ಬೀಚ್‌ನಲ್ಲಿ ಸಿಲುಕಿದ ದೊಡ್ಡ ಟ್ರಾವೆಲರ್ ರಕ್ಷಣೆಗೆ ಬಂದ ಮಹೀಂದ್ರಾ ಥಾರ್: ಮುಂದೆನಾಯ್ತು ನೋಡಿ...

ಭಾರತದ ಮೂಲೆ ಮೂಲೆಗಳಲ್ಲಿ ಕಡಲತೀರಗಳಿವೆ. ದೇಶ ವಿದೇಶದ ಪ್ರವಾಸಿಗರನ್ನು ಸೆಳೆಯುವಂತಹ ಅದೆಷ್ಟೋ ಸುಂದರ ಬೀಚ್‌ಗಳಿವೆ. ಈ ಬೀಚ್‌ಗಳಿಗೆ ಜನರು ವಿಶ್ರಾಂತಿಗಾಗಿ ಮತ್ತು ಮೋಜು ಮಸ್ತಿ ಮಾಡಲು ತೆರಳುತ್ತಾರೆ. ಬಹುತೇಕ ಬೀಚ್‌ಗಳ ತೀರಗಳಲ್ಲಿ ವಾಹನಗಳನ್ನು ಓಡಿಸಲು ಅನುಮತಿ ನೀಡುವುದಿಲ್ಲ. ಆದರೆ ಕೇರಳದಲ್ಲಿ ಮುಜಪ್ಪಿಲಂಗಾಡ್ ಡ್ರೈವ್-ಇನ್ ಬೀಚ್ ನಲ್ಲಿ ವಾಹನ ಓಡಿಸಬಹುದು.

ಈ ಬೀಚ್‌ನಲ್ಲಿ ಅಧಿಕಾರಿಗಳು ವಾಹನಗಳನ್ನು ಓಡಿಸಲು ಅನುಮತಿ ನೀಡಿದರೂ, ಪ್ರತಿ ವಾಹನವು ಸುಲಭವಾಗಿ ಓಡಬಹುದು ಎಂದು ಅರ್ಥವಲ್ಲ. ಇತ್ತೀಚೆಗೆ, ಫೋರ್ಸ್ ಟ್ರಾವೆಲರ್ (Force Traveller) ವ್ಯಾನ್ ಈ ಬೀಚ್‌ನಲ್ಲಿ ಸಿಲುಕಿಕೊಂಡಿತು. ನಂತರ ಮಹೀಂದ್ರ ಥಾರ್‌ ಎಸ್‍ಯುವಿಯು ಇದನ್ನು ರಕ್ಷಣೆ ಮಾಡಲಾಗಿದೆ. ಈ ಕಾರ್ಯಾಚರಣೆಯ ವೀಡಿಯೊವನ್ನು VILLAGE EXPLORE ಚಾನಲ್‌ನಲ್ಲಿ YouTube ನಲ್ಲಿ ಹಂಚಿಕೊಂಡಿದ್ದಾರೆ.

ವೀಡಿಯೊದಲ್ಲಿ, ಫೋರ್ಸ್ ಟ್ರಾವೆಲರ್ ನೀರಿಗೆ ತೀರಾ ಸಮೀಪವಿರುವ ಕಡಲತೀರದಲ್ಲಿ ಸಿಲುಕಿಕೊಂಡಿರುವುದನ್ನು ಕಾಣಬಹುದು. ಇದನ್ನು ಬ್ಲ್ಯಾಕ್ ಮಹೀಂದ್ರಾ ಥಾರ್ ಎಸ್‍ಯುವಿಗೆ ದೊಡ್ಡ ಟ್ರಾವೆಲರ್ ವ್ಯಾನ್ ಅನ್ನು ರಕ್ಷಿಸಲು ಬರುತ್ತದೆ. ಎರಡು ವಾಹನಗಳ ಸುತ್ತಲೂ ಹಲವಾರು ಜನರು ಜಮಾಯಿಸಿರುವುದನ್ನು ಕಾಣಬಹುದು. ವೀಡಿಯೊದಲ್ಲಿ ಮಹೀಂದ್ರಾ ಥಾರ್ 4X4 ಹಿಮ್ಮುಖವಾಗಿದೆ ಮತ್ತು ಜನರು ವ್ಯಾನ್‌ನಿಂದ ಥಾರ್‌ನ ಹಿಂಭಾಗಕ್ಕೆ ಹಗ್ಗವನ್ನು ಕಟ್ಟುತ್ತಾರೆ. ನಂತರ ಎಸ್‍ಯುವಿಯು ವ್ಯಾನ್ ಅನ್ನು ಹೊರತೆಗೆಯಲು ಪ್ರಯತ್ನಿಸುತ್ತದೆ.

ಆದರೆ ಹಗ್ಗವು ದುರ್ಬಲವಾಗಿರುವುದರಿಂದ, ಅದು ಸ್ನ್ಯಾಪ್ ಆಗುತ್ತದೆ ಮತ್ತು ಥಾರ್ ಮುಂದೆ ಚಲಿಸುತ್ತದೆ. ನಂತರ ಜನರು ಟ್ರಾವೆಲರ್ ವ್ಯಾನ್‌ಗೆ ಎರಡು ಪಾಯಿಂಟ್‌ಗಳಲ್ಲಿ ಹಗ್ಗ ಕಟ್ಟಿ ಹಾಕುತ್ತಾರೆ. ಹಗ್ಗವನ್ನು ಥಾರ್‌ಗೆ ಜೋಡಿಸುತ್ತಾರೆ. ನಂತರ, ಎಲ್ಲಾ ಜನರು ಫೋರ್ಸ್ ಟ್ರಾವೆಲರ್ ಸುತ್ತಲೂ ಸೇರುತ್ತಾರೆ. ಸ್ವಲ್ಪ ಎಳೆದ ಮತ್ತು ತಳ್ಳಿದ ನಂತರ, ವ್ಯಾನ್ ಅಂತಿಮವಾಗಿ ಹೊರಬರುತ್ತದೆ. ನಂತರ ಜನರು ಮಹೀಂದ್ರಾ ಥಾರ್ ಚಾಲಕನ ಸಹಾಯಕ್ಕಾಗಿ ಧನ್ಯವಾದಗಳನ್ನು ಅರ್ಪಿಸಿದರು.

ಈ ಮಹೀಂದ್ರಾ ಥಾರ್ ಎಸ್‍ಯುವಿಯ ಬಗ್ಗೆ ಹೇಳುವುದಾದರೆ, ಬಹಳ ವರ್ಷಗಳಿಂದ ದೇಶಿಯ ಮಾರುಕಟ್ಟೆಯಲ್ಲಿ ಜನಪ್ರಿಯ ಆಫ್-ರೋಡರ್ ಎಸ್‍ಯುವಿಯಾಗಿದೆ. ಸದ್ಯ ದೇಶಿಯ ಮಾರುಕಟ್ಟೆಯಲ್ಲಿರುವ ಪ್ರಸ್ತುತ ಜನರೇಷನ್ ಮಹೀಂದ್ರಾ ಥಾರ್ ಮಾದರಿಯು ಬಹುಬೇಡಿಯೊಂದಿಗೆ ಭರ್ಜರಿಯಾಗಿ ಮಾರಾಟವಾಗುತ್ತಿದೆ. ಇದರಿಂದ ಬೇಡಿಕೆ ಹೆಚ್ಚಾಗಿರುವುದರಿಂದ ಮಹೀಂದ್ರಾ ಥಾರ್ ಎಸ್‍ಯುವಿಯ ಕಾಯುವ ಅವಧಿಯು ಕೂಡ ಹೆಚ್ಚಾಗುತ್ತಿದೆ.

ಪ್ರಮುಖವಾಗಿ ಈ ಥಾರ್ ಎಸ್‍ಯುವಿಯ ಸುರಕ್ಷತೆಯ ವಿಷಯ ಹೇಳುವುದಾದರೆ, ಇದು ಅತ್ಯುತ್ತಮ ಸುರಕ್ಷತೆಯನ್ನು ಹೊಂದಿದೆ. ಗ್ಲೊಬಲ್ ಎನ್‌ಸಿಎಪಿ ಕ್ರ್ಯಾಶ್ ಟೆಸ್ಟಿಂಗ್‌ನಲ್ಲಿ 4 ಸ್ಟಾರ್ ಸೇಫ್ಚಿ ರೇಟಿಂಗ್ ಪಡೆದುಕೊಳ್ಳುವ ಮೂಲಕ ಸುರಕ್ಷಿತ ಕಾರು ಮಾದರಿಯಾಗಿ ಗುರುತಿಸಿಕೊಂಡ ನಂತರ ಈ ಥಾರ್ ಎಸ್‍ಯುವಿಗೆ ಮತ್ತಷ್ಟು ಬೇಡಿಕೆ ಪಡೆದುಕೊಂಡಿದೆ. ಈ ಎಸ್‍ಯುವಿಯ ವೈಟಿಂಗ್ ಪಿರೇಡ್ ವಿವಿಧ ವೆರಿಯೆಂಟ್‌ಗಳಿಗೆ ಅನುಗುಣವಾಗಿ ನಿರ್ಧಾರವಾಗಲಿದೆ.

ಈ ಮಹೀಂದ್ರಾ ಥಾರ್ ಈಗಾಗಲೇ ತನ್ನ ಆಫ್-ರೋಡ್ ಸಾಮರ್ಥ್ಯವನ್ನು ಸಾಬೀತು ಪಡಿಸಿದ ಎಸ್‍ಯುವಿಯಾಗಿದೆ. ಮಹೀಂದ್ರಾ ಥಾರ್ ಎಸ್‍ಯುವಿಯು ಕಡಿಮೆ ಬಜೆಟ್‌ನಲ್ಲಿ ಖರೀದಿಸಬಹುದಾದ ಅತ್ಯುತ್ತಮ ಎಸ್‍ಯುವಿಯಾಗಿದೆ. ಅದಕ್ಕಾಗಿಯೇ ವಾಹನ ಉತ್ಸಾಹಿಗಳು ಒಂದನ್ನು ಖರೀದಿಸಲು ನಿರಂತರವಾಗಿ ಸರತಿ ಸಾಲಿನಲ್ಲಿ ನಿಲ್ಲುತ್ತಾರೆ. ಮಹೀಂದ್ರಾ ಥಾರ್ ಎಸ್‍ಯುವಿಯಲ್ಲಿ 3 ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿದೆ. ಇದರ 2.0 ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ 150 ಬಿಹೆಚ್‍ಪಿ ಪವರ್ ಮತ್ತು 320 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಇನ್ನು 2.2 ಲೀಟರ್ ಟರ್ಬೊ-ಡೀಸೆಲ್ ಎಂಜಿನ್ 130 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎರಡು ಎಂಜಿನ್ ಗಳೊಂದಿಗೆ 6-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಮತ್ತು 6-ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಅನ್ನು ಜೋಡಿಸಲಾಗಿದೆ. ಈ ಎಸ್‍ಯುವಿಯ 1.5 ಲೀಟರ್ ಡೀಸೆಲ್ ಎಂಜಿನ್ 118 ಬಿಹೆಚ್‍ಪಿ ಪವರ್ ಮತ್ತು 300 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿತ್ತದೆ.