ಕಾರಿನ ಬಾನೆಟ್ ಮೇಲೆ ಡಿಶ್ ಅಳವಡಿಸಿಕೊಂಡ ಕಾರಣಕ್ಕೆ ದಂಡ ತೆತ್ತ ಕಾರು ಚಾಲಕ

ಆ ಕಾರಿನ ರೂಫ್ ಮೇಲೆ ಹತ್ತು ಸೈಕಲ್‌ಗಳನ್ನು ಅಳವಡಿಸಲಾಗಿತ್ತು. ಆ ಕಾರಿನ ಚಾಲಕ ಪರವಾನಗಿ ಹೊಂದಿದ್ದ. ಆದರೆ ಕಾರಿನ ರೂಫ್ ಮೇಲೆ ನಿಗದಿಪಡಿಸಿದ್ದಕ್ಕಿಂತ ಹೆಚ್ಚು ಸರಕುಗಳನ್ನು ಸಾಗಿಸಿದ ಕಾರಣಕ್ಕೆ ಆತನ ಮೇಲೆ ಕಾನೂನು ಕ್ರಮ ಜರುಗಿಸಲಾಯಿತು.

ಈಗ ಅಮೆರಿಕಾ ಪೊಲೀಸರು ಸಹ ವಿಚಿತ್ರ ಸನ್ನಿವೇಶವನ್ನು ಎದುರಿಸಿದ್ದಾರೆ. ಕ್ಯಾಲಿಫೋರ್ನಿಯಾ ಹೆದ್ದಾರಿಯಲ್ಲಿ ಗಸ್ತು ತಿರುಗುತ್ತಿದ್ದ ಪೊಲೀಸ್ ಅಧಿಕಾರಿಯೊಬ್ಬರು ಟೊಯೊಟಾ ಪ್ರಿಯಸ್ ಕಾರನ್ನು ತಡೆದು ನಿಲ್ಲಿಸಿದ್ದಾರೆ.

ಆ ಕಾರಿನ ಬಾನೆಟ್‌ ಮೇಲೆ ಸ್ಯಾಟಲೈಟ್ ಡಿಶ್ ಅಳವಡಿಸಿದ್ದ ಕಾರಣ ಪೊಲೀಸರು ಕಾರ್ ಅನ್ನು ತಡೆದಿದ್ದಾರೆ. ಪೊಲೀಸರು ಆ ಕಾರಿನ ಫೋಟೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದಾರೆ.

ಈ ರೀತಿ ಕಾರಿನ ಬಾನೆಟ್ ಮೇಲೆ ಸ್ಯಾಟಲೈಟ್ ಡಿಶ್ ಅಳವಡಿಸುವುದು ಕಾನೂನುಬಾಹಿರವೆಂದು ಅವರು ಹೇಳಿದ್ದಾರೆ. ಕಾರಿನಲ್ಲಿ ಸ್ಯಾಟಲೈಟ್ ಡಿಶ್ ಅಳವಡಿಸುವುದರಿಂದ ಅಪಘಾತ ಸಂಭವಿಸುವ ಸಾಧ್ಯತೆಗಳಿರುತ್ತವೆ ಎಂದು ಪೊಲೀಸರು ಹೇಳಿದ್ದಾರೆ.

ಭದ್ರತಾ ಕಾರಣಗಳಿಗಾಗಿ ವಾಹನ ಸವಾರರು ಈ ರೀತಿ ಮಾಡಬಾರದೆಂದು ಪೊಲೀಸರು ತಿಳಿಸಿದ್ದಾರೆ. ಕಾರಿನಲ್ಲಿ ಸ್ಯಾಟಲೈಟ್ ಡಿಶ್ ಅಳವಡಿಸಿರುವ ಬಗ್ಗೆ ಪೊಲೀಸರು ಕಾರು ಚಾಲಕನನ್ನು ಪ್ರಶ್ನಿಸಿದ್ದಾರೆ.

ಕಾರಿನ ಬಾನೆಟ್‌ನಲ್ಲಿ ಅಳವಡಿಸಲಾಗಿರುವ ಸ್ಯಾಟಲೈಟ್ ಡಿಶ್'ನಿಂದ ಉತ್ತಮ ಸಿಗ್ನಲ್ ಹಾಗೂ ಇಂಟರ್'ನೆಟ್ ದೊರೆಯುವುದರಿಂದ ಈ ರೀತಿ ಮಾಡಲಾಗಿದೆ ಎಂದು ಆತ ಉತ್ತರ ನೀಡಿದ್ದಾನೆ.

ನಿಯಮ ಉಲ್ಲಂಘಿಸಿದ ಕಾರಣಕ್ಕೆ ಪೊಲೀಸರು ಆತನಿಗೆ ದಂಡ ವಿಧಿಸಿದ್ದಾರೆ ಎಂದು ವರದಿಯಾಗಿದೆ. ಆದರೆ ಆತನಿಗೆ ಎಷ್ಟು ದಂಡ ವಿಧಿಸಲಾಯಿತು ಎಂಬುದು ಖಚಿತವಾಗಿಲ್ಲ. ಚಾಲಕ ತನ್ನ ಕ್ರಮವನ್ನು ಸಮರ್ಥಿಸಿ ಕೊಂಡಿದ್ದಾನೆ ಎಂದು ಹೇಳಲಾಗಿದೆ.

ಭಾರತದಲ್ಲಿಯೂ ಹಲವು ವಾಹನ ಸವಾರರು ನಿಯಮಗಳನ್ನು ಉಲ್ಲಂಘಿಸಿ ವಾಹನ ಮಾಡಿಫೈಗೊಳಿಸುತ್ತಾರೆ. ಇದು ಅಪಘಾತಕ್ಕೆ ಕಾರಣವಾಗುತ್ತದೆ. ವಾಹನ ಮಾರ್ಪಾಡು ಮಾಡುವುದನ್ನು ಸುಪ್ರೀಂ ಕೋರ್ಟ್ ನಿಷೇಧಿಸಿರುವುದರಿಂದ ಪೊಲೀಸರು ಮಾಡಿಫೈಗೊಂಡ ವಾಹನ ಸವಾರರ ವಿರುದ್ಧ ಕ್ರಮ ಕೈಗೊಳ್ಳುತ್ತಿದ್ದಾರೆ.

ಗಮನಿಸಿ: ಈ ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.