ಕಾರುಗಳ ಮೇಲಿಂದ ಬಸ್ ಸಂಚಾರ ಹೇಗೆ, ಎತ್ತ?

22 ಮೀಟರ್ ಉದ್ದ, 7.8 ಮೀಟರ್ ಅಗಲ ಮತ್ತು 4.8 ಮೀಟರ್ ಎತ್ತರವನ್ನು ಹೊಂದಿರುವ ಟ್ರಾನ್ಸಿಫ್ಟ್ ಎಲೇವೇಟಡ್ ಬಸ್, ಒಂದೇ ಕಾಲದಲ್ಲಿ 300ರಷ್ಟು ಪ್ರಯಾಣಿಕರನ್ನು ಹೊತ್ತೊಯ್ಯುವ ಸಾಮರ್ಥ್ಯವನ್ನು ಪಡೆದಿದೆ.

ಇನ್ನು ಭವಿಷ್ಯದ ಆವೃತ್ತಿಗಳು 1400 ಪ್ರಯಾಣಿಕರನ್ನು ಹೊತ್ತೊಯ್ಯಬಲ್ಲ ಸಾಮರ್ಥ್ಯವನ್ನು ಹೊಂದಿರಲಿದ್ದು, ಗಂಟೆಗೆ 60 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.

ರಸ್ತೆಯಲ್ಲಿ ನಿರ್ಮಿಸಲಾಗಿರುವ ವಿಶೇಷ ಟ್ರ್ಯಾಕ್ ಗಳ ಮೇಲೆ ಟ್ರಾನ್ಸಿಸ್ಟ್ ಬಸ್ಸುಗಳು ಸಂಚರಿಸಲಿದ್ದು, ಇದರ ಕೆಳಗಡಿಯಿಂದಾಗಿ ಕಾರುಗಳು ಸುಗಮವಾಗಿ ಸಂಚರಿಸಲಿದೆ.

ಉತ್ತರ ಚೀನಾದ ಹೆಬೆ ಪ್ರಾಂತ್ಯದ ಕಿನ್ ಹುವಾಂಗ್ದಾವೆ ನಗರದಲ್ಲಿ ಟ್ರಾನ್ಸಿಸ್ಟ್ ಬಸ್ಸುಗಳ ಪರೀಕ್ಷಾರ್ಥ ಸಂಚಾರ ಪರೀಕ್ಷೆಯು ಇದೇ ಸಾಲಿನ ದ್ವಿತಿಯಾರ್ಧದಲ್ಲಿ ನೆರವೇರಲಿದೆ. ಇಲ್ಲಿ ಬ್ರೇಕಿಂಗ್ ನಿಖರತೆ, ಸಾಮರ್ಥ್ ಮುಂತಾದ ಪರೀಕ್ಷೆಗಳು ನೆರವೇರಲಿದೆ ಎಂದು ಟೆಬ್ ಟೆಕ್ ಸಂಸ್ಥೆಯು ತಿಳಿಸಿದೆ.

ಆಗಲೇ ಇದೇ ಮಾದರಿಯ ಟ್ರಾನ್ಸಿಸ್ಟ್ ಇಲೇವೇಟಡ್ ಬಸ್ ವ್ಯವಸ್ಥೆಯನ್ನು ತಮ್ಮ ದೇಶದಲ್ಲೂ ರೂಪಿಸಲು ನಮ್ಮ ಭಾರತ ಸೇರಿದಂತೆ ಬ್ರೆಜಿಲ್, ಫ್ರಾನ್ಸ್, ಇಂಡೋನೇಷ್ಯಾ ಸರಕಾರಗಳು ಉತ್ಸುಕತೆಯನ್ನು ತೋರಿದೆ.

ಸಾಮಾನ್ಯ ರಸ್ತೆ ಪರಿಸ್ಥಿತಿಯಲ್ಲಿ ಬಸ್ಸುಗಳಿಂದಾಗಿ ಭಾರಿ ವಾಹನ ದಟ್ಟಣೆ ಸೃಷ್ಟಿಯಾಗುತ್ತದೆ. ಆದರೆ ಇಂತಹದೊಂದು ಯೋಜನೆ ನನಸಾಗುವುದರೊಂದಿಗೆ ಬಸ್ಸಿನಡಿಯಿಂದಲೇ ಕಾರುಗಳು ಸಂಚರಿಸಲಿದೆ.

ಇತರೆ ಸಬ್ ವೇ ಯೋಜನೆಗಳಿಗೆ ಹೋಲಿಸಿದಾಗ ಟ್ರಾನ್ಸಿಸ್ಟ್ ಇಲೇವೇಟಡ್ ಬಸ್ಸುಗಳ ನಿರ್ಮಾಣ ವೆಚ್ಚವು ಬಹಳ ಕಡಿಮೆಯಾಗಿದೆ ಎಂಬುದನ್ನು ಸಂಸ್ಥೆಯು ತಿಳಿಸಿದೆ. ಅಲ್ಲದೆ ಒಂದು ವರ್ಷದ ಅವಧಿಯಲ್ಲಿ ಯೋಜನೆ ಪೂರ್ಣಗೊಳಿಸಲಾಗುವುದು ಎಂಬ ಭರವಸೆಯನ್ನಿತ್ತಿದೆ.

ಚೀನಾ ಸಾರಿಗೆ ವ್ಯವಸ್ಥೆಯಲ್ಲಿ ನೂತನ ಲ್ಯಾಂಡ್ ಏರ್ ಬಸ್ ಕಾನ್ಸೆಪ್ಟ್ ಹೊಸ ಮೈಲುಗಲ್ಲನ್ನು ಬರೆಯಲಿದೆ. ಇದು ರಸ್ತೆಯಿಂದ ಎರಡು ಮೀಟರ್ ಗಳಷ್ಟು ಅಂತರವನ್ನು ಕಾಪಾಡಿಕೊಳ್ಳಲಿದೆ.

ಲ್ಯಾಂಡ್ ಏರ್ ಬಸ್ ವ್ಯವಸ್ಥೆಯು 40ರಷ್ಟು ಸಾಂಪ್ರದಾಯಿಕ ಬಸ್ಸುಗಳಿಗೆ ಬದಲಿ ವ್ಯವಸ್ಥೆಯಾಗಿರಲಿದೆ. ಇವೆಲ್ಲದರ ಮುಖಾಂತರ 800 ಟನ್ ಗಳಷ್ಟು ಇಂಧನ ಉಳಿತಾಯದೊಂದಿಗೆ ವರ್ಷಂಪ್ರತಿ 2,480 ಟನ್ ಕಾರ್ಬನ್ ಎಮಿಷನ್ ತಡೆಗಟ್ಟಬಹುದಾಗಿದೆ.

ವಿಡಿಯೋ ವೀಕ್ಷಿಸಿ