ಒಂದಲ್ಲ, ಎರಡಲ್ಲ ಬರೋಬ್ಬರಿ 40 ಹಳದಿ ಫೆರಾರಿ ಕಾರುಗಳು

ಅಮೆರಿಕ ಮೂಲದ ಪಿಲ್ ಮತ್ತು ಮಾರ್ಥಾ ಬಚ್ ಮ್ಯಾನ್ ಎಂಬವರೇ ಈ ಕಾರು ಸಂಗ್ರಹಗಾರರು. ಸ್ವತ: ಮೆಕ್ಯಾನಿಕ್ ಆಗಿರುವ ಅವರು ಕಳೆದ 30 ವರ್ಷಗಳಿಂದ ಫೆರಾರಿ ಕಾರುಗಳನ್ನು ಸಂಗ್ರಹಿಸಿಟ್ಟಿದ್ದಾರೆ.

1967ನೇ ಇಸವಿಯಲ್ಲಿ ಗ್ಯಾರೇಜ್ ತೆರೆದುಕೊಂಡಿದ್ದ ಪಿಲ್ ಅವರಿಗೆ 1983ರಲ್ಲಿ ಮೊದಲ ಫೆರಾರಿ ಕಾರಿನ ದರ್ಶನವಾಗಿತ್ತು. ಈಗ 1984 ಫೆರಾರಿ 308 ಜಿಟಿಎಸ್ ಕ್ವಾಟ್ರೋವಾಲ್ವೊಲ್ ಸೇರಿದಂತೆ ಅನೇಕ ಐಕಾನಿಕ್ ಫೆರಾರಿ ಕಾರುಗಳನ್ನು ಹೊಂದಿದ್ದಾರೆ.

ಸಾಮಾನ್ಯವಾಗಿ ಫೆರಾರಿ ಕಾರುಗಳು ಕೆಂಪು ವರ್ಣದಿಂದ ಕಂಗೊಳಿಸುತ್ತದೆ. ಇದರಿಂದಾಗಿಯೇ ತಮ್ಮ ಫೆರಾರಿ ಕಾರು ವಿಶಿಷ್ಟ ವರ್ಣದಿಂದ ಗುರುತಿಸುವ ನಿಟ್ಟಿನಲ್ಲಿ ಹಳದಿ ಬಣ್ಣವನ್ನು ಆಯ್ಕೆ ಮಾಡಿರುವುದಾಗಿ ಪಿಲ್ ವಿವರಿಸುತ್ತಾರೆ.

1967 275 ಜಿಟಿಬಿ/4, 1975 365 ಜಿಟಿ4 ಬಿಬಿ, 2003 ಎನ್ಜೊ, ಫೆರಾರಿ ಎಫ್ಎಕ್ಸ್ಎಕ್ಸ್ ಗಳಂತಹ ಮಾದರಿಗಳು ಅವರ ಕಾರು ಸಂಗ್ರಹಾಲಯದಲ್ಲಿದೆ.

ಒಟ್ಟಿನಲ್ಲಿ ಪಿಲ್ ಅವರ ಕಾರು ಕ್ರೇಜ್ ವಾಹನ ಪ್ರೇಮಿಗಳಲ್ಲಿ ಹೊಸತನದ ಅನುಭವವನ್ನುಂಟು ಮಾಡಿದೆ.