ಪುತಿನ್‌ಗೂ ನಡುಕ ಸೃಷ್ಟಿಸಿದ ಬ್ರಿಟನ್‌ನ ಅತ್ಯಂತ ದೊಡ್ಡ ಯುದ್ಧ ಹಡಗು

ಬ್ರಿಟನ್ ಪಾರ್ಲಿಮೆಂಟ್ ಗಿಂತಲೂ ದೊಡ್ಡದಾಗಿರುವ 65,000 ಟನ್ ಭಾರವುಳ್ಳ ಎಚ್ ಎಂಎಸ್ ಕ್ವೀನ್ ಎಲಿಜಬೆತ್ ಮತ್ತು ಎಚ್ ಎಂಎಸ್ ಪ್ರಿನ್ಸ್ ಆಫ್ ವೇಲ್ಸ್ ಗಳೆಂಬ ಎರಡು ಯುದ್ಧ ವಿಮಾನ ವಾಹಕ ಹಡಗುಗಳನ್ನು ಅನಾವರಣಗೊಳಿಸಲಾಗಿದೆ.

ಬ್ರಿಟನ್ ಇತಿಹಾಸದಲ್ಲೇ ಅತ್ಯಂತ ದೊಡ್ಡ ಮತ್ತು ಪ್ರಬಲ ಕದನ ಹಡಗು ಎಂದೇ ಇದನ್ನು ವಿಶ್ಲೇಷಿಸಲಾಗಿದೆ. ನೌಕಾದಳದ ಹಿರಿಯ ಕಮಾಂಡರ್ ಕೆಚ್ಚೆದೆಯ ಮಾತುಗಳ ಪ್ರಕಾರ, ಶತ್ರು ರಾಷ್ಟ್ರಗಳು ದಾಳಿ ನಡೆಸುವ ಮುನ್ನ ಎರಡೆರಡು ಬಾರಿ ಯೋಚಿಸಬೇಕಾಗಿತು ಎಂದು ಎಚ್ಚರಿಸಿದ್ದಾರೆ.

ಯುದ್ಧವನ್ನು ಆರಂಭಿಸುವ ಬದಲು ನಿಲ್ಲಿಸುವುದು ನಮ್ಮ ಗುರಿಯಾಗಿದೆ. ಹಾಗೊಂದು ವೇಳೆ ಯಾರೇ ಕದನಕ್ಕೆ ಮುಂದಾದ್ದಲ್ಲಿ ತಕ್ಕ ಉತ್ತರ ನೀಡಲಾಗುವುದು ಎಂದಿದ್ದಾರೆ.

932 ಅಡಿ ಉದ್ದದ ಎಚ್ ‌ಎಂಎಸ್ ಎಲಿಜಬೆತ್ ಎಷ್ಟು ಬೃಹತ್ತಾಗಿದೆಯೆಂದರೆ ರಾಯಲ್ ನೇವಿಯ ಹಳೆಯ ಕದನ ಹಡಗನ್ನೇ ಹೊತ್ತೊಯ್ಯುವಷ್ಟು ಸಾಮರ್ಥ್ಯ ಹೊಂದಿದೆ.

ನೂತನ ಎಲಿಜಬೆತ್ ಕದನ ಹಡಗು ಏಕಕಾಲಕ್ಕೆ 36ರಷ್ಟು ಎಫ್-35ಬಿ ಫೈಟರ್ ಜೆಟ್ ವಿಮಾನಗಳನ್ನು ಸಾಗಿಸುವಷ್ಟು ಸಮರ್ಥವಾಗಿದೆ. ಇದಲ್ಲದೆ ಮರ್ಲಿನ್ ಹೆಲಿಕಾಪ್ಟರ್, ಚಿನೂಕ್ಸ್, ಅಪಾಚಿ ಗನ್ ಶಿಪ್ ಮುಂತಾದವುಗಳನ್ನು ಸಾಗಿಸಲಿದೆ.

ಹಾಗಿದ್ದರೂ ನಿರ್ಮಾಣ ಕಾರ್ಯ ಪ್ರಗತಿಯಲ್ಲಿದ್ದು, ಮುಂದಿನ ವರ್ಷ ಪ್ರಾಯೋಗಿಕ ಸಂಚಾರ ಪರೀಕ್ಷೆ ನಡೆಯಲಿದೆ. ಬಳಿಕ 2020ರ ವೇಳೆಯಲ್ಲಷ್ಟೇ ಯುದ್ಧಕ್ಕೆ ಸಿದ್ಧಗೊಳ್ಳಲಿದೆ. ಇದಾದ 18 ತಿಂಗಳ ಬಳಿಕ ಸೋದರಿ ಎಚ್‌ಎಂಎಸ್ ಪ್ರಿನ್ಸ್ ಆಫ್ ವೇಲ್ಸ್ ಸಹ ಸೇರ್ಪಡೆಯಾಗಲಿದೆ.

ಜಾಗತಿಕ ಶಾಂತಿಗೆ ಭೀತಿಯಾಗಿರುವ ಐಸಿಸ್ ಉಗ್ರರನ್ನು ಮಟ್ಟ ಹಾಕುವುದು ಪ್ರಮುಖ ಗುರಿಯಾಗಿದೆ. ಇದೇ ಸಂದರ್ಭದಲ್ಲಿ ಶತ್ರು ರಾಷ್ಟ್ರಗಳಿಗೂ ಸ್ಪಷ್ಟ ಸಂದೇಶವನ್ನು ಸಾರಲಾಗಿದೆ.

10,000ದಷ್ಟು ಸೈನಿಕ ಬಲದ ನೆರವಿನಿಂದ ಬ್ರಿಟನ್‌ನ ಅತಿ ದೊಡ್ಡ ಯುದ್ಧ ಹಡಗನ್ನು ನಿರ್ಮಿಸಲಾಗಿದೆ. ಇದು ವಿಶ್ವ ವಿಖ್ಯಾತ ನಿಯಾಗ್ರ ಜಲಪಾತಗಿಂತಲೂ ದೊಡ್ಡದಾಗಿದೆ.

ಪ್ರತಿ ಹಡಗಿನಲ್ಲೂ 3,000ದಷ್ಟು ಕಂಪಾರ್ಟ್ ಮೆಂಟ್ ಗಳಿದ್ದು 700ರಷ್ಟು ನಾವಿಕರಿರಲಿದ್ದಾರೆ. ಇದಲ್ಲದೆ 900ದಷ್ಟು ವಾಯು ಮತ್ತು ನೌಕಾದಳದ ಸೈನಿಕರನ್ನು ಹೊತ್ತೊಯ್ಯಬಹುದಾಗಿದೆ.

ಮುಂದಿನ ದಿನಗಳಲ್ಲಿ ಬ್ರಿಟನ್‌ನ ಅತ್ಯಂತ ಪ್ರಬಲ ಆಯುಧವಾಗಿ ಕ್ವೀನ್ ಎಲಿಜಬೆತ್ ಕದನ ಹಡಗು ಮಾರ್ಪಾಡುಗೊಳ್ಳಲಿದೆ. ಇದು ನೌಕಾ ದಳದಲ್ಲಿ ಬ್ರಿಟನ್ ಗೆ ಮತ್ತಷ್ಟು ಬಲ ತುಂಬಲಿದೆ.

ಈ ಎಲ್ಲ ಬೆಳವಣಿಗೆಯನ್ನು ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುತಿನ್ ಅತ್ಯಂತ ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾರೆ. ಮೊದಲಿನಿಂದಲೂ ಯುದ್ಧ ಹಡಗು ನಿರ್ಮಿಸುವುದರಲ್ಲಿ ನಿಸ್ಸೀಮವೆನಿಸಿರುವ ರಷ್ಯಾ ಇದಕ್ಕೆ ತಕ್ಕ ಪ್ರತ್ಯುತ್ತರ ನೀಡಲಿದೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ.

ಜಲಾಂತರ್ಗಾಮಿ ನೌಕೆಯಲ್ಲಿ ಕಪ್ಪು ಸಾಗರದೊಳಗೆ ಧುಮುಕಿದ ರಷ್ಯಾ ಅಧ್ಯಕ್ಷರು

ಇದೇನಿದು, ರಷ್ಯಾ ಅಧ್ಯಕ್ಷರಿಗೆ ಇಷ್ಟೊಂದು ಕಾರುಗಳೇ?