ಬರಿ 3.5 ತಾಸಿನಲ್ಲಿ ಲಂಡನ್‌ನಿಂದ ನ್ಯೂಯಾರ್ಕ್‌ಗೆ ನೆಗೆತ!

ಭವಿಷ್ಯತ್ತಿನ ವಿಮಾನ ನಿರ್ಮಾಣದಲ್ಲಿ ಮುಂಚೂಣಿಯ ವಾಹನ ಸಂಸ್ಥೆಗಳು ಮಗ್ನವಾಗಿದೆ.

By Nagaraja

Published: Wednesday, November 16, 2016, 14:57 [IST]

ವಾಹನ ಕ್ಷೇತ್ರದಲ್ಲಿ ತಂತ್ರಜ್ಞಾನಗಳ ನಿರಂತರ ಅಭಿವೃದ್ಧಿ ನಡೆಯುತ್ತಿದ್ದು, ಇದಕ್ಕೊಂದು ಹೊಸ ಸೇರ್ಪೆಡೆಯೆಂಬಂತೆ ಭವಿಷ್ಯತ್ತಿನ ಸೂಪರ್ ಸೋನಿಕ್ ಪ್ರಯಾಣಿಕ ವಿಮಾನವನ್ನು ಅನಾವರಣಗೊಳಿಸಲಾಗಿದ್ದು, ಬರಿ 3.5 ತಾಸಿನಲ್ಲೇ ಲಂಡನ್ ನಿಂದ 5,585 ಕೀ.ಮೀ. ದೂರದಲ್ಲಿ ಸ್ಥಿತಗೊಂಡಿರುವ ನ್ಯೂಯಾರ್ಕ್ ಗೆ ನೆಗೆಯಬಹುದಾಗಿದೆ.

ಬರಿ 3.5 ತಾಸಿನಲ್ಲಿ ಲಂಡನ್‌ನಿಂದ ನ್ಯೂಯಾರ್ಕ್‌ಗೆ ನೆಗೆತ!

ಬೂಮ್ ವಿಮಾನಯಾನ ಸಂಸ್ಥೆ ಈ ವಿನೂತನ ಕಲ್ಪನೆಗೆ ರೂಪುರೇಷೆ ನೀಡಿದೆ. ಸಂಸ್ಥೆಯ ಸ್ಥಾಪಕ ರಿಚರ್ಡ್ ಬ್ರಾನ್ಸನ್ ಎಂಬವರೇ ಈ ಬೇಬಿ ಬೂಮ್ ವಿಮಾನದ ಸೂತ್ರಧಾರಿಯೆನಿಸಿಕೊಂಡಿದ್ದಾರೆ.

ಇದುವರೆಗೆ ನಿರ್ಮಿತ ಜಗತ್ತಿನ ಅತಿ ವೇಗದ ನಾಗರಿಕ ವಿಮಾನ ಎಂದು ಗುರುತಿಸಿಕೊಂಡಿರುವ ಎಕ್ಸ್‌ಬಿ-1 ಸೂಪರ್ ಸೋನಿಕ್ ಡೆಮೊನ್ ಸ್ಟ್ರೇಟರ್ ವಿಮಾನವು ತನ್ನ ಮೊದಲ ಯಾನವನ್ನು 2017ನೇ ಸಾಲಿನಲ್ಲಿ ಕೈಗೊಳ್ಳಲಿದೆ.

ಗಗನ ನೌಕೆ ಸಂಸ್ಥೆ ವರ್ಜಿನ್ ಗ್ಯಾಲಕ್ಟಿಕ್ಸ್ ಜೊತೆಗಾರಿಕೆಯಲ್ಲಿ ದಕ್ಷಿಣ ಕ್ಯಾಲಿಫೋರ್ನಿಯಾದ ಎಡ್ವರ್ಡ್ಸ್ ವಾಯುಸೇನಾ ನೆಲೆಯಲ್ಲಿ ನೂತನ ಸೂಪರ್ ಸೋನಿಕ್ ನಾಗರಿಕ ವಿಮಾನದ ಪ್ರಯೋಗಿಕ ಪರೀಕ್ಷೆಯು ನೆರವೇರಲಿದೆ.

ಪ್ರಸ್ತುತ ಮೊದಲ ಮಾದರಿಯು ಡೆನ್ವೆರ್ ಸೆಂಟೆನಿಯಲ್ ವಿಮಾನದಲ್ಲಿ ಅನಾವರಣಗೊಂಡಿದ್ದು, ಬೂಮ್ ನೈಜ ವಿಮಾನದ ಮೂರನೇ ಒಂದರ ಆಕಾರದಲ್ಲಿ ನಿರ್ಮಿಸಿ ಪರಿಚಯಿಸಲಾಗಿದೆ.

ವಿಮಾನಯಾನ ಕ್ಷೇತ್ರದಲ್ಲಿ ನೂತನ ತಂತ್ರಜ್ಞಾನವನ್ನು ಅವಿಷ್ಕರಿಸುವುದರಲ್ಲಿ ತಾನು ಅತೀವ ಆಸಕ್ತಿಯನ್ನು ಹೊಂದಿರುವೆನು ಎಂದು ರಿಚರ್ಡ್ ಬ್ರಾನ್ಸನ್ ವಿವರಿಸುತ್ತಾರೆ.

ಇದು ಅತಿ ವೇಗದ ಕಾಂಕರ್ಡ್ ವಿಮಾನಗಿಂತಲೂ 160 ಕೀ.ಮೀ. ಹೆಚ್ಚು ವೇಗದಲ್ಲಿ ಅಂದರೆ ಗಂಟೆಗೆ 1451 ಕೀ.ಮೀ. ವೇಗದಲ್ಲಿ ಸಂಚರಿಸುವಷ್ಟು ಸಾಮರ್ಥ್ಯ ಹೊಂದಿದೆ. ಇದು ಶಬ್ದ ವೇಗ ಮ್ಯಾಕ್ 2.2 ಗೆ ಸಮಾನವಾಗಿರಲಿದೆ.