ಕೆಲಸದಿಂದ ತೆಗೆದು ಹಾಕಿದ ಕಂಪನಿಯ ಮೇಲೆ ಮಾಜಿ ಉದ್ಯೋಗಿ ಆಕ್ರೋಶ ವ್ಯಕ್ತಪಡಿಸಿದ್ದು ಹೀಗೆ

ಆದರೆ ಅಮೆರಿಕಾದಲ್ಲಿ ಉದ್ದೇಶಪೂರ್ವಕವಾಗಿಯೇ ಅಪಘಾತವಾದ ಘಟನೆಯೊಂದು ವರದಿಯಾಗಿದೆ. ಕೆಲಸದಿಂದ ತೆಗೆದುಹಾಕಿದ ಕಾರಣಕ್ಕೆ ಮಾಜಿ ಉದ್ಯೋಗಿಯೊಬ್ಬ ಈ ಅಪಘಾತವನ್ನುಂಟು ಮಾಡಿದ್ದಾನೆ. ಕೆಲಸದಿಂದ ಉದ್ಯೋಗಿಗಳನ್ನು ವಜಾ ಮಾಡುವಂತಹ ಘಟನೆಗಳು ನಡೆಯುತ್ತಲೇ ಇರುತ್ತವೆ.

ಕೆಲವರು ಅವುಗಳನ್ನು ಸಮಾಧಾನ ಚಿತ್ತದಿಂದ ಸ್ವೀಕರಿಸಿದರೆ, ಇನ್ನೂ ಕೆಲವರು ಕೋಪ, ಹತಾಶೆಯನ್ನು ಯಾವುದಾದರೂ ರೀತಿಯಲ್ಲಿ ವ್ಯಕ್ತ ಪಡಿಸುತ್ತಾರೆ.32 ವರ್ಷದ ಲ್ಯಾಸಿ ಕಾರ್ಡೆಲ್ ಜೆಂಟ್ರಿ ಎಂಬಾತ ಕೆಲಸದಿಂದ ತೆಗೆದು ಹಾಕಿದ ಕಾರಣಕ್ಕೆ ತನ್ನ ಹಳೆ ಕಂಪನಿಯ ಮೇಲೆ ಆಕ್ರೋಶ ವ್ಯಕ್ತಪಡಿಸಿದ್ದಾನೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಆತ ವಾಲ್‌ಮಾರ್ಟ್‌ ಕಂಪನಿಯಲ್ಲಿ ಉದ್ಯೋಗಿಯಾಗಿದ್ದ. ಆತನನ್ನು ಕೆಲಸದಿಂದ ತೆಗೆದು ಹಾಕುತ್ತಿದ್ದಂತೆ ನಿರಾಶೆಗೊಂಡಿದ್ದಾನೆ. ಈ ಕಾರಣಕ್ಕೆ ವಾಲ್‌ಮಾರ್ಟ್‌ ಸ್ಟೋರ್ ಮುಂಭಾಗದ ಬಾಗಿಲಿಗೆ ಕಾರಿನಿಂದ ಗುದ್ದಿ ತನ್ನ ಆಕ್ರೋಶವನ್ನು ಹೊರಹಾಕಿದ್ದಾನೆ.

ಅಮೆರಿಕಾದ ನಾರ್ತ್ ಕೆರೊಲಿನಾದಲ್ಲಿರುವ ವಾಲ್‌ಮಾರ್ಟ್ ಸ್ಟೋರ್'ನಲ್ಲಿ ಈ ಘಟನೆ ನಡೆದಿದೆ. ಸ್ಟೋರ್'ನ ಮುಂಭಾಗಕ್ಕೆ ಗಂಭೀರ ಹಾನಿಯಾದರೂ ಸಹ ಲ್ಯಾಸಿ ಕಾರ್ಡೆಲ್ ಜೆಂಟ್ರಿಯ ಕೋಪ ತಣ್ಣಗಾಗಿಲ್ಲ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ನಂತರವೂ ಆತ ತನ್ನ ಕಾರನ್ನು ಅಂಗಡಿಯೊಳಗೆ ಚಾಲನೆ ಮಾಡಿ ಮತ್ತಷ್ಟು ಹಾನಿಯನ್ನುಂಟು ಮಾಡಿದ್ದಾನೆ. ಕಾರು, ಸ್ಟೋರ್'ನಲ್ಲಿದ್ದ ದೊಡ್ಡ ಡಿಸ್ ಪ್ಲೇಗೆ ಡಿಕ್ಕಿ ಹೊಡೆದ ನಂತರ ಲ್ಯಾಸಿ ಕಾರ್ಡೆಲ್ ಕಾರ್ ಅನ್ನು ನಿಲ್ಲಿಸಿದ್ದಾನೆ.

ಲ್ಯಾಸಿ ಕಾರ್ಡೆಲ್ ಜೆಂಟ್ರಿ 2015ರ ಮಾಡೆಲ್ ಫೋಕ್ಸ್‌ವ್ಯಾಗನ್ ಪಾಸಾಟ್ ಕಾರನ್ನು ಬಳಸಿ ಇಷ್ಟೆಲ್ಲಾ ರಾದ್ದಾಂತ ಸೃಷ್ಟಿಸಿದ್ದಾನೆ. ಆತ್ಮಹತ್ಯೆಗೆ ಸಂಚು ರೂಪಿಸಲಾದ ಆರೋಪದ ಮೇಲೆ ಪೊಲೀಸರು ಲ್ಯಾಸಿ ಕಾರ್ಡೆಲ್ ಜೆಂಟ್ರಿಯನ್ನು ಬಂಧಿಸಿದ್ದಾರೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಕೆಲಸದಿಂದ ತೆಗೆದ ಮರುದಿನ ಬೆಳಿಗ್ಗೆ 6 ಗಂಟೆಗೆ ವಾಲ್‌ಮಾರ್ಟ್‌ ಸ್ಟೋರ್'ಗೆ ತನ್ನ ಕಾರಿನಲ್ಲಿ ಬಂದು ಈ ಅವಾಂತರ ಮಾಡಿದ್ದಾನೆ. ಈ ಘಟನೆಯು ಅಮೆರಿಕಾದಲ್ಲಿ ಕೋಲಾಹಲವನ್ನುಂಟು ಮಾಡಿದೆ. ಆದರೆ ಅಮೆರಿಕಾದಲ್ಲಿ ಈ ರೀತಿಯ ಘಟನೆಗಳು ನಡೆಯುತ್ತಿರುವುದು ಇದೇ ಮೊದಲಲ್ಲ ಎಂಬುದು ಗಮನಾರ್ಹ.

ಈ ಹಿಂದೆಯೂ ಕೆಲಸದಿಂದ ವಜಾಗೊಂಡ ಹಲವು ಕಂಪನಿಗಳ ಮಾಜಿ ಉದ್ಯೋಗಿಗಳು ಇದೇ ರೀತಿಯ ಘಟನೆಗಳಲ್ಲಿ ಭಾಗಿಯಾಗಿದ್ದರು. ಈ ರೀತಿಯ ಘಟನೆಗಳು ಚಾಲಕನಿಗೆ ಮಾತ್ರವಲ್ಲದೆ ಅಲ್ಲಿರುವ ಜನರ ಜೀವಕ್ಕೂ ಅಪಾಯವನ್ನುಂಟು ಮಾಡುತ್ತವೆ.

ಚಿತ್ರಕೃಪೆ: ಸಿಟಿ ಆಫ್ ಕಾನ್ಕಾರ್ಡ್, ಎನ್‌ಸಿ - ಪೊಲೀಸ್ ಇಲಾಖೆ