ನಕಲಿ, ನಕಲಿ ಕಾರುಗಳೇ ನಕಲಿ; ಹೀಂಗಾದ್ರೆ ಹೇಂಗೆ?

ಇಂದಿನ ಈ ಲೇಖನದಲ್ಲಿ ಜಗತ್ತಿನಾದ್ಯಂತ ಕಾರುಗಳ ನಕಲಿ ವಿನ್ಯಾಸ ಮಾಡಿರುವುದರ ಬಗ್ಗೆ ವಿವರವಾಗಿ ಹೇಳಿಕೊಡಲಿದ್ದೇವೆ. ಇಲ್ಲಿ ಚೀನಾ ಸಂಸ್ಥೆಗಳೇ ಮುಂದಿರುವುದು ವಿಪರ್ಯಾಸವೇ ಸರಿ.

ಇದನ್ನು ಸೂಕ್ಷ್ಮವಾಗಿ ಗಮನಿಸಿ...ಇದು ಗೀಲಿ ಪಂಡಾ (Geely Panda). ನಿಜವಾಗ್ಲು ಇದು ಯಾವ ಕಾರಿನ ನಕಲಿ ಎಂಬುದು ಗೊತ್ತೇ? ಉತ್ತರಕ್ಕಾಗಿ ಮುಂದಿನ ಸ್ಲೈಡರ್ ಕ್ಲಿಕ್ಕಿಸಿ...

ಮಾರುತಿ ಎಸ್ಟಾರ್/ಸುಜುಕಿ ಆಲ್ಟೊ

ಚೀನಾದಲ್ಲಿರುವ ಗೀಲಿ ಪಂಡಾ ಕಾರನ್ನು ಪ್ರತ್ಯೇಕವಾಗಿ ನೋಡಿದಾಗ ಯಾವುದೇ ಕುಂದು ಕೊರತೆಗಳು ಕಾಣಿಸುವುದಿಲ್ಲ. ಬದಲಾಗಿ ಇದರ ವೃತ್ತಕಾರಾದ ಗ್ರಿಲ್ ಹಾಗೂ ಹೆಡ್‌ಲ್ಯಾಂಪ್‌ಗಳು ಆಕರ್ಷಕವೆನಿಸಿದೆ. ಆದರೆ ಇಲ್ಲಿ ಕೊಟ್ಟಿರುವ ಎಸ್ಟಾರ್ ಕಾರಿನೊಂದಿಗೆ ಹೋಲಿಸಿದಾಗ ಬಹುತೇಕ ವಿನ್ಯಾಸವು ನಕಲಿ ಎಂಬುದನ್ನು ನೀವೇ ಗಮನಿಸಬಹುದು.

ಡೊಂಗ್‌ಫೆಂಗ್ ಇಕ್ಯೂ 2050 ( Dongfeng EQ 2050). ಇದ್ಯಾವ ನಕಲಿಯೋ?

ಹಮ್ಮರ್ ಎಚ್1

ಅಮೆರಿಕದ ಐಕಾನಿಕ್ ವಾಹನವಾಗಿರುವ ಹಮ್ಮರ್ ಎಚ್1 ತದ್ರೂಪ ಸೃಷ್ಟಿಸಲು ಡೊಂಗ್‌ಫೆಂಗ್ ಇಕ್ಯೂ 2050 ಯಾವುದೇ ಕನಿಕರವನ್ನು ತೋರಿಲ್ಲ. ಇಲ್ಲಿ ಹೆಡ್‌ಲೈಟ್ ಹಾಗೂ ಗ್ರಿಲ್ ಹೊರತುಪಡಿಸಿ ಇತರೆಲ್ಲ ವಿನ್ಯಾಸವು ತದ್ರೂಪವಾಗಿದೆ. ನಿಸ್ಸಂಶವಾಗಿಯೂ ಮಿಲಿಟರಿ ವಾಹನಗಳಿಗೆ ಕಾಸ್ಮೆಟಿಕ್‌ಗಳ ಅಗತ್ಯವಿರುವುದಿಲ್ಲ. ಹಾಗಿದ್ದರೂ ಚೀನಾದ ಈ ವಾಹನವು ಸ್ವಲ್ಪ ನೈತಿಕತೆ ಬೀರಿದ್ದಲ್ಲಿ ಚೆನ್ನಾಗಿತ್ತು.

ದಿ ಗ್ರೇಟ್ ವಾಲ್ ಫ್ಲೋರಿಡ್ (Great Wall Florid) ವರ್ಸಸ್...

ಟೊಯೊಟಾ ಫಸ್ಟ್

ಹೆಸರಿನಲ್ಲೆನೋ ಧಮ್ ಇದೆ. ಆದರೆ ಅಷ್ಟೇ ಜಾಣ ಕುರುಜುತಣ ಇಲ್ಲಿ ವ್ಯಕ್ತವಾಗುತ್ತಿದೆ. ಟೊಯೊಟಾ ಫಸ್ಟ್ ತದ್ರೂಪ ಆಗಿರುವ ದಿ ಗ್ರೇಟ್ ವಾಲ್ ಫ್ಲೋರಿಡ್‌‍ನ ವಿನ್ಯಾಸಗಾರರು ಬುದ್ಧಿಯೇ ಪ್ರಯೋಗಿಸಿಲ್ಲ ಎಂಬುದಂತೂ ಸ್ಪಷ್ಟ. ಒಟ್ಟಿನ್ಲಲಿ ಕಾಪಿ ಪೇಸ್ಟ್ ಕೆಲಸವಂತೂ ನಾಜೂಕಾಗಿ ಮಾಡುವಲ್ಲಿ ಯಶಶ್ವಿಯಾಗಿದ್ದಾರೆ.

ಟೆಂಪೊ ಟ್ರಾಕ್ಸ್ ಜುಡೋ (Tempo Trax Judo) ಇದರಲ್ಲೇನಿದೆ?

ಮರ್ಸಿಡಿಸ್ ಬೆಂಝ್ ಜಿ ವ್ಯಾಗನ್

ನಕಲಿ ಕಾಯಕದಿಂದ ಐಷಾರಾಮಿ ವಾಹನಗಳನ್ನು ಹೊರತುಪಡಿಸಿಲ್ಲ. ವಿಭಿನ್ನ ಗ್ರಾಹಕರನ್ನು ಗುರಿಯಾಗಿರಿಸಿಕೊಂಡರೂ ಟೆಂಪೊ ಟ್ರಾಕ್ಸ್ ಜುಡೋ ವಿನ್ಯಾಸ ಗಮನಿಸಿದಾಗ ಭೆಂಝ್‌ನ ಜಿ ವ್ಯಾಗನ್‌ನಿಂದ ಪ್ರೇರಣೆ ಪಡೆದಂತಿದೆ. ಇದರ ಹೆಡ್‌ಲ್ಯಾಂಪ್, ವೀಲ್ ಆರ್ಚ್, ದೇಹ ವಿನ್ಯಾಸ ಎಲ್ಲವೂ ಅನುಕರಣೆ ಮಾಡುವುದರಲ್ಲಿ ಸಂಸ್ಥೆ ಯಶಸ್ವಿಯಾಗಿದೆ.

ಲೈಫನ್ 320 (Lifan 320) : ಏನೋ ಮಾಡಲು ಹೋಗಿ ಏನು ಮಾಡಿದೆ ನೀನು?

ಮಿನಿ ಕೂಪರ್

ಜಗತ್ತಿನ ಅತ್ಯಂತ ಸುಂದರ ಕಾರುಗಳಲ್ಲಿ ಮಿನಿ ಕೂಪರ್ ಒಂದಾಗಿದೆ. ಆದರೆ ಕೂಪರ್ ವಿನ್ಯಾಸ ನಕಲಿ ಮಾಡುವಲ್ಲಿ ಲೈಫನ್ ಸಂಪೂರ್ಣ ವಿಫಲವಾಗಿರುವುದಂತೂ ಕಟು ಸತ್. ಇದು ಚೀನಾದ ನಕಲಿ ಪರಿಪಾಠಕ್ಕೆ ಮಗದೊಂದು ಉದಾಹರಣೆಯಷ್ಟೇ. ಇಲ್ಲಿ ನಕಲಿಯ ಮೌಢ್ಯತೆ ಎಷ್ಟಿತೆಂದರೆ ಲೈಸನ್ಸ್ ಪ್ಲೇಟ್ ಸಹ ಅದೇ ರೀತಿ ಕಾಪಿ ಪೇಸ್ಟ್ ಮಾಡುವ ಪ್ರಯತ್ನ ಮಾಡಲಾಗಿತ್ತು.

ದಿ ಅರೈನೆರಾ ಆಟೋಮೋಟಿವ್ ಹುಸ್ಸರಾಯಾ (Arrinera Automotive Hussaraya): ಹೆಸರು ಉಚ್ಛರಿಸುವುದೇ ದೊಡ್ಡ ಪೇಚಿಗೆ ಸಿಲುಕಿದಂತಾಗುತ್ತದೆ. ಇದನ್ನು ವಿನ್ಯಾಸವೇನೋ ಹೇಗಿರಬಹುದು?

ಲಂಬೋರ್ಗಿನಿ ರೆವೆಂಟನ್

ಈ ಎರಡು ಚಿತ್ರಗಳನ್ನು ನೋಡಿ ಅಸಲಿ ಲಂಬೋರ್ಗಿನಿ ಯಾವುದು ಎಂಬುದನ್ನು ಗುರುತಿಸಬಲ್ಲೀರಾ?. ನಕಲಿ ಎಂಬುದು ಚೀನಾಕ್ಕೆ ಮಾತ್ರ ಸೀಮಿತವಲ್ಲ. ಯಾಕೆಂದರೆ ಪೊಲೆಂಡ್‌ನ ಅರೈನೆರಾ ಆಟೋಮೋಟಿವ್ ಸಂಸ್ಥೆಯು, ಲಂಬೋರ್ಗಿನಿ ನಕಲಿ ಹುಸ್ಸರಾಯಾ ನಿರ್ಮಿಸಲು ಯಶಸ್ವಿಯಾಗಿದೆ. ಇದರ ಚಪ್ಪಟೆ ವಿನ್ಯಾಸ ಎಲ್ಲವೂ ನಕಲಿಯಾಗಿದೆ. ಇದು ಪೊಲೆಂಡ್‌ನ ಮೊದಲ ಸೂಪರ್ ಕಾರು ಸಹ ಹೌದು.

ನೀವೇ ಉಚ್ಚರಿಸಿ Shuanghuan CEO

ಬಿಎಂಡಬ್ಲ್ಯು ಎಕ್ಸ್5

ಜರ್ಮನಿಯ ಕಾರು ತಯಾರಿಕ ಸಂಸ್ಥೆಗಳು ಸಹ ಚೀನಾದ ನಕಲಿ ಕಾಟದಿಂದ ಹೊರತಾಗಿರಲಿಲ್ಲ. ಇಲ್ಲಿ ಕೊಟ್ಟಿರುವ ಶುವಾನ್‌ಗುವಾನ್ ಆವೃತ್ತಿಯು ಬಹುತೇಕ ಬಿಎಂಡಬ್ಲ್ಯು ಎಕ್ಸ್5 ವಿನ್ಯಾಸದ ನಕಲಿಯಾಗಿದೆ. ಇದು ಬದಿಯ ದೇಹ ವಿನ್ಯಾಸ, ಟೈಲ್ ಲ್ಯಾಂಪ್, ಪಿಲ್ಲರ್ ಎಲ್ಲವೂ ನಕಲಿಯೆನಿಸಿದೆ.

ಹೌತೈ ಬೊಲಿಗರ್ (Hawtai Boliger)

ಪೋರ್ಷೆ ಕಯಿನ್

ನಿಮಗೆಲ್ಲರಿಗೂ ತಿಳಿದಂತೆಯೇ ಪೋರ್ಷೆ ವಿಶ್ವದ ಪ್ರತಿಷ್ಠಿತ ಕಾರುಗಳಲ್ಲಿ ಒಂದಾಗಿದೆ. ಆದರೆ ಜರ್ಮನಿಯ ಈ ವಾಹನ ತಯಾರಕ ಸಂಸ್ಥೆಯು ನಕಲಿ ಕಾಟಕ್ಕೆ ಬಲಿಯಾಗಿದೆ. ಇದರ ಏರ್‌ಡ್ಯಾಮ್ ಎಲ್‌ಇಡಿ, ಎ,ಬಿ,ಸಿ ಪಿಲ್ಲರ್ ಎಲ್ಲವೂ ಅನುಕರಿಸಲ್ಪಟ್ಟಿದೆ.

ಬಿಎಡಬ್ಲ್ಯು ಬಿ 90

ರೇಂಜ್ ರೋವರ್

ಚೀನಾದ ಮತ್ತೊಂದು ವಾಹನ ತಯಾರಕ ಸಂಸ್ಥೆಯಾಗಿರುವ ಬಿಎಡಬ್ಲ್ಯು, ಐಕಾನಿಕ್ ರೇಂಜ್ ರೋವರ್ ಕಾಪಿ ಮಾಡುವುದಕ್ಕೆ ಕಂಚಿತ್ತೂ ನಾಚಿಕೆ ತೋರಿಲ್ಲ. ಯಾಕೆಂದರೆ ಸಂಪೂರ್ಣ ವಿನ್ಯಾಸವು ಕಾಪಿ ಪ್ರಿಂಟ್ ತರಹನೇ ಇದೆ. ಇದು ನಿಜ್ಜಕ್ಕೂ ಅಚ್ಚರಿ ಮೂಡಿಸುತ್ತದೆ.

ಗೀಲಿ ಜಿಇ (Geely GE)

ರೋಲ್ಸ್ ರಾಯ್ಸ್ ಫಾಟಂ

ಅಪ್ಪಾ ನೋಡಿ, ಅಲ್ಲೊಂದು ರೋಲ್ಸ್ ರಾಯ್ಸ್! ಅಲ್ಲ ಮಗ ಅದು ಗೀಲಿ ಎಂಬ ಮಾತು ಅಪ್ಪನ ಬಾಯಿಯಿಂದ ಕೇಳುವಾಗ ಮಗನ ಮನಸ್ಸಲ್ಲಿ ಬೇಸರವುಂಟಾಗಬಹುದು. ಆದರೆ ಇದನ್ನು ಒಪ್ಪಲೇಬೇಕು. ಶ್ರೀಮಂತರ ಘನತೆಯ ಕಾರಾಗಿರುವ ರೋಲ್ಸ್ ರಾಯ್ಸ್ ಅನುಕರಿಸುವುದರಲ್ಲಿ ಗೀಲಿ ಯಶಸ್ವಿಯಾಗಿರುವುದಂತೂ ನಿಜ.

ಮಸ್ತಾಂಗ್ ಎಫ್16

ಆಡಿ ಎ4 ಅವಂತ್

ಒನ್, ಟು, ತ್ರಿ...ಮಗದೊಮ್ಮೆ ನೀವು ಭ್ರಮೆಗೊಳಗಾಗುವಿರಿ. ಚೀನಾದ ಮಸ್ತಾಂಗ್ 16 ಯುದ್ಧ ವಿಮಾನಗಳಿಂದ ಸ್ಫೂರ್ತಿ ಪಡೆದಿದ್ದಂತೆ? ಆದರೆ ನಿಜವಾಗ್ಲೂ ಇದು ಖೇದಕರ. ಯಾಕೆಂದರೆ ಇದು ಆಡಿ ವಿನ್ಯಾಸದಿಂದ ಕಾಪಿ ಮಾಡಲಾಗಿದೆ.

ಟಾಟಾ ಸಫಾರಿ

ಲ್ಯಾಂಡ್ ರೋವರ್ ಡಿಸ್ಕವರಿ

ನಿಮಗೆಲ್ಲರಿಗೂ ತಿಳಿದಂತೆಯೇ ಟಾಟಾ ಸಫಾರಿ ದೇಶದ ಜನಪ್ರಿಯ ವಾಹನಗಳಲ್ಲಿ ಒಂದಾಗಿದೆ. ಆದರೆ ಎರಡು ಚಿತ್ರಗಳನ್ನು ಗಮನಿಸಿದಾಗ ನಿಮಗೆ ನೈಜತೆಯ ಬಣ್ಣ ಬಯಲಾಗಲಿದೆ. ಇದರ ದೇಹ ವಿನ್ಯಾಸ, ರೂಫ್ ಲೈನ್, ಗ್ರೀನ್‌ಹೌಸ್ ಹಾಗೂ ವಿಂಡೋ ಎಲ್ಲವೂ ನಕಲಿ ರೂಪವಾಗಿದೆ.

ಬಿವೈಡಿ ಎಫ್8

ಮರ್ಸಿಡಿಸ್ ಬೆಂಝ್ ಸಿಎಲ್‌ಕೆ

ಇಷ್ಟೆಲ್ಲ ಆದ ಮೇಲೆ ತಾವೇಕೆ ಕಮ್ಮಿ ಎಂಬಂತೆ ವರ್ತಿಸಿರುವ ಚೀನಾದ ಬಿವೈಡಿ, ಲಗ್ಷುರಿ ಬೆಂಝ್ ಗಾಡಿಯನ್ನೇ ನಕಲಿ ಮಾಡಿದೆ. ಇದು ದೇಹ ಭಾಷೆಯಿಂದ ಹಿಡಿದು ಎಲ್ಲವನ್ನು ಅನುಕರಣೆ ಮಾಡುವ ಪ್ರಯತ್ನ ಮಾಡಿದೆ.

ಶುವನ್‌ಗುವಾನ್ ನೋಬ್ಲ್ (Shuanguan Noble)

ಸ್ಮಾರ್ಟ್ ಫಾರ್ ಟು

ಸಂಪೂರ್ಣ ಡಿಸೈನ್ ಮರುಕಲ್ಪಿಸುವ ಪ್ರಯತ್ನ ಇಲ್ಲಿ ಮಾಡಲಾಗಿದೆ. ಇಲ್ಲಿ ವಿನ್ಯಾಸಗಾರರು ಎಷ್ಟು ಸೋಮರಿಗಳು ಎಂಬುದು ಇದರಿಂದಲೇ ವ್ಯಕ್ತವಾಗುತ್ತದೆ.

ನಕಲಿ ನಕಲಿ...

ಅಂತಿಮವಾಗಿ ವಾಹನ ತಯಾರಕ ಸಂಸ್ಥೆಯು ಸಣ್ಣ ಬಜೆಟ್‌ನಲ್ಲಿ ಹೆಚ್ಚು ಲಾಭ ಗಿಟ್ಟಿಸಿಕೊಳ್ಳಲು ಪ್ರಯತ್ನಿಸಿದಾಗ ಅಥವಾ ರೇಖಾಚಿತ್ರ ಚಿತ್ರಿಕರಿಸಲು ನುರಿತ ವಿನ್ಯಾಸಗಾರರ ಕೊರತೆ ಕಾಡಿದಾಗ ಇಂತಹ ನಕಲಿ ಸಿದ್ಧಾಂತಗಳು ಹುಟ್ಟಿಕೊಳ್ಳುತ್ತವೆ. ಇಲ್ಲಿ ಚೀನಾದ ವಿಚಾರಕ್ಕೆ ಬಂದಾಗ ಸರಕಾರವೇ ಇಂತಹ ವಾಹನ ಸಂಸ್ಥೆಗಳ ಪರವಾಗಿರುವುದು ನಿಜಕ್ಕೂ ವಿಪರ್ಯಾಸ... ಇದೀಗ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜೊತೆ ಹಂಚಿಕೊಳ್ಳಿರಿ...