ಬರುತ್ತಿದೆ ವಿಮಾನಗಿಂತಲೂ ವೇಗದೂತ ಹೈ ಸ್ಪೀಡ್ ರೈಲು

ಹೈಪರ್‌ಲೂಪ್

ಸದ್ಯ ಚಾಲ್ತಿಯಲ್ಲಿರುವ ಹೈ ಸ್ಪೀಡ್ ರೈಲುಗಳಿಗೆ ನೂತನ ಹೈಪರ್‌ಲೂಪ್ ಬದಲಿ ವ್ಯವಸ್ಥೆ ಆಗಿರಲಿದೆ. ಪ್ರಸ್ತುತ ಮೊದಲ ಮಾದರಿ ವಿನ್ಯಾಸವನ್ನು ಬಿಡುಗಡೆಗೊಳಿಸಿರುವ ಮಸ್ಕ್, ಇದರ ನಿರ್ಮಾಣಕ್ಕೆ ಅಂದಾಜು 6 ಬಿಲಿಯನ್ ಡಾಲರ್ ವೆಚ್ಚ ತಗುಲಲಿದೆ ಎಂಬ ಮಾಹಿತಿಯನ್ನು ಬಹಿರಂಗಪಡಿಸಿದ್ದಾರೆ.

ಹೈಪರ್‌ಲೂಪ್

ಪ್ರಮುಖವಾಗಿಯೂ ಸ್ಯಾನ್‌ ಫ್ರಾನ್ಸಿಸ್ಕೊ ಹಾಗೂ ಲಾಸ್ ಏಜಂಲೀಸ್ ನಡುವೆ ಇದು ಸಂಚರಿಸಲಿದೆ. ಅಂದರೆ ಕೇವಲ 30 ನಿಮಿಷಗಳಲ್ಲಿ ಈ ನಿರ್ಧಾರಿತ ದೂರವನ್ನು ಕ್ರಮಿಕರಿಸಲು ಸಾಧ್ಯವಾಗಲಿದೆ. ಸಾಮಾನ್ಯ ಹೈ ಸ್ಪೀಡ್ ರೈಲು ನಿರ್ಮಾಣಗಿಂತಲೂ 10 ಪಟ್ಟುಗಳಷ್ಟು ವೆಚ್ಚ ಕಡಿಮೆಯಾಗಲಿದೆ ಎಂಬುದು ಹೈಪರ್‌ಲೂಪ್‌ನ ವಿಶೇಷತೆಯಾಗಿದೆ.

ಭವಿಷ್ಯದ ಐದನೇ ಸಾರಿಗೆ ವಿಧಾನ

ತಮ್ಮ ಈ ಮಹತ್ವಾಕಾಂಕ್ಷೆಯ ಯೋಜನೆಯನ್ನು ಬಹಿರಂಗಪಡಿಸಿರುವ ಇಲೋನ್ ಮಸ್ಕ್, ಬೇರೆ ಯಾರಾದರೂ ಈ 400 ಮೈಲ್ ದೂರದ ಯೋಜನೆ ಕೈಗೆತ್ತಿಕೊಂಡರೆ ಸ್ವಾಗತಿಸುವುದಾಗಿ ತಿಳಿಸಿದ್ದಾರೆ. ಅಂತಿಮವಾಗಿ ಯಾರು ಕೂಡಾ ಮುಂದಾಗದಿದ್ದಲ್ಲಿ ಸ್ವತ: ತಾವೇ ಚುಕ್ಕಾಣಿ ಹಿಡಿಯುವುದಾಗಿ ಆತ್ಮವಿಶ್ವಾಸ ತೋರಿದ್ದಾರೆ.

ಹೈಪರ್‌ಲೂಪ್

ಕಡಿಮೆ ಭಾರದ ಸ್ಟೀಲ್ ಟ್ಯೂಬ್‌ನಲ್ಲಿ ಲಗತ್ತಿಸಲಾಗಿರುವ ಪೊಡ್ಸ್ ಎನ್ನುವ ಕ್ಯಾಪ್ಸುಲ್ ಮುಖಾಂತರ ಈ ಹೈ ಸ್ಪೀಡ್ ರೈಲು ಸಂಚರಿಸಲಿದೆ. ಒಂದೇ ಸಮಯಕ್ಕೆ 28 ಪ್ರಯಾಣಿಕರನ್ನು ಹೊತ್ತೊಯ್ಯಬಲ್ಲ ಈ ಪೊಡ್ಸ್‌ಗಳು ಮ್ಯಾಗ್ನೆಟಿಕ್‌ ಪವರ್‌ನಿಂದ ನಿಯಂತ್ರಿಸಲ್ಪಡಲಿದೆ. ಇದು ಭೂಕಂಪಗಳಂತಹ ನೈಸರ್ಗಿಕ ವಿಪತ್ತುಗಳನ್ನು ಎದುರಿಸುವ ಹಾಗೂ ಕ್ಯಾಪ್ಸುಲ್‌ಗಳು ಪರಸ್ಪರ ಸಂಘರ್ಷಣೆಯಾಗದಂತೆ ನೋಡಿಕೊಳ್ಳಲಿದೆ.

ಹೈ ಸ್ಪೀಡ್

ಪ್ರತಿಯೊಂದು ಪೊಡ್ ನಡುವೆ 8 ಕೀ.ಮೀ. ಅಂತರವಿರಲಿದೆ. ಅಂದರೆ ಕೇವಲ 30 ಸೆಕೆಂಡುಗಳಷ್ಟೇ ವ್ಯತ್ಯಾಸವಿರಲಿದೆ. ಸೋಲರ್‌ನಿಂದ ನಿಯಂತ್ರಿಸಲ್ಪಡುವ ಹೈಪರ್‌ಲೂಪ್ ರೈಲು ಗಂಟೆಗೆ 1300 ಕೀ.ಮೀ ವೇಗದಲ್ಲಿ ಚಲಿಸಲಿದೆ. ಹಾಗೆಯೇ ಲಾಸ್ ಏಜಂಲೀಸ್ ಹಾಗೂ ಸ್ಯಾನ್ ಫ್ರಾನ್ಸಿಸ್ಕೊ ನಡುವೆ ಒಟ್ಟು 70 ಪೊಡ್‌ ಲಗತ್ತಿಸುವ ಇರಾದೆಯಿದೆ.

ಇಲೋನ್ ಮಸ್ಕ್

ಈ ಮಹತ್ತರ ಯೋಜನೆ ಯಶಸ್ವಿಯಾಗಲು 7ರಿಂದ 10 ವರ್ಷ ನಿರೀಕ್ಷಿಸಲಾಗಿದ್ದು, ವರ್ಷಂಪ್ರತಿ 7.4 ಮಿಲಿಯನ್ ಜನರನ್ನು ಸಾಗಿಸುವ ಸಾಮರ್ಥ್ಯ ಹೊಂದಿರಲಿದೆ ಎಂದು ಇಲೋನ್ ಮಸ್ಕ್ ವಿವರಿಸುತ್ತಾರೆ.

ಮಹತ್ತರ ಯೋಜನೆ

ಹಾಗಿದ್ದರೂ ಇಲೋನ್ ಮಸ್ಕ್ ಯೋಜನೆಗೆ ವಿಮರ್ಶಕರಿಂದ ವಿರೋಧಗಳು ವ್ಯಕ್ತವಾಗುತ್ತಿದ್ದು, ಸುರಕ್ಷಾ ಮಾನದಂಡಗಳ ಬಗ್ಗೆ ಕಳಕಳಿ ವ್ಯಕ್ತಪಡಿಸಿದ್ದಾರೆ. ಒಟ್ಟಿನಲ್ಲಿ ಕ್ಯಾಲಿಫೋರ್ನಿಯಾ ಸರಕಾರ ಈ ಮಹತ್ತರ ಯೋಜನೆಗೆ ಅನುಮೋದನೆ ನೀಡುವುದೇ ಎಂಬುದು ಕುತೂಹಲಕ್ಕೆ ಎಡೆಮಾಡಿಕೊಟ್ಟಿದೆ.