ಮಧ್ಯಮ ವರ್ಗದವರನ್ನು ಮಾತ್ರವಲ್ಲದೇ ಗಣ್ಯ ವ್ಯಕ್ತಿಗಳನ್ನು ಸೆಳೆದ ಟಾಟಾ ನೆಕ್ಸಾನ್: ಇವರೇ ನೋಡಿ

ಸ್ವದೇಶಿ ವಾಹನ ತಯಾರಕ ಕಂಪನಿಯಾದ ಟಾಟಾ ಮೋಟಾರ್ಸ್ ಭಾರತದ ಮಾರುಕಟ್ಟೆಯಲ್ಲಿ ಪ್ರಮುಖ ಕಾರು ತಯಾರಕರಲ್ಲಿ ಒಂದಾಗಿದೆ, ಮಾರುಕಟ್ಟೆಯಲ್ಲಿ ವಿವಿಧ ಮಾದರಿಗಳನ್ನು ವಿಶೇಷವಾಗಿ ಎಸ್‍ಯುವಿಗಳನ್ನು ಮಾರಾಟ ಮಾಡುತ್ತಿದೆ, ಕಾರು ತಯಾರಕರುನಿರ್ಮಾಣ ಗುಣಮಟ್ಟಕ್ಕೆ ಹೆಸರುವಾಸಿಯಾಗಿದ್ದಾರೆ ಮತ್ತು ಹಿಂದೆ ಹಲವಾರು ನಿದರ್ಶನಗಳು ಅದೇ ರೀತಿ ಸಾಬೀತಾಗಿದೆ.

ಟಾಟಾ ಮೋಟಾರ್ಸ್ ಕಂಪನಿಯ ಟಾಟಾ ನೆಕ್ಸಾನ್ (Tata Nexon) ಭಾರತೀಯ ಮಾರುಕಟ್ಟೆಯಲ್ಲಿ ಜನಪ್ರಿಯ ಎಸ್‍ಯುವಿಗಳಲ್ಲಿ ಒಂದಾಗಿದೆ. ಈ ನೆಕ್ಸಾನ್ ಕಾಂಪ್ಯಾಕ್ಟ್ ಎಸ್‍ಯುವಿ ವಿಭಾಗದಲ್ಲಿ ಪಾರುಪತ್ಯ ಸಾಧಿಸುತ್ತಿದೆ.ಟಾಟಾ ನೆಕ್ಸಾನ್ ಭಾರತೀಯ ಮಾರುಕಟ್ಟೆಯಲ್ಲಿ ಮಹೀಂದ್ರಾ XUV300, ಕಿಯಾ ಸೋನೆಟ್, ಹ್ಯುಂಡೈ ವೆರ್ನಾ ಮತ್ತು ಮಾರುತಿ ಸುಜುಕಿ ಬ್ರೆಝಾ ಎಸ್‍ಯುವಿಗಳಿಗೆ ಪೈಪೋಟಿ ನೀಡುತ್ತದೆ.

ಈ ಜನಪ್ರಿಯ ಸ್ವದೇಶಿ ಕಾರು ತಯಾರಕರಾದ ಟಾಟಾ ಮೋಟಾರ್ಸ್ ಈ ಕಾರನ್ನು ಹೆಚ್ಚು ಪೈಪೋಟಿ ಇರುವ ಕಾಂಪ್ಯಾಕ್ಟ್ ಎಸ್‍ಯುವಿ ವಿಭಾಗದಲ್ಲಿ 2017ರಲ್ಲಿ ಬಿಡುಗಡೆಗೊಳಿಸಿತು. ಇದು 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆದ ಭಾರತದ ಮೊದಲ ಕಾರು. ಈ ಟಾಟಾ ನೆಕ್ಸಾನ್ ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಮಾದರಿಗಳಲ್ಲಿ ಒಂದಾಗಿದೆ, ಇಲ್ಲಿ ನಾವು ಟಾಟಾ ನೆಕ್ಸಾನ್ ಅನ್ನು ಹೊಂದಿರುವ ಜನಪ್ರಿಯ ಭಾರತೀಯ ಸೆಲೆಬ್ರಿಟಿಗಳ ಬಗ್ಗೆ ಮಾಹಿತಿ ಇಲ್ಲಿದೆ.

ರತನ್ ಟಾಟಾ: ಇವರ ಬಗ್ಗೆ ಯಾವುದೇ ಪರಿಚಯದ ಅಗತ್ಯವಿಲ್ಲ. ಅವರು 85 ವರ್ಷ ವಯಸ್ಸಿನವರಾಗಿದ್ದಾರೆ ಮತ್ತು ಟಾಟಾ ಅವರ ಹಲವಾರು ಉದ್ಯಮಗಳ ಯಶಸ್ವಿನ ಹಿಂದಿನ ನಾಯಕನಾಗಿದ್ದಾರೆ. ಟಾಟಾ ಪ್ಯಾಸೆಂಜರ್ ವಾಹನ ವಿಭಾಗವನ್ನು ಪ್ರವೇಶಿಸಲು ಅವರು ಕಾರಣ. ಟಾಟಾ ಸನ್ಸ್‌ನ ಮಾಜಿ ಅಧ್ಯಕ್ಷರು ತಮ್ಮ ಗ್ಯಾರೇಜ್‌ನಲ್ಲಿ ಹಲವಾರು ದುಬಾರಿ ಕಾರುಗಳನ್ನು ಹೊಂದಿದ್ದಾರೆ.

ಗ್ಲೋಬಲ್ NCAP ಕ್ರ್ಯಾಶ್ ಟೆಸ್ಟ್‌ನಲ್ಲಿ 5-ಸ್ಟಾರ್ ರೇಟಿಂಗ್‌ಗಳನ್ನು ಗಳಿಸಿದ ನಂತರ ನೆಕ್ಸಾನ್ ಬಹಳಷ್ಟು ಅಭಿಮಾನಿಗಳನ್ನು ಗಳಿಸಿತು. ರತನ್ ಟಾಟಾ ಬ್ಲೂ ಶೇಡ್‌ನಲ್ಲಿ ಪ್ರಿ-ಫೇಸ್‌ಲಿಫ್ಟ್ ಮಾಡೆಲ್ ಅನ್ನು ಹೊಂದಿದ್ದಾರೆ. ಇದು 108 Bhp ಮತ್ತು 260 Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುವ 1.5-ಲೀಟರ್ ಟರ್ಬೊ ಡೀಸೆಲ್ ಆವೃತ್ತಿಯನ್ನು ಬಳಸುತ್ತಿದ್ದಾರೆ.

ಎನ್ ಚಂದ್ರಶೇಖರನ್: 2020ರಲ್ಲಿ ಟಾಟಾ ನೆಕ್ಸಾನ್‌ನ ಎಲೆಕ್ಟ್ರಿಕ್ ಆವೃತ್ತಿಯನ್ನು ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿತು. ನೆಕ್ಸಾನ್ ಇವಿ ಬಿಡುಗಡೆಯಾದಾಗ, ಟಾಟಾ ಸನ್ಸ್ ಮತ್ತು ಟಾಟಾ ಮೋಟಾರ್ಸ್‌ನ ಅಧ್ಯಕ್ಷ ಎನ್ ಚಂದ್ರಶೇಖರನ್ ಅವರು ನೆಕ್ಸಾನ್ ಇವಿಯನ್ನು ಪಡೆದುಕೊಂಡಿದ್ದಾರೆ. ಕಳೆದ ವರ್ಷ, ಟಾಟಾ ಮೋಟಾರ್ಸ್ ಕಾರ್ಖಾನೆಯಿಂದ 50,000 ನೇ ಯುನಿಟ್ ಅನ್ನು ಹೊರತಂದಿದ್ದರಿಂದ ಒಂದು ಮೈಲಿಗಲ್ಲನ್ನು ಮುಟ್ಟಿತು. ಈ ಸಂದರ್ಭದಲ್ಲಿ, ಎನ್ ಚಂದ್ರಶೇಖರನ್ ಅವರು ತಮ್ಮ ಎರಡನೇ ನೆಕ್ಸಾನ್ ಇವಿ ಅನ್ನು ಪಡೆದರು.

ಮಂದಿರಾ ಬೇಡಿ: ಜನಪ್ರಿಯ ಟಿವಿ ನಿರೂಪಕಿ ಮತ್ತು ನಟಿ ಮಂದಿರಾ ಬೇಡಿ ಅವರು 2020 ರಲ್ಲಿ ಟಾಟಾ ನೆಕ್ಸಾನ್ ಇವಿ ಖರೀದಿಸಿದರು. ನೆಕ್ಸಾನ್ ಇವಿ ಖರೀದಿಸಿದ ಮೊದಲ ಸೆಲೆಬ್ರಿಟಿಗಳಲ್ಲಿ ಅವರು ಒಬ್ಬರು. ನಟಿ ಹೆಚ್ಚಿನ XZ+ ರೂಪಾಂತರವನ್ನು ಆರಿಸಿಕೊಂಡರು. ಇದು ಸಾಮಾನ್ಯ ನೆಕ್ಸಾನ್ ಇವಿ ಆಗಿದ್ದು, ಇದು 312 ಕಿಮೀ ರೇಂಜ್ ಅನ್ನು ನೀಡುತ್ತದೆ. ಇದು 129 Ps ಮತ್ತು 245 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಡಾ.ಶ್ರೀರಾಮ್ ನೆನೆ : ಬಾಲಿವುಡ್ ಜನಪ್ರಿಯ ನಟಿ ಮಾಧುರಿ ದೀಕ್ಷಿತ್ ಅವರ ಪತಿ ಡಾ.ಶ್ರೀರಾಮ್ ನೆನೆ ವಾಹನ ಉತ್ಸಾಹಿ. ದಂಪತಿಗಳು ಪೋರ್ಷೆ 911 ಕ್ಯಾರೆರಾ S, Mercedes-Maybach S500 ಮತ್ತು ಇನ್ನೂ ಅನೇಕ ಕಾರುಗಳನ್ನು ಹೊಂದಿದ್ದಾರೆ. ಕಳೆದ ವರ್ಷ ಏಪ್ರಿಲ್‌ನಲ್ಲಿ ಶ್ರೀರಾಮ್ ನೆನೆ ಟಾಟಾ ನೆಕ್ಸಾನ್ ಇವಿ ಖರೀದಿಸಿದರು. ಅವರು ಎಸ್‌ಯುವಿಯ ಡಾರ್ಕ್ ಆವೃತ್ತಿಯ ಆವೃತ್ತಿಯನ್ನು ಖರೀದಿಸಿದ್ದರು.

ಉಲ್ಕಾ ಗುಪ್ತಾ: ಟಿವಿ ನಟಿಯಾಗಿದ್ದು, ಅವರು ತಮ್ಮ ಹುಟ್ಟುಹಬ್ಬದಂದು ಹೊಚ್ಚ ಹೊಸ ಟಾಟಾ ನೆಕ್ಸಾನ್ ಇವಿ ಖರೀದಿಸಿದ್ದಾರೆ. ನಟಿ ತನ್ನ ಹೊಸ ಎಲೆಕ್ಟ್ರಿಕ್ ಕಾರನ್ನು ಡೆಲಿವರಿ ತೆಗೆದುಕೊಳ್ಳುತ್ತಿರುವ ವಿಡಿಯೋ ಕೂಡ ಆನ್‌ಲೈನ್‌ನಲ್ಲಿ ಲಭ್ಯವಿದೆ. ಇವರು ನೆಕ್ಸಾನ್ ಎಲೆಕ್ಟ್ರಿಕ್ ಕಾರನ್ನು ಟೀಲ್ ಬ್ಲೂ ಬಣ್ಣದ ಮಾದರಿಯನ್ನು ಖರೀದಿಸಿದ್ದಾರೆ. ಇವರು ನೆಕ್ಸಾನ್ ಇವಿ ಪ್ರೈಮ್ ಅನ್ನು ಆರಿಸಿಕೊಂಡಿದ್ದಾರೆ.