ಈ ಮಹಿಳೆಯರು ಯಾರಿಗೂ ಕಮ್ಮಿಯಿಲ್ಲ... ಬ್ರಿಡ್ಜ್‌ಸ್ಟೋನ್ ಕಾರ್ಯಕ್ಕೆ ಎಂಥವರೂ ಭೇಷ್ ಅಂತೀರ!

ಪ್ರಮುಖ ಮಹಿಳಾ ಸಬಲೀಕರಣ ಉಪಕ್ರಮದಲ್ಲಿ, ಬ್ರಿಡ್ಜ್‌ಸ್ಟೋನ್ ಇಂಡಿಯಾ ಇಂದೋರ್‌ನಲ್ಲಿ 200 ಕ್ಕೂ ಹೆಚ್ಚು ಮಹಿಳೆಯರಿಗೆ ವೃತ್ತಿಪರ ಡ್ರೈವರ್‌ಗಳು ಮತ್ತು ಮೆಕ್ಯಾನಿಕ್‌ಗಳಾಗಲು ತರಬೇತಿ ನೀಡಿದೆ. ಸಮಾನ್ ಸೊಸೈಟಿಯ ಸಹಯೋಗದೊಂದಿಗೆ ಯಾಂತ್ರಿಕ ಕಾರ್ಯಕ್ರಮದ ಅಡಿಯಲ್ಲಿ 60 ಮಹಿಳೆಯರು ದ್ವಿಚಕ್ರ ವಾಹನ ಮೆಕ್ಯಾನಿಕ್ ಮತ್ತು 149 ಚಾಲಕರಾಗಿ ತರಬೇತಿ ಪಡೆದಿದ್ದಾರೆ.

ಬ್ರಿಡ್ಜ್‌ಸ್ಟೋನ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಸ್ಟೆಫಾನೊ ಸಂಚಿನಿ ಮಾತನಾಡಿ, ಸ್ವತಃ ನಮ್ಮದು ಮೊಬಿಲಿಟಿ ಸೊಲ್ಯೂಶನ್ಸ್ ಪ್ರೊವೈಡರ್ ಮತ್ತು ವೈವಿಧ್ಯತೆ, ಇಕ್ವಿಟಿ ಮತ್ತು ಒಳಗೊಳ್ಳುವಿಕೆಯನ್ನು ಉತ್ತೇಜಿಸುವ ಕಂಪನಿಯಾಗಿರುವುದಕ್ಕೆ ಹೆಮ್ಮೆಪಡುತ್ತೇವೆ. ನಮ್ಮ ಮಹಿಳಾ ಸಬಲೀಕರಣ ಉಪಕ್ರಮಗಳು ನಮ್ಮ ದೃಷ್ಟಿ ಮತ್ತು ಮೌಲ್ಯಗಳನ್ನು ಉತ್ತಮವಾಗಿ ಸಂಯೋಜಿಸುತ್ತಿವೆ. ಮಹಿಳೆಯರಿಗೆ ಡ್ರೈವರ್ ಮತ್ತು ಮೆಕ್ಯಾನಿಕ್ ತರಬೇತಿ ನೀಡುವುದು ಉತ್ತಮ ಉದಾಹರಣೆಯಾಗಿದೆ ಎಂದರು.

ಚಲನಶೀಲತೆಯ ಪರಿಹಾರಗಳ ಪ್ರಮುಖ ಸ್ತಂಭಗಳಲ್ಲಿ ಒಂದು ತರಬೇತಿ ಪಡೆದ ಪ್ರತಿಭೆಗಳ ಬೆಳವಣಿಗೆಯಾಗಿದೆ. ಹೆಚ್ಚಿನ ಮಹಿಳೆಯರು ಚಲನಶೀಲತೆಯನ್ನು ಆರಿಸಿಕೊಳ್ಳುವುದರಿಂದ, ಅವರು ಗುರುತಿಸಬಹುದಾದ ಬೆಂಬಲ ಸೇವೆಗಳನ್ನು ಹುಡುಕುತ್ತಾರೆ. ಈ ಪ್ರಮುಖ ಮತ್ತು ಅಸಾಂಪ್ರದಾಯಿಕ ವಲಯದಲ್ಲಿ ಮಹಿಳೆಯರಿಗೆ ತರಬೇತಿ ನೀಡುವುದು ತರಬೇತಿ ಪಡೆದ ಸಿಬ್ಬಂದಿಯ ಅಗತ್ಯತೆಯ ಪರಿಣಾಮವಾಗಿದೆ ಎಂದರು.

ಜೊತೆಗೆ ಹೆಚ್ಚು ಮುಖ್ಯವಾಹಿನಿಯ ವಲಯಗಳಲ್ಲಿ ಕೆಲಸ ಮಾಡಲು ಬಯಸುವ ಮಹಿಳೆಯರ ಪ್ರತಿಬಿಂಬವಾಗಿದೆ. ಈ ಉಪಕ್ರಮಗಳು ಅವರಿಗೆ ಆರ್ಥಿಕ ಸ್ವಾತಂತ್ರ್ಯವನ್ನೂ ನೀಡುತ್ತವೆ. ಹೊಸ ಕೌಶಲ್ಯವನ್ನು ಕಲಿಯುವಲ್ಲಿ ಹೆಚ್ಚಿನ ಸಮರ್ಪಣೆ ಮತ್ತು ಶಕ್ತಿಯನ್ನು ತೋರಿಸಿದ ಈ ಮಹಿಳೆಯರನ್ನು ನಾವು ಅಭಿನಂದಿಸುತ್ತೇವೆ ಎಂದು ಬ್ರಿಡ್ಜ್‌ಸ್ಟೋನ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಸ್ಟೆಫಾನೊ ಸಂಚಿನಿ ಹೇಳಿದರು.

ಜೂನ್ 2023 ರಿಂದ ಈ ಮಹಿಳಾ ಮೆಕ್ಯಾನಿಕ್‌ಗಳು "ಮೆಕ್ಯಾನಿಕ್ ಆನ್ ವೀಲ್ಸ್" ಸೇವೆಯ ಭಾಗವಾಗಿದ್ದಾರೆ. ಗ್ರಾಹಕರ ಮನೆಗಳಲ್ಲಿ ದ್ವಿಚಕ್ರ ವಾಹನಗಳ ಸೇವೆಯನ್ನು ಮತ್ತು ಅವಶ್ಯಕತೆಗೆ ಅನುಗುಣವಾಗಿ ತುರ್ತು ರಸ್ತೆ ಬದಿಯ ದುರಸ್ತಿಗಳನ್ನು ಒದಗಿಸುತ್ತಿದ್ದಾರೆ. ಇಂದೋರ್ ನಗರದೊಳಗೆ ಎಲ್ಲರೂ ಸೇವೆಗಳನ್ನು ಪಡೆಯಬಹುದು ಎಂದು ಬ್ರಿಡ್ಜ್‌ಸ್ಟೋನ್ ತಿಳಿಸಿದೆ.

ಶಿಕ್ಷಣಾರ್ಥಿಗಳ ಮೊದಲ ಬ್ಯಾಚ್ ಈಗ ಮಾಸ್ಟರ್ ಟ್ರೈನರ್‌ಗಳಾಗಿ ಮಾರ್ಪಟ್ಟಿದೆ. ಪ್ರತಿಯಾಗಿ ಇತರ ಮಹಿಳೆಯರಿಗೆ ತರಬೇತಿ ನೀಡುತ್ತಿದ್ದಾರೆ. ಹೆಚ್ಚಿನ ಶಿಕ್ಷಣಾರ್ಥಿಗಳು ದ್ವಿಚಕ್ರ ವಾಹನ ಶೋರೂಮ್‌ಗಳು, ಸೇವಾ ಕೇಂದ್ರಗಳಲ್ಲಿ ಉದ್ಯೋಗಿಗಳಾಗಿದ್ದರೇ, ಇನ್ನೂ ಕೆಲವರು ತಮ್ಮದೇ ಆದ ಗ್ಯಾರೇಜ್‌ಗಳನ್ನು ಸಹ ಪ್ರಾರಂಭಿಸಿದ್ದಾರೆ ಎಂದು ಬ್ರಿಡ್ಜ್‌ಸ್ಟೋನ್ ಹೇಳಿಕೊಂಡಿದೆ.

ಮೂರುವರೆ ತಿಂಗಳುಗಳ ಕಾಲ ಚಾಲನಾ ಕೌಶಲ್ಯ, ತಡೆಗಟ್ಟುವ ನಿರ್ವಹಣೆ ಮತ್ತು ತುರ್ತು ದುರಸ್ತಿಯನ್ನು ಚಾಲಕರಿಗೆ ತರಬೇತಿ ನೀಡಲಾಗುತ್ತದೆ. ಇಂಗ್ಲಿಷ್ ಮಾತನಾಡುವುದು, ಮ್ಯಾಪ್ ರೀಡಿಂಗ್, ಪ್ರಥಮ ಚಿಕಿತ್ಸೆ, ಆತ್ಮರಕ್ಷಣೆಯಲ್ಲಿ ಸಾಫ್ಟ್ ಸ್ಕಿಲ್ಸ್ ತರಬೇತಿಯನ್ನೂ ನೀಡಲಾಗುತ್ತದೆ. ಮಹಿಳೆಯರಿಗೆ ಸಂಬಂಧಿಸಿದ ಕಾನೂನು, ಮೋಟಾರು ವಾಹನ ಕಾಯಿದೆ, ವಿಮಾ ಕಾಯಿದೆಗಳ ಒಳನೋಟವನ್ನು ಸಹ ಒದಗಿಸಲಾಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.