ಕಾರ್ ರೇಸರ್'ಗಳನ್ನು ಮೀರಿಸುವಂತೆ ಕಾರು ಚಾಲನೆ ಮಾಡಿದ ಮಾಜಿ ಕ್ರಿಕೆಟಿಗ

ಭಾರತದ ಕ್ರಿಕೆಟಿಗರ ರೀತಿಯಲ್ಲಿಯೇ ಇತರ ದೇಶಗಳ ಹಲವು ಕ್ರಿಕೆಟಿಗರು ಸಹ ವಾಹನಗಳ ಗೀಳನ್ನು ಹೊಂದಿದ್ದಾರೆ. ಟೊಯೊಟಾ ಕಂಪನಿಯು ಹೊಸ ವೀಡಿಯೊವೊಂದನ್ನು ಬಿಡುಗಡೆಗೊಳಿಸಿದೆ. ಈ ವೀಡಿಯೊದಲ್ಲಿರುವ ಮಾಜಿ ಕ್ರಿಕೆಟಿಗ ಸಹ ಕಾರುಗಳ ಬಗ್ಗೆ ಕ್ರೇಜ್ ಹೊಂದಿದ್ದಾರೆ.

ಫಾರ್ಚೂನರ್ ಕಾರಿಗಾಗಿ ಟೊಯೊಟಾ ಕಂಪನಿಯು ಈ ವೀಡಿಯೊವನ್ನು ಬಿಡುಗಡೆಗೊಳಿಸಿದೆ. ಸ್ಟೀಯರಿಂಗ್ ವಿಥ್ ಸ್ಟಾರ್ಸ್ ಶೀರ್ಷಿಕೆಯ ಈ ಕಾರ್ಯಕ್ರಮದಲ್ಲಿ ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ವಾಸಿಮ್ ಅಕ್ರಮ್ ಭಾಗಿಯಾಗಿದ್ದರು.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಅವರು ಹೊಸ ಟೊಯೊಟಾ ಫಾರ್ಚೂನರ್ ಕಾರನ್ನು ಒರಟು ಪ್ರದೇಶದಲ್ಲಿ ಚಾಲನೆ ಮಾಡಿದ್ದಾರೆ. ಅವರು ಸದ್ಯಕ್ಕೆ ಕ್ರಿಕೆಟ್‌ನಿಂದ ನಿವೃತ್ತಿಯನ್ನು ಪಡೆದಿದ್ದರೂ ಕಾಮೆಂಟೆಟರ್ ಆಗಿ ಹಾಗೂ ಕೋಚ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಈ ಮೂಲಕ ಪಾಕಿಸ್ತಾನ ಕ್ರಿಕೆಟ್'ನ ಭಾಗವಾಗಿದ್ದಾರೆ. ಈಗ ಟೊಯೊಟಾ ಕಂಪನಿಯು ವಾಸಿಮ್ ಅಕ್ರಮ್ ಅವರೊಂದಿಗಿನ ವಿಶೇಷ ವೀಡಿಯೊವನ್ನು ಬಿಡುಗಡೆ ಮಾಡಿದೆ. ಈ ವೀಡಿಯೊದಲ್ಲಿ ಅವರು ಕಾರಿನ ವಿಶೇಷತೆ ಬಗ್ಗೆ ಹಾಗೂ ತಮ್ಮ ಕ್ರಿಕೆಟ್ ಜೀವನದ ಬಗ್ಗೆ ಮಾತನಾಡಿದ್ದಾರೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ವೀಡಿಯೊದಲ್ಲಿ ಮಾಜಿ ಎಡಗೈ ವೇಗದ ಬೌಲರ್ ಫಾರ್ಚೂನರ್ ಎಸ್‌ಯುವಿಯನ್ನು ಸವಾಲಿನಿಂದ ಕೂಡಿರುವ ರಸ್ತೆಯಲ್ಲಿ ಚಾಲನೆ ಮಾಡಿದ್ದಾರೆ. ಇದರಿಂದ ಫಾರ್ಚೂನರ್ ಎಸ್‌ಯುವಿಯ ಸಾಮರ್ಥ್ಯ ಸಾಬೀತಾಗಿದೆ.

ಈ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಎಸ್‌ಯುವಿಯು ಹಿಂದೆಂದಿಗಿಂತಲೂ ಹೆಚ್ಚು ಆಫ್-ರೋಡ್ ಸಾಮರ್ಥ್ಯಗಳನ್ನು ಹೊಂದಿದೆ. ಇದನ್ನು ಪ್ರದರ್ಶಿಸಲು ಟೊಯೊಟಾ ಕಂಪನಿಯು ಈ ಹೊಸ ವೀಡಿಯೊವನ್ನು ಪಾಕಿಸ್ತಾನದಲ್ಲಿ ಬಿಡುಗಡೆಗೊಳಿಸಿದೆ.

MOST

ಇದರಿಂದ ಹೊಸ ಫಾರ್ಚೂನರ್ ಎಸ್‌ಯುವಿಯ ಕಡೆಗೆ ಹೆಚ್ಚಿನ ಸಂಖ್ಯೆಯ ಪಾಕಿಸ್ತಾನಿಯರು ಆಕರ್ಷಿತರಾಗುತ್ತಾರೆ ಎಂಬುದು ಕಂಪನಿಯ ಅಭಿಪ್ರಾಯ. ಈ ಎಸ್‌ಯುವಿಯು 4x4 ಸಾಮರ್ಥ್ಯವನ್ನು ಹೊಂದಿದೆ.

ಈ ಎಸ್‌ಯುವಿಯನ್ನು ಚಾಲನೆ ಮಾಡಿದ ವಾಸಿಮ್ ಅಕ್ರಮ್ ಹೊಸ ಫಾರ್ಚೂನರ್ ಎಸ್‌ಯುವಿಯನ್ನು ಚಾಲನೆ ಮಾಡಲು ತುಂಬಾ ಸಂತೋಷವಾಗಿದೆ ಎಂದು ಹೇಳಿದರು.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಹೊಸ ಫಾರ್ಚೂನರ್'ನಲ್ಲಿರುವ ಐಷಾರಾಮಿ ಸೌಲಭ್ಯ ಹಾಗೂ ಈ ಎಸ್‌ಯುವಿಯು ಆಫ್-ರೋಡ್ ಅನ್ನು ನಿರ್ವಹಿಸುವ ವಿಧಾನದಿಂದ ಆಕರ್ಷಿತರಾಗಿರುವುದಾಗಿ ಅವರು ಹೇಳಿದರು.

ಆಫ್-ರೋಡ್ ಸಾಮರ್ಥ್ಯವನ್ನು ಪ್ರದರ್ಶಿಸಲು ಸಿದ್ಧಪಡಿಸಲಾಗಿದ್ದ ವೇದಿಕೆಯಲ್ಲಿ ವಾಸಿಮ್ ಅಕ್ರಮ್ ಕಾರು ರೇಸರ್'ಗಳು ಸಹ ನಾಚುವ ರೀತಿಯಲ್ಲಿ ಸರಾಗವಾಗಿ ಸಾಗಿದ್ದಾರೆ.

ಚಿತ್ರಕೃಪೆ: ಟೊಯೊಟಾ ಪಾಕಿಸ್ತಾನ