮೊರೆ ಹೋಗುತ್ತಿದ್ದರು.

ಈಗಲೂ ಸಹ ಸಮುದ್ರಯಾನವನ್ನು ಕೈಗೊಳ್ಳುವವರು ಹಲವಾರು ನಂಬಿಕೆಗಳನ್ನು ಅನುಸರಿಸುತ್ತಾರೆ. ಈ ಲೇಖನದಲ್ಲಿ ಸಮುದ್ರಯಾನದ ಕುರಿತು ಇರುವ ಕೆಲವು ನಂಬಿಕೆಗಳು, ಕಟ್ಟು ಪಾಡುಗಳು ಯಾವುವು ಎಂಬುದನ್ನು ನೋಡೋಣ.

MOSTREAD: ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ಒಮ್ಮೆ ಹಡಗಿಗೆ ಹೆಸರಿಟ್ಟರೆ ಯಾವುದೇ ಕಾರಣಕ್ಕೂ ಆ ಹೆಸರನ್ನು ಬದಲಿಸಬಾರದು ಎಂಬ ನಂಬಿಕೆ ಮೊದಲಿನಿಂದಲೂ ಇದ್ದು, ಈಗಲೂ ಕೆಲವರು ಆ ನಂಬಿಕೆಯನ್ನು ಮುಂದುವರೆಸಿ ಕೊಂಡು ಹೋಗುತ್ತಾರೆ.

ಹಡಗಿನ ಹೆಸರುಗಳನ್ನು ಬದಲಿಸಿದರೆ ಅನಾಹುತಗಳು ಸಂಭವಿಸುತ್ತವೆ ಎಂಬುದು ಕೆಲವರ ನಂಬಿಕೆ.

MOSTREAD: ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ಪ್ರತಿ ಹಡಗಿಗೆ ಮೊದಲ ಹೆಸರಿಟ್ಟಾಗ ಸಮುದ್ರ ದೇವರು ಆ ಹೆಸರನ್ನು ನೋಂದಾಯಿಸುತ್ತಾನೆ ಎಂಬುದು ಅವರ ನಂಬಿಕೆ.

ಒಂದು ವೇಳೆ ಮೂಲ ಹೆಸರನ್ನು ಬದಲಿಸುವುದರಿಂದ ಸಮುದ್ರ ದೇವರ ಕೋಪಕ್ಕೆ ತುತ್ತಾಗಬೇಕಾಗುತ್ತದೆ ಎಂಬುದು ಜನರ ನಂಬಿಕೆಯಾಗಿದೆ.

ಹಡಗಿನ ಹೆಸರನ್ನು ಬದಲಿಸಲೇ ಬೇಕಾದರೆ, ಅದಕ್ಕಾಗಿ ಕೆಲವು ಆಚರಣೆಗಳನ್ನು ಅನುಸರಿಸಲಾಗುತ್ತದೆ.

MOSTREAD: ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಈ ವಿಚಿತ್ರ ಆಚರಣೆಯ ಪ್ರಕಾರ ಹಡಗಿನ ಮೂಲ ಹೆಸರನ್ನು ಕಾಗದದ ತುಂಡಿನ ಮೇಲೆ ಬರೆದು ಪೆಟ್ಟಿಗೆಯಲ್ಲಿ ಹಾಕಲಾಗುತ್ತದೆ.

ನಂತರ ಪೆಟ್ಟಿಗೆಯನ್ನು ಸುಡಲಾಗುತ್ತದೆ. ನಂತರ ಆ ಭಸ್ಮಾವನ್ನು ಸಮುದ್ರದಲ್ಲಿ ಬಿಡಲಾಗುತ್ತದೆ.

ಈ ಆಚರಣೆಯನ್ನು ಕಡಲತೀರದಲ್ಲಿ ಮಾಡಲು ಸಾಧ್ಯವಾಗದಿದ್ದರೆ ಭಸ್ಮವನ್ನು ನದಿ ಅಥವಾ ಸರೋವರದಲ್ಲಿ ಬಿಡಬೇಕು ಎಂಬುದು ಜನರ ನಂಬಿಕೆಯಾಗಿದೆ.

ಈ ವಿಧಿವಿಧಾನ ಮುಗಿದ ನಂತರ ಹಡಗಿನ ಹೆಸರನ್ನು ಬದಲಿಸಬಹುದು ಎಂದು ಹೇಳಲಾಗಿದೆ. ಹಡಗಿನ ಹೆಸರನ್ನು ಬದಲಿಸಲು ಜನರು ಹಿಂಜರಿಯುವುದಕ್ಕೆ ಕೆಲವು ಪ್ರಾಯೋಗಿಕ ಕಾರಣಗಳಿವೆ.

MOSTREAD: ಕರೋನಾ ಸೋಂಕಿತರ ಪಾಲಿಗೆ ದೇವರಾದ ಕರೋನಾ ಸೋಂಕಿನಿಂದ ಗುಣಮುಖರಾದ ವ್ಯಕ್ತಿ

ಹಿಂದಿನ ದಿನಗಳಲ್ಲಿ ವ್ಯಾಪಾರಿ ಹಡಗುಗಳು ತಮ್ಮ ಹೆಸರಿನಿಂದ ಬಂದರುಗಳಲ್ಲಿ ಜನಪ್ರಿಯವಾಗಿದ್ದವು.

ಜನಪ್ರಿಯವಾಗಿದ್ದ ಹಡಗುಗಳ ಹೆಸರನ್ನು ಬದಲಿಸಿದರೆ ವ್ಯಾಪಾರದ ಸಮಯದಲ್ಲಿ ಹಡಗಿನ ಕ್ಯಾಪ್ಟನ್ ಹಾಗೂ ಸಿಬ್ಬಂದಿಗಳಿಗೆ ಸಮಸ್ಯೆ ಉಂಟಾಗಬಹುದು ಎಂಬ ಕಾರಣಕ್ಕೆ ಹಡಗುಗಳ ಹೆಸರನ್ನು ಬದಲಿಸಲು ಹಿಂದೇಟು ಹಾಕುತ್ತಾರೆ.

ಆಧುನಿಕವಾಗಿ ಎಷ್ಟೇ ಮುಂದುವರಿದರೂ ಕೂಡಾ ಹಡಗು ಉದ್ಯಮದಲ್ಲಿ ಇಂದಿಗೂ ಇದೇ ರೀತಿಯ ಕೆಲವು ಕಟ್ಟು ಪಾಡುಗಳನ್ನು ತಪ್ಪದೇ ಅನುಸರಿಸಲಾಗುತ್ತದೆ.

ಹಡಗುಗಳ ಮೂಲ ಹೆಸರು ಬದಲಿಸದಿರಲು ಇನ್ನು ಯಾವೆಲ್ಲಾ ಕಾರಣಗಳಿರಬಹುದು ಮತ್ತು ಇಂತಹ ಆಚರಣೆಗಳ ಕುರಿತು ನಿಮ್ಮ ಅಭಿಪ್ರಾಯ ಏನು ತಿಳಿಸಿ.