ಚೀನಾ ಮಹಾ ಸ್ಪೋಟ; ನೂರಾರು ಕಾರುಗಳು ಬೆಂಕಿಗಾಹುತಿ

By Nagaraja

Updated: Thursday, August 13, 2015, 16:18 [IST]

ನೆರೆಯ ಚೀನಾದ ಕೈಗಾರಿಕಾ ಬಂದರು ಪ್ರದೇಶದ ಗೋದಾಮಿನಲ್ಲಿ ಸಂಭವಿಸಿರುವ ಮಹಾ ಸ್ಫೋಟದಲ್ಲಿ ಭಾರಿ ಪ್ರಮಾಣದ ಸಾವು-ನೋವಿನ ಪ್ರಕರಣ ಬೆಳಕಿಗೆ ಬಂದಿದೆ. ಬಲ್ಲ ಮೂಲಗಳ ಪ್ರಕಾರ ಭಾರಿ ದುರಂತದಲ್ಲಿ ಈಗಾಗಲೇ 44 ಮಂದಿ ಸಾವನ್ನಪ್ಪಿದ್ದು, 500ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.

ಉತ್ತರ ಚೀನಾದ ತೈನ್‌ಜಿನ್ (Tianjin) ಪ್ರದೇಶದಲ್ಲಿ ಬುಧವಾರ ರಾತ್ರಿ ಈ ದುರಂತ ಸಂಭವಿಸಿದೆ. ಘಟನೆಯಲ್ಲಿ ನೂರಾರು ಕಾರುಗಳು ಸಂಪೂರ್ಣ ಬೆಂಕಿಗಾಹುತಿಯಾಗಿದೆ. ಈ ಬಗೆಗಿನ ಎಕ್ಸ್ ಕ್ಸೂಸಿವ್ ಚಿತ್ರಗಳನ್ನು ಓದುಗರಿಗಾಗಿ ನಮ್ಮ ಚಿತ್ರಪುಟದಲ್ಲಿ ಹಂಚಿಕೊಳ್ಳಲಾಗಿದೆ.

ಚೀನಾ ಮಹಾ ಸ್ಪೋಟ; ನೂರಾರು ಕಾರುಗಳು ಬೆಂಕಿಗಾಹುತಿ

ಪ್ರತ್ಯಕ್ಷದರ್ಶಿಯ ಪ್ರಕಾರ ಸರಣಿ ಬಾಂಬ್ ಸ್ಫೋಟದ ತರಹನೇ ಬೆನ್ನು ಬೆನ್ನಿಗೆ ಸ್ಪೋಟದ ಸದ್ದು ಕೇಳಿಸತೊಡಗಿತ್ತು. ಎರಡನೇ ಸ್ಫೋಟದ ತೀವ್ರತೆ ಎಷ್ಟಿತ್ತೆಂದರೆ ಹತ್ತಿರದಲ್ಲಿದ್ದ 16 ಮಹಡಿಯ ಕಟ್ಟಡವು ಗಡಗಡ ಅಲುಗಾಡಲಾರಂಭಿಸಿತ್ತು ಎಂದು ಸ್ಪೋಟದ ಭೀಕರತೆಯನ್ನು ವರ್ಣಿಸಿದ್ದಾರೆ.

ಇನ್ನೊರ್ವನ ಪ್ರಕಾರ ನಾಲ್ಕು ಕೀಲೋಮೀಟರ್ ದೂರದ ವರೆಗೂ ಸ್ಪೋಟದ ಸದ್ದು ಕೇಳಿಸಬಹುದಿತ್ತು. ಆರಂಭದಲ್ಲಿ ನಾವಿದನ್ನು ಭೂಕಂಪ ಎಂದು ಭಾವಿಸಿದ್ದೇವೆ. ನಾನು ಹಾಗೂ ನನ್ನ ಕುಟಂಬ ಸಂಪೂರ್ಣ ಭಯಭೀತರಾಗಿದ್ದೆವು ಎಂದಿದ್ದಾರೆ.

ಮೊದಲ ಸ್ಪೋಟ ಬಂದರಿನ ಕೈಗಾರಿಕಾ ಪ್ರದೇಶದ ಲೋಜಿಸ್ಟಿಕ್ ಸಂಸ್ಥೆಯಲ್ಲಿ ಸ್ಪೋಟಿಸಿತ್ತು. ಇಲ್ಲಿನ ಗೋದಾಮಿನಲ್ಲಿ ಅತ್ಯಂತ ಅಪಾಯಕಾರಿ ರಾಸಾಯನಿಕ ಪದಾರ್ಥಗಳನ್ನು ಶೇಖರಣೆ ಮಾಡಿಡಲಾಗಿತ್ತು ಎಂದು ಕ್ಸಿನ್ಹುವಾ ಪತ್ರಿಕೆ ವರದಿ ಮಾಡಿದೆ.