ಪರಿಸರಕ್ಕೆ ತಕ್ಕ ಗಾಡಿ - ಇದುವೇ 'ಫಿಯೆಟ್ ಐ'

ವ್ಯಕ್ತಿಗತ ಚಾಲನೆಯನ್ನು ಗುರಿಯಾಗಿರಿಸಿಕೊಂಡಿರುವ ಡಿನಾರ್ಡ್ ಡಾ ಮಾಟಾ (Dinard Da Mata) ಎಂಬ ಬ್ರೆಜಿಲ್ ವಿನ್ಯಾಸಗಾರ ಹೊಸತಾದ ಪರಿಸರ ಸ್ನೇಹಿ ಫಿಯೆಟ್ ಐ ವಿದ್ಯುತ್ ಚಾಲಿತ ವಾಹನವನ್ನು ಅಭಿವೃದ್ಧಿಪಡಿಸಿದ್ದಾರೆ.

ಫಿಯೆಟ್‌ನ ಸೆಗ್ವೇ ( Segway) ತಂತ್ರಜ್ಞಾನದ ಬೆಂಬಲದಲ್ಲಿ ಇದನ್ನು ಅಭಿವೃದ್ಧಿಪಡಿಸಲಾಗಿದೆ. ಇದರಲ್ಲಿ ಓರ್ವ ಪ್ರಯಾಣಿಕರಿಗೆ ಮಾತ್ರ ಸಂಚರಿಸಬಹುದಾಗಿದೆ.

ಫಿಯೆಟ್ ಐ ವೈತಿಗತ ವಾಹನವು ಅಂಡಾಕಾರ ಶೈಲಿಯ ಚಕ್ರಗಳನ್ನು ಹೊಂದಿದೆ. ಅಲ್ಲದೆ ಸ್ವಯಂಚಾಲಿತವಾಗಿ ನಿಯಂತ್ರಣ ಸಾಧಿಸಬಹುದಾದ ವಿನ್ಯಾಸವನ್ನು ಪಡೆದುಕೊಂಡಿದೆ.

ಇದರ ಚಕ್ರಗಳು ಸಿಂಕ್ರೊನೈಸ್ ಟ್ರೆಡ್ ಮಿಲ್ ರೋಟೇಷನ್ ಸಿದ್ಧಾಂತದಲ್ಲಿ ಮುಂದಕ್ಕೆ ಚಲಿಸಲಿದೆ. ಇದು ಅನಿಯಮಿತ ಚಾಲನೆಯಲ್ಲೂ ನಿಯಂತ್ರಣ ಸಾಧಿಸಲು ನೆರವಾಗಲಿದೆ.

ಈ ಸಮತೋಲಿತ ಗಾಡಿ ಸುತ್ತುವರಿದ ಪ್ರದೇಶಗಳ ಚಲನಾವಲನಗಳನ್ನು ಮಾನಿಟರ್ ಮಾಡುವ ವ್ಯವಸ್ಥೆಯನ್ನು ಹೊಂದಿದ್ದು, ತದಾ ಬಳಿಕ ನಿಯಂತ್ರಣ ಪಡೆದುಕೊಳ್ಳಲಿದೆ.

ಅಂತೆಯೇ ನೇವಿಗೇಷನ್ ಸಿಸ್ಟಂಗಳಂತಹ ಆಧುನಿಕ ತಂತ್ರಗಾರಿಕೆಯನ್ನು ಇದು ಪಡೆದುಕೊಳ್ಳಲಿದೆ. ಹಾಗೆಯೇ ವಾಯ್ಸ್ ಕಂಟ್ರೋಲ್ ಇದರಲ್ಲಿರಲಿದೆ.

ಇನ್ನು ಪ್ರಯಾಣಿಕರು ಇದರೊಳಗಿನಿಂದ ಹೊರಗಿಳಿಯಲು ಡೋರ್ ಮೇಲಕ್ಕೆತ್ತಬೇಕಾಗುತ್ತದೆ.

ಸಂಪೂರ್ಣ ಪರಿಸರ ಸ್ನೇಹಿ ಎಂಬುದು ಇದರ ಮಗದೊಂದು ಮುಖ್ಯ ಅಂಶವಾಗಿದ್ದು, ವಾಯು ಮಾಲಿನ್ಯ ಭೀತಿಯನ್ನು ತೊಲಗಿಸುತ್ತದೆ.

ಒಟ್ಟಿನಲ್ಲಿ ನಗರ ಪ್ರದೇಶಕ್ಕೆ ಹೇಳಿ ಮಾಡಿಸಿದಂತಹ ವಾಹನ ಇದಾಗಿದೆ. ಅಲ್ಲದೆ ದೈನಂದಿನ ಕಚೇರಿ ಕಲಾಪಗಳಿಗೆ ತೆರುಳುವವರ ಸಮಸ್ಯೆಗಳನ್ನು ಪರಿಹರಿಸಲಿದೆ.