ನಿಜವಾಗ್ಲು, ದುಬೈನಲ್ಲಿ ಫೋರ್ಡ್ ಮಸ್ಟಾಂಗ್ ಆಂಬುಲೆನ್ಸ್ ಸೇವೆಗೆ!

ಟ್ರಾಫಿಕ್ ಅಪಘಾತಗಳಂತಹ ತುರ್ತು ಅಗತ್ಯದ ಸಂದರ್ಭಗಳಲ್ಲಿ ಫೋರ್ಡ್ ಮಸ್ತಾಂಗ್ ಆಂಬುಲೆನ್ಸ್‌ಗಳು ತ್ವರಿತ ವೇಗದಲ್ಲಿ ಘಟನಾ ಪ್ರದೇಶವನ್ನು ತೆರಳಿ ವೈದ್ಯರ ತುರ್ತು ಚಿಕಿತ್ಸೆಗೆ ನೆರವಾಗಲಿದೆ.

ಮುಂದಿನ ದಿನಗಳಲ್ಲಿ ಹೈ ಸ್ಪೀಡ್ ಲೋಟಸ್ ಸಹ ಸೇವೆಗೆ ಮುಕ್ತಗೊಳಿಸಲಿದೆ ಎಂದು ದುಬೈ ಆಂಬುಲೆನ್ಸ್ ಕೊ-ಆಪರೇಷನ್ ಸ್ಪಷ್ಟಪಡಿಸಿದೆ.

ಈ ಸೂಪರ್ ಕಾರುಗಳ ಖರೀದಿ ಹಿಂದೆ ದುಬೈ ಆಂಬುಲೆನ್ಸ್ ಕೊ-ಆಪರೇಷನ್‌ಗೆ ಗುರಿಯೊಂದಿದೆ. ಅದೇನೆಂದರೆ ತುರ್ತು ಸೇವೆಗಾಗಿ ರೋಗಿ ಕರೆ ಮಾಡಿದ ನಾಲ್ಕು ನಿಮಿಷದೊಳಗೆ ಅಪಘಾತ ಸಂಭವಿಸಿದ ಪ್ರದೇಶ ತಲುಪುವುದು ಸಂಸ್ಥೆಯ ಉದ್ದೇಶವಾಗಿದೆ. 2020ರ ವೇಳೆಗೆ ಈ ಗುರಿ ಮುಟ್ಟುವ ನಿರೀಕ್ಷೆಯನ್ನು ದುಬೈ ಆಂಬುಲೆನ್ಸ್ ಕೊ-ಆಪರೇಷನ್ ನಿರ್ದೇಶಕರಾದ ಖಲಿಫಾ ಬಿನ್ ದರಯ್ ಹೊಂದಿದ್ದಾರೆ.

ಪ್ರಸ್ತುತ ಎಮಿರೇಟ್ಸ್ ಆಂಬುಲೆನ್ಸ್ ಸರ್ವೀಸ್, ಹೃದಯ ರೋಗಿಗಳಿಂದ ತುರ್ತು ಕರೆ ಲಭಿಸಿದ ಎಂಟು ನಿಮಿಷದೊಳಗೆ ತಲುಪುವ ಪ್ರಯತ್ನದಲ್ಲಿದೆ.

ಸದ್ಯಕ್ಕಂತೂ 2015 ಮಸ್ತಾಂಗ್ ಆಂಬುಲೆನ್ಸ್ ಕಾರನ್ನು ವೈದ್ಯಕೀಯ ಅಗತ್ಯಗಳಿಗಾಗಿ ಪರಿಷ್ಕೃತಗೊಳಿಸಲಾಗಿದೆಯೇ ಎಂಬುದು ತಿಳಿದು ಬಂದಿಲ್ಲ. ಆದರೂ ರೋಗಿಗಳ ತುರ್ತು ಸೇವೆಗೆ ಸದಾ ಬದ್ಧವಾಗಿರಲಿದೆ.

ಒಟ್ಟಾರೆಯಾಗಿ ದುಬೈ ಪೊಲೀಸ್ ಬೆನ್ನಲ್ಲೇ ದುಬೈ ಆಂಬುಲೆನ್ಸ್ ಕಾರುಗಳು ಸಹ ಸೂಪರ್ ಕಾರುಗಳ ಮೊರೆ ಹೋಗಿರುವುದು ವಿಶೇಷವೆನಿಸಿದೆ.

ದುಬೈ ಪೊಲೀಸ್ ತೆಕ್ಕೆಗೆ ಸೂಪರ್ ಬೈಕ್