ಬೈಕ್ ಟ್ಯಾಕ್ಸಿ ಶುರು ಮಾಡಿದ ವಿಶೇಷ ಚೇತನರು

ಈ ತಂಡದ ಸದಸ್ಯರು, ಪ್ರಯಾಣಿಕರನ್ನು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಕರೆದೊಯ್ಯುವ ಕಾರ್ಯ ನಿರ್ವಹಿಸಲಿದ್ದಾರೆ. ಮೊದಲಿಗೆ ಮೂರು ಜನ ವಿಶೇಷ ಚೇತನರು ಮಾ-ಊಲಾ ಎಂಬ ಹೆಸರಿನಲ್ಲಿ ಈ ಬೈಕ್ ಟ್ಯಾಕ್ಸಿ ಸೇವೆಯನ್ನು ಶುರು ಮಾಡಿದರು. ಆರಂಭವಾಗಿ 20 ತಿಂಗಳು ಕಳೆದಿರುವ ಈ ತಂಡದಲ್ಲಿ ಈಗ 20 ಜನ ಸದಸ್ಯರಿದ್ದಾರೆ.

ಹಳದಿ ಬಣ್ಣದ ಟಿ ಶರ್ಟ್ ಹಾಗೂ ಹೆಲ್ಮೆಟ್ ಧರಿಸುವ ಈ ತಂಡದ ಸದಸ್ಯರು, ತಿರುಚಿಯ ರೈಲ್ವೆ ಜಂಕ್ಷನ್ ಹಾಗೂ ಚಾತಿರಾಮ್ ಬಸ್ ನಿಲ್ದಾಣ ಸೇರಿದಂತೆ ತಿರುಚಿ ನಗರದ ಐದು ಕಡೆ ತಮ್ಮ ಸೇವೆಯನ್ನು ಶುರು ಮಾಡಿದ್ದಾರೆ.

99404 09926 ನಂಬರಿಗೆ ಕರೆ ಮಾಡಿ ತಿರುಚಿ ನಗರದಲ್ಲಿ ಈ ಸೇವೆಯನ್ನು ಪಡೆಯಬಹುದು. ಈ ಬಗ್ಗೆ ಮಾತನಾಡಿರುವ ಮಾ - ಊಲಾದ ಪ್ರತಿನಿಧಿ ಎನ್ ಅಶ್ರಫ್ ಅಲಿರವರು, ವಿಶೇಷ ಚೇತನರ ತಂಡವೊಂದು ಚೆನ್ನೈನಲ್ಲಿ ಬೈಕ್ ಟ್ಯಾಕ್ಸಿ ಆರಂಭಿಸಿರುವುದರಿಂದ ಪ್ರೇರಣೆಗೊಂಡು ನಾವು ಈ ಸೇವೆಯನ್ನು ಆರಂಭಿಸಿದ್ದೇವೆ.

ನಮಗೆ ಕರೆ ಬಂದ ನಂತರ ಹತ್ತಿರದಲ್ಲಿರುವ ನಮ್ಮ ತಂಡದ ಸದಸ್ಯರೊಬ್ಬರು ಗ್ರಾಹಕರನ್ನು ಸಂಪರ್ಕಿಸಿ ಅವರಿಗೆ ಸೇವೆ ನೀಡುತ್ತಾರೆ. ನಾವು ನಮ್ಮ ಸೇವೆಯನ್ನು ತಿರುಚಿ ನಗರದ್ಯಾಂತ ಹಾಗೂ ಹೊರವಲಯಕ್ಕೂ ನೀಡುತ್ತೇವೆ ಎಂದು ಹೇಳಿದರು.

ಈ ಬೈಕ್ ಟ್ಯಾಕ್ಸಿ ತಂಡವು ಆಂಡ್ರಾಯಿಡ್ ಮೊಬೈಲ್ ಅಪ್ಲಿಕೇಷನ್ ಅನ್ನು ಹೊಂದಿದ್ದು, ಅದರ ಮೂಲಕವೂ ಟ್ಯಾಕ್ಸಿಯನ್ನು ಬುಕ್ ಮಾಡಬಹುದಾಗಿದೆ. ಈ ಸೇವೆಗಾಗಿ ಹಗಲು ವೇಳೆಯಲ್ಲಿ ಪ್ರತಿ ಕಿ.ಮೀಗೆ ರೂ.10 ಶುಲ್ಕ ವಿಧಿಸುವ ತಂಡವು, ರಾತ್ರಿ ವೇಳೆಯ ಸೇವೆಗಾಗಿ ರೂ.15 ಶುಲ್ಕ ವಿಧಿಸಲಿದೆ. ರಾತ್ರಿ 8 ಗಂಟೆಯಿಂದ ಬೆಳಗಿನ ಜಾವ 4 ಗಂಟೆಯವರೆಗೂ ಈ ಸೇವೆಯನ್ನುನೀಡಲಾಗುತ್ತದೆ.

ಮಾ - ಊಲಾ ಬೈಕ್ ಟ್ಯಾಕ್ಸಿ ತಂಡದ ಪ್ರಕಾರ ಲಾಭವನ್ನು ಗಳಿಸುವುದರ ಹೊರತಾಗಿ ಸ್ವಾವಲಂಬಿಯಾಗಿ ಬದುಕುವುದನ್ನು ಕಲಿಯಬಹುದು. ಇದರ ಜೊತೆಗೆ ಜನರು ಆಟೋ ರಿಕ್ಷಾ ಹಾಗೂ ಕ್ಯಾಬ್‍‍ಗಳಿಗೆ ಹೆಚ್ಚು ಹಣವನ್ನು ನೀಡುವ ಬದಲು ನಮ್ಮ ಸೇವೆಯನ್ನು ಕಡಿಮೆ ಬೆಲೆಯಲ್ಲಿ ಪಡೆಯಬಹುದು.

MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್

ಕೆಲಸ ಸಿಗುತ್ತಿಲ್ಲ ಎಂದು ಕೊರಗುವ ಬದಲು ಈ ರೀತಿಯ ಸೇವೆಯನ್ನು ನೀಡುವುದರಿಂದ ಆತ್ಮ ವಿಶ್ವಾಸ ದೊರೆತು ಹೆಚ್ಚಿನ ಸಾಧನೆ ಮಾಡಬಹುದೆಂದು ಈ ತಂಡದ ಸದಸ್ಯರಲ್ಲಿ ಒಬ್ಬರಾದ ಕೆ ಶಿವರವರು ತಿಳಿಸಿದರು.

MOST READ: ವಾಹನ ಸವಾರರೇ ಎಚ್ಚರ: ನಕಲಿ ಪೊಲೀಸರಿಂದ ಹಗಲು ದರೋಡೆ

ಈ ತಂಡದಲ್ಲಿರುವ ಎಲ್ಲಾ 20 ಸದಸ್ಯರು ಬಾಲ್ಯದಲ್ಲಿ ಪೊಲೀಯೊಗೆ ತುತ್ತಾದ ಕಾರಣ ಕೈಕಾಲುಗಳ ಸ್ವಾಧೀನವನ್ನು ಕಳೆದುಕೊಂಡಿದ್ದಾರೆ. ಆದರೆ ಇವರು ಮೂರು ಚಕ್ರದ ವಾಹನಗಳನ್ನು ಚಾಲನೆ ಮಾಡಬಹುದೆಂದು ಜಿಲ್ಲಾಡಳಿತವು ತಿಳಿಸಿದೆ.

MOST READ: ಜೆ‍‍ಸಿ‍‍ಬಿ ಯಂತ್ರವು ಹಳದಿ ಬಣ್ಣದಲ್ಲೇ ಏಕಿರುತ್ತೆ?

ಮಾ - ಊಲಾ ತಂಡವು ತಮ್ಮ ಸೇವೆಯನ್ನು ಪೂರ್ತಿ ತಿರುಚಿ ನಗರದ್ಯಾಂತ ವಿಸ್ತರಿಸಲು ಬಯಸಿದೆ. ಆದರೆ ಈ ತಂಡವು ಆಟೋ ರಿಕ್ಷಾದವರಿಂದ ಬೆದರಿಕೆಯನ್ನು ಎದುರಿಸುತ್ತಿದೆ. ಆಟೋ ರಿಕ್ಷಾದವರು ಈ ತಂಡವನ್ನು ತಮ್ಮ ವ್ಯಾಪಾರಕ್ಕೆ ತೊಂದರೆಯಾಗುತ್ತದೆಂದು ಪರಿಗಣಿಸಿದ್ದಾರೆ. ಈ ಬೆದರಿಕೆಯ ವಿರುದ್ಧ ರಕ್ಷಣೆ ನೀಡುವಂತೆ ಮಾ - ಊಲಾ ತಂಡದ ಸದಸ್ಯರು ಜಿಲ್ಲಾಡಳಿತಕ್ಕೆ ಮನವಿ ಮಾಡಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ತಿರುಚಿ ಜಿಲ್ಲೆಯ ವಿಶೇಷ ಚೇತನರ ಅಭಿವೃದ್ಧಿ ಅಧಿಕಾರಿ ಆರ್ ರವಿಚಂದ್ರನ್‍‍ರವರು ಜಿಲ್ಲಾಡಳಿತವು ಈ ಬೈಕ್ ಟ್ಯಾಕ್ಸಿ ಸೇವೆಗೆ ಅಗತ್ಯವಿರುವ ಎಲ್ಲಾ ನೆರವನ್ನು ನೀಡಲಿದೆ ಎಂದು ಹೇಳಿದ್ದಾರೆ.

Image Courtesy: http://maaulaa.org/