10 ಲಕ್ಷ ರೂಪಾಯಿಗಳಿಗೆ ಮಾರಾಟವಾಯ್ತು ಈ ಫ್ಯಾನ್ಸಿ ನಂಬರ್

ದುಬಾರಿ ಬೆಲೆಯ ಕಾರು ಖರೀದಿಸಿದ ನಂತರ ಅದರಲ್ಲಿರುವ ನೋಂದಣಿ ಸಂಖ್ಯೆ ವಿಶಿಷ್ಟವಾಗಿರಬೇಕೆಂದು ಬಯಸುವುದು ಸಹಜ. ಈ ಕಾರಣಕ್ಕೆ ಫ್ಯಾನ್ಸಿ ನಂಬರ್ ಖರೀದಿಸಲು ಜನರು ದುಬಾರಿ ಬೆಲೆಯನ್ನು ನೀಡಲು ಸಿದ್ಧರಿದ್ದಾರೆ. ಕಾರು ಖರೀದಿಸಲು ನೀಡುವ ಮಹತ್ವವನ್ನೇ ಫ್ಯಾನ್ಸಿ ನಂಬರ್ ಖರೀದಿಸಲು ಸಹ ನೀಡುತ್ತಾರೆ.

ದೆಹಲಿಯ ಕಾರು ಖರೀದಿದಾರರು ಹೆಚ್ಚಿನ ಸಂಖ್ಯೆಯ ಫ್ಯಾನ್ಸಿ ನಂಬರ್ ಕ್ರೇಜ್ ಹೊಂದಿದ್ದಾರೆ. ಈ ಕಾರಣಕ್ಕೆ ದೆಹಲಿಯ ಸಾರಿಗೆ ಇಲಾಖೆಯು ಹರಾಜು ಪ್ರಕ್ರಿಯೆ ಮೂಲಕ ಫ್ಯಾನ್ಸಿ ನಂಬರ್ ಗಳನ್ನು ಮಾರಾಟ ಮಾಡುತ್ತದೆ.

MOSTREAD: ಮದುವೆ ಉಂಗುರದ ಶೋಧಕ್ಕಾಗಿ ಚೆಲ್ಲಾಪಿಲ್ಲಿಯಾದ ಕಾರಿನ ಇಂಟಿರಿಯರ್

ದೆಹಲಿ ಸಾರಿಗೆ ಇಲಾಖೆಯು ಫ್ಯಾನ್ಸಿ ನಂಬರ್ ಮಾರಾಟಕ್ಕಾಗಿ 2014ರಿಂದ ಆನ್‌ಲೈನ್ ಇ-ಹರಾಜು ಪ್ರಕ್ರಿಯೆಯನ್ನು ನಡೆಸುತ್ತಿದೆ. ವಾಹನದ ನೋಂದಣಿ ಸಂಖ್ಯೆಯಾಗಿ ತಮ್ಮಿಷ್ಟದ ನಂಬರ್ ಪಡೆಯಲು ಬಯಸುವವರು ಈ ಹರಾಜು ಪ್ರಕ್ರಿಯೆಯಲ್ಲಿ ಭಾಗವಹಿಸಬಹುದು.

ಈ ಹರಾಜಿನಲ್ಲಿ ಭಾಗವಹಿಸುತ್ತಿರುವವರು ಫ್ಯಾನ್ಸಿ ನಂಬರ್ ಪಡೆಯಲು ಲಕ್ಷಾಂತರ ರೂಪಾಯಿಗಳನ್ನು ಖರ್ಚು ಮಾಡುತ್ತಿದ್ದಾರೆ. ಸೆಪ್ಟೆಂಬರ್ ತಿಂಗಳಿನಲ್ಲಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ 0009 ಸಂಖ್ಯೆಯನ್ನು ರೂ.10.10 ಲಕ್ಷಗಳಿಗೆ ಮಾರಾಟ ಮಾಡಲಾಗಿದೆ ಎಂದು ವರದಿಯಾಗಿದೆ.

MOSTREAD: ಬೀದಿ ನಾಯಿಯೇ ಈ ಶೋರೂಂನ ರಿಸೆಪ್ಶನಿಸ್ಟ್

ಜುಲೈ ತಿಂಗಳಿನಲ್ಲಿ 0009 ಸಂಖ್ಯೆಯನ್ನು ಹರಾಜಿನ ಮೂಲಕವೇ ರೂ.7.10 ಲಕ್ಷಗಳಿಗೆ ಮಾರಾಟ ಮಾಡಲಾಗಿತ್ತು. ಈಗ ನಡೆದ ಹರಾಜಿನಲ್ಲಿ ಹಳೆಯ ಮೊತ್ತವನ್ನು ಹಿಂದಿಕ್ಕಲಾಗಿದೆ. 0003 ಹಾಗೂ 0007 ಸಂಖ್ಯೆಗಳನ್ನು ಸಹ ಉತ್ತಮ ಮೊತ್ತಕ್ಕೆ ಹರಾಜು ಮಾಡಲಾಗಿದೆ.

ಈ ಎರಡು ಸಂಖ್ಯೆಗಳನ್ನು ತಲಾ ರೂ.3.10 ಲಕ್ಷಗಳಿಗೆ ಮಾರಾಟ ಮಾಡಲಾಗಿದೆ. ಕರೋನಾ ವೈರಸ್ ಕಾರಣದಿಂದಾಗಿ ಲಾಕ್ ಡೌನ್ ಅವಧಿಯಲ್ಲಿ ವಾಹನಗಳ ಮಾರಾಟವು ಕುಸಿದು ಆಟೋಮೊಬೈಲ್ ಉದ್ಯಮವು ಸಂಕಷ್ಟಕ್ಕೀಡಾಗಿತ್ತು.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ಲಾಕ್ ಡೌನ್ ಸಡಿಲಿಕೆ ನಂತರ ವಾಹನಗಳ ಮಾರಾಟವು ನಿಧಾನವಾಗಿ ಚೇತರಿಸಿಕೊಳ್ಳುತ್ತಿದೆ. ದೆಹಲಿಯ ಸಾರಿಗೆ ಇಲಾಖೆಯು ಫ್ಯಾನ್ಸಿ ನಂಬರ್ ಗಳ ಮಾರಾಟಕ್ಕಾಗಿ ನಡೆಸುತ್ತಿರುವ ಹರಾಜು ಪ್ರಕ್ರಿಯೆಯು ಯಶಸ್ವಿಯಾಗಿ ನಡೆಯುತ್ತಿದೆ.

ಈ ಹರಾಜು ಪ್ರಕ್ರಿಯೆಯನ್ನು ಮಾರ್ಚ್‌ ತಿಂಗಳಿನಲ್ಲಿ ಸ್ಥಗಿತಗೊಳಿಸಲಾಗಿತ್ತು. ಹರಾಜನ್ನು ಏಪ್ರಿಲ್‌ನಲ್ಲಿ ಪುನರಾರಂಭಿಸಲಾಯಿತು. ಅಂದಿನಿಂದ ಆದಾಯವು ಸ್ಥಿರವಾಗಿ ಏರಿಕೆಯಾಗುತ್ತಿದೆ. ಏಪ್ರಿಲ್ ನಲ್ಲಿ ನಡೆದಿದ್ದ ಹರಾಜು ಪ್ರಕ್ರಿಯೆಯಲ್ಲಿ 9000 ಸಂಖ್ಯೆಯನ್ನು ರೂ.1.50 ಲಕ್ಷಗಳಿಗೆ ಮಾರಾಟ ಮಾಡಲಾಗಿತ್ತು.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಮೇ ತಿಂಗಳಿನಲ್ಲಿ 5 ಫ್ಯಾನ್ಸಿ ನಂಬರ್ ಗಳನ್ನು ಹರಾಜು ಹಾಕುವ ಮೂಲಕ ರೂ.9.30 ಲಕ್ಷ ಸಂಗ್ರಹಿಸಲಾಗಿತ್ತು. ಜೂನ್‌ ತಿಂಗಳಿನಲ್ಲಿ ಈ ಮೊತ್ತವು ರೂ.21.70 ಲಕ್ಷಗಳಿಗೆ ಹಾಗೂ ಜುಲೈನಲ್ಲಿ ರೂ.33.80 ಲಕ್ಷಗಳಿಗೆ ಏರಿಕೆಯಾಯಿತು. ಏಪ್ರಿಲ್ ನಿಂದ ಆಗಸ್ಟ್ ತಿಂಗಳವರೆಗೆ ದೆಹಲಿಯ ಸಾರಿಗೆ ಇಲಾಖೆಯು ಫ್ಯಾನ್ಸಿ ನಂಬರ್ ಹರಾಜಿನಿಂದ ರೂ.99 ಲಕ್ಷ ಆದಾಯ ಸಂಗ್ರಹಿಸಿದೆ. ಈ ಬಗ್ಗೆ ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.

ಗಮನಿಸಿ: ಈ ಚಿತ್ರಗಳನ್ನು ರೆಫರೆನ್ಸ್ ಗಾಗಿ ಬಳಸಲಾಗಿದೆ.